This is an example of a HTML caption with link themeforest.net.

«Ватанны сөю – Иманнандыр».


«Бер көн вә бер төн чик буенда сакта тору көндезләрен Ураза
тотып, төннәрен гыйбадәт кылып үткәрелгән бер айдан
хәерлерәктер»
Һәр милләтнең иң изге байлыгы – азатлыгы һәм хөрриятедер.
Дөньяда кешечә яшәвебез азатлык, хөррият булуына бәйле. Сугыш –
кешеләр өчен һич кенә дә тансык булмаган, ләкин халыклар
тормышыннан юкка чыгару мөмкин түгел бер вакыйгадыр. Сугышка
әзерлексез, кирәк чагында йорты-иле, азатлык вә хөррияте өчен
матди-мәгънәви бөтен барлыгын бирмәгән милләтләр тарих
сәхнәсеннән югалалар яисә әсир буларак яшәргә мәҗбүр булалар. Бу
җәһәттән азатлык һәм хөрриятебезне саклау өчен һәр караштан көчле
дошман явына каршы торырга һәрвакыт әзер булырга мәҗбүрбез.


Нәкъ халык дастанында әйткәнчә:
“Байракларны байрак иткән – өстендәге кандыр,
Туфрагы өчен үлсәм дә, лаек Ватандыр”.
Әйе, бу мәсьәләдә Бөек Раббыбыз “Әнфәл” сүрәсенең 60нчы аятендә:
“Аларга каршы, көчегездән килгәнчә, куәт туплагыз, җиһад өчен яхшы
атлар әзерләгез, шулай итеп, Аллаһының дошманнарын, үзегезнең
дошманнарыгызны вә үзегез белмәгән, әмма Аллаһыга мәгълүм
дошманнарыгызны куркытыгыз. Аллаһы юлында сарыф иткәннәрегез
кимчелексез үзегезгә кайтыр, сез гаделсезлеккә дучар булмассыз”, -
дип әмер итте.
Бу аять җәлиләдәге “куәт” төшенчәсе сугышта дошманнан өстенлек
тәэмин итүгә яраган һәртөрле корал һәм техниканы эченә ала.

Пушка, мылтык, танк, самолет, юллар, гаскәр, ашамлык-эчемлек,
гыйлем, фән, сәнгать, мәдәният, икътисад, кеше көче... Менә
шуларның барчасы “куәт” төшенчәсенә бәйледер. Җир йөзендә
шәрәфле бер милләт буларак калуыбыз өчен, боларны тулысынча
һәм җәһәт шәкелдә әзерләү зарури. Дин буенча да бу мәсьәләдә
бөтен көчне куллану мотлак. Чөнки Раббыбызның әмере вә сөекле
Пәйгамбәребез с.г.в.нең үгетләре моны таләп итәдер.
Аллаһы илчесе беркөн минбәрдән бу аять җәлиләне укыганнан соң өч
мәртәбә:
“Яхшы белегез ки, куәт – ату димәктер”, - дип боера.
Игътибар итсәгез, Пәйгамбәр с.г.в. “куәт – ату”, - дип бәян иткән, ләкин
ни атылачагын ачыкламаган. Чөнки атылачак нәрсә заманга, урынга
һәм гасырга күрә үзгәрүчәндер. Иң башта кул белән таш яисә җәядән
ук атудан гыйбарәт булган сугыш кораллары вә чаралары бүгенге
көндә материклар арасында ракеталар һәм снарядлар ату
дәрәҗәсенә җитте.
Һәрнәрсәнең гыйльми вә гамәли мәктәбе булган кебек, сугыш һәм ил
саклауның да үз гыйлеме вә сәнгате бар. Бу гыйлемне өйрәтү урыны -
гаскәр сафларыдыр. Динебезне, йортыбызны, азатлыгыбызны саклау
хакына, хәрби хезмәткә чакырылганда, каһарман гаскәребезнең
сафларына сөенеч белән кушылсак иде.
Хәрби дәрәҗә вә хезмәт иткән җир кайда гына булса да, гаскәрилек –
иң мөкатдәс вазыйфабыздыр. Бөек Раббыбыз бу бурычны безнең
милләтләребезгә йөкләтмештер. Шуңа күрә тарихыбыз башка
милләтләргә насыйп булмаган җиңүләр белән тулыдыр. Чөнки
гаскәрдә хезмәт итүчеләребез, олысы-кечесе, яше-карты, зәгыйфь-
куәтлесе, ире-хатыны белән бөтен милләтләребезнең рәхәт йокысы
өчен үз йокысын фида кыла.
 
