This is an example of a HTML caption with link themeforest.net.
Гомәр Батршин академик дипломына ия булды
Самарда борынгы болгар бабаларыбызның мирасын саклаучы   
эшкуар Мулланур угылы Гомәр Батршинны күпчелек татарлар беләдер.
Болгар дәүләтенең төньяк чигендә – Ширяево авылы тавында “Канатлы барс” сынын куючы да, Зубчаниновка бистәсендә “Болгар мирасы” мәсҗиден төзүче дә ул.
Шулай ук Гомәр әфәнде татар милли хәрәкәтендәге башка эшләрдә дә актив катнаша, иганәчелек ярдәме күрсәтеп яши.
Гомәр Батршин җитәкләгән “Болгар мирасы” исемле тарихи-мәдәни фонд, 2008 елдан бирле гамәлдә булып, Бөек Болгар дәүләте тарихын яктыртуда һәм популярлаштыруда, аның мәдәни мирасын
саклауда, җәмгыятьнең рухи-әхлаки кыйммәтләрен формалаштыруда, халыклар арасында килешү һәм дуслыкны ныгытуда зур роль уйный.
 
“Болгар мирасы” фонды попечительләр Шурасы рәисе Гомәр Батршинның лаеклы хезмәтен югары бәяләп, аны “Европа-Азия” Халыкара гуманитар академиясенең хөрмәтле әгъзасы (академигы)
итеп сайладылар һәм март аенда Казанда тантаналы рәвештә академик дипломы һәм тасма тапшырдылар.
 
“Европа-Азия” Халыкара гуманитар академия” региональ иҗтимагый оешмасының президенты – Советлар Союзы һәм Россия Федерациясенең тарихчысы, җәмәгать эшлеклесе, тарихи фәннәр
докторы, профессор, Дөнья мәдәнияте институты (ЮНЕСКО) ректоры
Риза угылы Энгел Таһиров. Ул – тарихчы Индус Таһировның
бертуганы.
 
Әлеге мөһим вакыйга турында Гомәр әфәндедән фикер-тәэсирләре
белән уртаклашуын сорадык.
 
“Әлеге хәбәр, минем өчен көтелмәгән булып иреште. Тантанада
катнашырга алдан әзерләнеп тә өлгермәдем хәтта.
Мин инде 15 – 20 еллар дәвамында Татарстанда уздырылган “түгәрәк
өстәл”ләрдә, конференцияләрдә, башка чараларда катнашып киләм.
Тарихчылар белән очрашып, тарихи, дини темаларга аралашып
торам. Алар белән сөйләшкән арада, төрле чараларда яңгыраткан
кайбер уй-фикерләрем, тәкъдимнәрем тарихи хезмәтләр, китаплар
язганда ярдәмгә дә килде. Моны билгеләп үткән академиклар
арасында миңа кандидат диссертациясен якларга киңәш итүчеләр дә
булды.
Шулай ук “Болгар мирасы” фондының эшчәнлеген дә күздә тотып, 
миңа шушы исемне бирергә булганнардыр инде.
Тарих фәннәре докторы, профессор Фаяз Хуҗин, күренекле татар
галиме, тарих фәннәре докторы Гамирҗан Дәүләтшин һәм башкалар
да Самарга төрле чараларда катнашырга киләләр бит. Лекцияләр
укыйлар, әһәмиятле сөйләшүләр алып баралар. Ягъни Самар
татарларының тормышы, тарихыбызга кагылышлы ниятләре, эшләре
белән алар таныш инде, дип әйтәсем килә.
Мин галимнәребезне, академикларыбызны бик хөрмәт итәм. Алардагы
гыйлем, алардагы акыл – исләрең китәр бит! Әлбәттә, Халыкара
гуманитар академиясенең хөрмәтле әгъзасы итеп сайлануым
күңелемдә җылы хисләр уятты, моның өчен мин бик рәхмәтлемен.
Самар төбәге белән Татарстан арасында салынган күпер киләчәктә
тагын да ныгый барып, өлкәбездә яшәүче татарларның милли
тормышы гөрләсен, чәчәк атсын, ана телебез, динебез, тарихыбыз,
милләтебез сакланып калсын, үссен өчен барлык көчемне куеп
эшләргә тырышам. Киләчәкккә ниятләрем дә зурдан. Аллаһы Тәгалә
аларны гамәлгә ашырырга ярдәм итсен. Амин”, - дип сөйләде Гомәр
Батршин.
 
Миләүшә ГАЗЫЙМ.

Хәбәрләр

10 апреля состоится годовое общее отчетно-выборное собрание СОТО «Туган тел»

10 апреля в 11.00 в актовом зале ГКУСО «Дом дружбы народов» (г.Самара, ул.Воронежская, 9) состоится годовое общее отчетно-выборное собрание Самарского областного татарского общества «Туган тел».

“Халыкка дәрсе гыйбрәттер - театр, Күңелдә йоклаган дәртне уятыр...”

Театр – милләтебезнең иң яраткан сәнгать төре. Күренекле драматург Туфан Миңнуллин да: “Театрны, татар кебек, яраткан халык юк”, - дип дөрес бәя биргән. Хәтта бөек урыс язучысы В.Г. Белинский да: “Татарлар бик теләп театрга йөриләр һәм аны бик яраталар икән”, - дип язып калдырган. Татар халкын театрдан башка күз алдына китерү мөмкин түгелдер. Ә театрның дәвамчылары, аны яшәтүчеләр – ул, әлбәттә, тамашачылар.

Юрий Седов: “Замана зәхмәтеннән прививка ясатучылар саны бик аз”

Иске Мәчәләй авылына атнасына ике тапкыр безнең табибыбыз Юрий Валентинович Седов килеп йөри. Аның белән аралашканда, ул: ”Замана зәхмәтеннән прививка ясатучылар саны бик аз“, - ди. Халыкта сүлпәнлек һәм битарафлык күзәтелә.

Татарстанның фән һәм мәгариф министры Илсур Һадиуллин: “Татар кешесе үзенең кыйбласын сакларга тиеш”

“Татар телен саклап калу өчен аны яратырга һәм телгә карата яхшы мөнәсәбәт булдырырга кирәк. Беренчедән, татарча сөйләшүдән куркырга кирәк түгел. Русча ялгыш сөйлибез икән, кушымчаларны дөрес әйтмибез икән, суфикслар төшеп каламы, башкасымы — моннан куркырга да, оялырга да кирәк түгел.

1 из 212