This is an example of a HTML caption with link themeforest.net.

Мәчәләй авылында "Восток" фирмасы үзенә яңа офис төзеде. Шул тантанага фирма җитәкчесе Ринат Искәндәрев барлык хезмәткәрләрен, авыл башлыгын, имамнарны чакырды. Тантана Коръән уку белән башланып китте. Аннары хуҗалык җитәкчесе Ринат Искәндәрев язгы чәчүгә әзерлек турында сөйләде. Баш инженер Мамышев белдерүенчә, Язгы чәчүгә техника әзер. Шулай да яңадан карап чыгу кирәк гамәл. Орлыклар әзер. Быел игеннәрне 2300 гектар мәйданда чәчү көтелә. Бер генә проблем бар. Ягулыкларның хаклары артып тора. Телевизордан авылга акчалата ярдәм бирү турында ялтыравыклы сүзләр күп сөйләнсә дә, чынбарлыкта авыл хезмәткәрен кабалага батыралар. Биргән акчаларын ике-өч мәртәбә арттырып тартып алалар. Кредитлар белән сак булырга кирәк.
Табындагы сөйләшү язгы чәчү турында гына бармады. Авыл советы рәисе Урәзмәтов: "Авылда "Җәмәгатьчелек шура"сын төзү кирәк. Безнең проблемнарны читтән килеп хәл итмәячәкләр. Без үзебезне-үзебез генә саклап кала алабыз", диде.
Авылның әхлагы яхшы якка борыла. Җыелышларда исерек килеш акыру-бакырулар бетте. Оят дигән нәрсә барлыкка килде. Олыларны хөрмәтләү арта. Авыл юлларын чистартып торалар. Авыл халкына ашлык,терлек-туар тотучыларга печән, салам бирәләр. Барлык мәсәләләрне уртага салып киңәшләчкәч, чәйле табында сыйланып, күңелләребез күтәрелеп өйләребезгә таралыштык.

 

 

Шамил Мамышев.
Мәчәләй авылы.

Хәбәрләр

Олуг шәхесебезне сагынып

Исмәгыйл угылы Илгиз Кәлүчне туган көнендә аеруча юксынабыз. Аллаhыга шөкер, Илгиз әфәндене исән чагында Дәүләтебез хезмәтен бәяләде. Күкрәген орден, медалләр бизәде.

Урыс императорларын Ислам белән таныштырган беренче кеше

XVIII гасыр башына Рәсәй империясе Исламга аеруча да кызыксыну белдерә башлый. Моңа Петр Iнең мөселман илләре белән сәүдә элемтәләрен җайларга теләве дә, Ислам динен тотучы гражданнарны аңларга тырышуы да, шулай ук Рәсәйнең Госманлы империясе һәм Иран белән сугышлар барлыкка килүгә китергән көньяк чикләрендәге геополитик активлыгы да йогынты ясый.

«Ватанны сөю – Иманнандыр»

«Бер көн вә бер төн чик буенда сакта тору көндезләрен Ураза тотып, төннәрен гыйбадәт кылып үткәрелгән бер айдан хәерлерәктер» Һәр милләтнең иң изге байлыгы – азатлыгы һәм хөрриятедер. Дөньяда кешечә яшәвебез азатлык, хөррият булуына бәйле. Сугыш – кешеләр өчен һич кенә дә тансык булмаган, ләкин халыклар тормышыннан юкка чыгару мөмкин түгел бер вакыйгадыр.

VI Бөтендөнья татар хатын-кызлары форумының пленар утырышында Татарстан Республикасы Дәүләт бүләкләре тапшырылды

VI Бөтендөнья татар хатын-кызлары форумының пленар утырышына нәтиҗә ясап, Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев катнашучыларга рәхмәт белдерде. “Пленар утырышта чыгыш ясаучыларның докладларында бик төпле фикерләр әйтелде. Бүгенге көндә мәркәзебез Казанда җыелып, уртага салып, татар милләте өчен алга бару юлларын эзләү, фикерләр белән уртаклашу бик мөһим. Бөтендөнья татар конгрессы исеменнән сезгә рәхмәтемне җиткерәм.

2 из 217