Ватан, милләт, азатлык, намус, дин хакына кирәккәндә сөенеч һәм
горурлык белән канын агызыр, җанын бирер. Милләтләребезнең
тынычлыгы өчен үз гомерен төрле куркынычлар астына куяр.
Әнә шундый каһарманнар өчен Аллаһы Рәсүле боерды ки:
“Ул шундый бәхетле колдыр ки, Аллаһы юлында вә милләт хакына,
атының тезгененә сарылып, дошманга каршы башыннан аягына кадәр
тузанга баткан бер хәлдә сугышыр, хезмәт итәр. Беренчесе булса да,
соңгысы булса да, вазыйфасын тугры үтәр, арысландай гайрәт итәр”.
Икенче бер мөбарәк хәдистә исә болай диелә:
“Бер көн вә бер төн чик буенда сакта тору көндезләрен Ураза тотып,
төннәрен гыйбадәт кылып үткәрелгән бер айдан хәерлерәктер. Чик
буенда сакта торган егет хәрби вазыйфасын башкару өстендә үлсә,
ният иткән эшенең савабы вә ризыгы кыямәткә кадәр артыр вә дәвам
итәр. Кабер газапларыннан да азат ителер”.
 
Мөхәммәт ГАЛЛӘМ.

Хәбәрләр

Мәчәләй хәбәрләре

Сиксән яшьлек мәзинебез бар Нигмәтулла углы Дамир бабайга сиксән яшь. Ул авылыбызның күрке. Аның белән горурланып яшибез.Ничек горурланмыйсың. Һәр көнне биш вакыт намазга чакырып азан әйтә. Азан авазлары һәммәбезне рухландыра. Җаннарыбызга тынычлык, күңелләребезгә сафлык, яшәү дәрте өсти. Сиксән яшьлек мәзин Дамир абыйга каян килә соң шундый дәрт-дәрман?

Дуслыгыбызны "Сәлам"га язылу белән белгертик

Аллаһыга шөкер, айдан-айга, әкрен генә булса да, "Сәлам" гәҗитәсенә язылучылар саны арта бара. Самарның үзендә һәм Кошка, Чаллы Баш районнарында бу аеруча күзгә ташлана. Безнең максатыбыз изгеләрдән-изге.Халкыбызны дөрес юлга чыгару. Төрле сәбәпләр аркасында, динебез Ислам таләпләрен белмәүчеләр бар. "Сәлам" гәҗитәсенең һәр санында Изге Китабыбыз Коръәни Кәрим, Пәйгамбәребезнең хәдисләре һәм татар халкының рухи байлыгы язылып килә.

Апрельдәге тамашалар

Апрельнең өчендә 17 сәгатьтә Киров мәйданындагы мәдәният Сараенда "Татар балалары җырлый" исемле зур тамаша. Барлык ата-аналарны балалары белән җыр-бию карарга чакырабыз.

Иске Ярмәктә исән калган бердән-бер сугыш ветераны

Фронтларда имгәнеп, чирләрдән интексәләр дә, сугыш ветераннары колхозны, авыл тормышын үсеш юлына бастыру өчен күп тырыштылар. Кулсыз, яисә аяксыз калган кешеләрнең янталашып печән чабуын, утын әзерләвен һәм башка авыр эшләрне башкаруын күргәндә йөрәк әрнесә дә, аларга һәрвакыт олы хөрмәт белән карадык. Авырлыкларга бирешмичә, алар уңай тормыш үрнәкләре күрсәтеп, бер дигән балалар үстерделәр.

215 из 217