This is an example of a HTML caption with link themeforest.net.

                                                                            “Иң оста һөнәрмәнд”

Самар өлкәсе Губернаторы Николай Меркушкин инициативасы буенча 2013 елда “Профессионал года” исемле региональ конкурс оештырыла. Бу бәйгедә авыл хуҗалыгы, медицина, мәгариф, транспорт һәм башка төрле тармаклардагы иң алдынгы эшчеләрне бүләклиләр.

Быел конкурста безнең гәҗитәнең штаттан тыш хәбәрчесе, медицина хезмәткәре Нурания Абзалова да “Иң яхшы фельдшер-акушер” номинациясендә җиңүче булды. Милләттәшебезгә Диплом белән акчалата бүләк тапшырылды.

1959 елда туган Нурания апа – сугыш инвалиды кызы, тыл хезмәтендә катнашучы. Ул Рус Байтуганы авылы мәктәбендә 8 сыйныфлык белем алгач, Шенталы медицина училищесына укырга керә. Аны тәмамлагач, башта бер ел Камышлы районының Бозбаш авылында эшли. Аннары Рус Байтуганы һәм Чуаш Байтуганы авылларының фельдшер-акушеры булып бүгенге көнгә кадәр хезмәт итә.

  • Бик каты чирләгән әниемне табиблар коткарып калгач, аларга рәхмәтле булып һәм сокланып, шулай ук Шенталы медицина училищесына укырга кергән апам эзләреннән мин дә шушы юлны сайларга булдым, - ди Нурания Абзалова.

Һәм менә инде 36 ел буена медицина хезмәтен башкаручы Нурания апа бу карарына бер генә дә үкенмәгән. Ә моның өчен сәбәпләре дә аз түгел. Көннәрен генә түгел, төн уртасында да авыруларга ярдәмгә чыгып киткән чаклары күп бит аның! Ярый әле ире Фиргать хатынына булышып, ерак җирләргә аны машинада йөртә.

Нурания апаның бөтен җирдә дә өлгерүенә исең китәр! Эшеннән тыш, ул ире белән әле умартачылык белән дә шөгыльләнә, мәкаләләр дә яза, авылларында туган “Әлифба” авторы Сәләй Вагыйзов хөрмәтенә музей ачу мәшәкатьләре белән дә йөри.

Хәтта бүләкләү вакытында да, үзе турында гына уйламыйча, уңае чыккач, ул Губернатордан Сәләй Вагыйзов музеен ачарга булышуын сораган. Николай Меркушкин: “Сезнең үтенечне исәпкә алып, ярдәм итәргә тырышырмын”, - дип вәгъдә иткән.

  • Губернаторның бу бүләге минеке генә түгел, ул Шенталы медицина училищесында миңа белем биргән укытучыларым бүләге дә, - дип күз яшьләрен тыя алмыйча сөйләде Нурания апа.

Шундый йомшак күңелле милләттәшебез авыру кешеләргә медицина ярдәме генә күрсәтеп кенә калмый, ә җылы сүз белән дә аларның күңелен күтәрә.

- Эшем нинди генә авыр булмасын, мин аны яратып башкарам, чөнки ярдәмем тигән кешеләрдән рәхмәт сүзе ишетүе, аларга булышуымның нәтиҗәле булуы – минем өчен зур бәхет, - ди игелекле күңелле Нурания апа.

Миләүшә Газыйм.

Хәбәрләр

Я помню! Я горжусь!

День Победы-очень важный и памятный день для нашей страны! Этот день мы чтим и в нашей семье, потому что четверо моих прадедушек защищали нашу страну в годы Великой Отечественной войны. Свой рассказ я хочу посвятить одному из моих прадедушек, Гилязу Галяутдиновичу Шамбазову. Он родился 20 января 1903 года, умер 18 октября 2010. Всего прожил 107 лет. Долгое время он являлся самым пожилым человеком Самарской области.

"Ялкынлы яшлек" ансамблендә җитәкче алмашынды

2021 ел. Июннең 12се. Самарның Юрий Гагарин исемендәге паркы гөжләп торды. Дистәләгән мәйданчыкта күңелләренә хуш килгән уеннарны hәркем сайлап алды.

Үтенечебезне ишеттеләр...

Ислам динен тотканда, аның хөкемнәрен башкарганда без иң элек Аллаһының ризалыгын алу һәм саваплы булу өчен тырышабыз. Мәчәләй авылында без гади мөселманнар булсак та , арабызда шактый ихлас, намаз әһелләре, дин исламны укып яшәүче кешеләр юк түгел.

Илгиз абый Кәлүчнең истәлегенә багышланган тантанага килегез!

Илгиз абый Кәлүчнең истәлегенә багышланган тантанага килегез! Тамаша июньнең 6-да "Чайка" мәдәният сараенда узачак.

1 из 217