This is an example of a HTML caption with link themeforest.net.
Һәммәбезгә Рәсүлебез шәфәгатен насыйп итсәң иде
 
 
 
Иске Мәчәләй авылының “ Үзәк” мәсҗидендә Мәүлед бәйрәмен үткәрдек.
Мәүледне хөрмәтләп, туганнарны, дус-ишләрне җыйдык. Хатын- кызларның да саны
унбишкә җитте.
Мәхәллә картлары һәм яшьләре дә бик актив катнаштылар. “Кешелек тарихында,
Мүхәммәд Пәйгамбәр с.г.в. кебек, бик күпләрнең мәхәббәтен казанган башка
берәүне табып булмый”,- дип башлап җибәрдем сүземне. Кыскача Мүхәммәд
Пәйгамбәр с.г.в.нең тормышын сөйләп киттем.
Фәрит Булатов, Сәйфулла Касыймов Мәүлед мөнәҗәтләрен көйләделәр.
Дамир Муратов Мүхәммәд с.г.в. кичергән авырлыклар турында сөйләде.
“Пәйгамбәребез с.г.в. турында күбрәк белгән саен йөрәкләребездә аңа карата
булган мәхәббәт хисе арта бара, аның белән рухи бәйләнеш булуны без ныграк
тоябыз һәм аннан башка тормышыбызның төссезләнүен сизәбез“, - диде мәсҗид
имамы Галиулла бабай Мамышев.
Пәйгамбәр с.г.в.тормышының һәр мизгелендә без югары кыйммәтләрнең камиллеген
күрәбез. Ул яхшы холыкка ия булуның иң матур үрнәге булып тора.
Мәүлед укыганда, барыбыз да салаватларны әйтеп утырдык. Тәмамлагач, Коръән
аятьләре укып, салаватлар әйтеп, хата- кимчелекләренә гафу сорап, барча
әрвахларга дога кылдык.
Сөекле Пәйгамбәребез с.г.а.нең туган вакытын бәян иткән касыйдәсен укучыларга
һәм тыңлаучыларга Пәйгамбәребез с.г.в. шәфәгатен насыйп итсәң иде!
Шушы яман чирләрнең авыруы кермәсен иде, Аллаһының ярдәме белән, киләчәктә
дә шушындый хәерле мәҗлесләрне күрергә һәм үткәрергә насыйп итсәң иде!
 
Вәссаләәтү вәссәләәмү галә расүүлилләһ үә галәә әәлиһи үә әсхабиһи әҗмәгыйн,
Шамил Мамышев.
Иске Мәчәләй авылы.

Хәбәрләр

«2021 нче ел- Татар милләте бердәмлеге елы» дип игълан ителә

Бүген бу хакта Татарстан Премьер-министры урынбасары, Милли Шура рәисе Васил Шәйхразыев Милли Шураның киңәйтелгән утырышында хәбәр итте. Россия төбәкләре һәм чит илләрдәге татарлар белән Zoom форматында бу шундый беренче очрашу. Анда барлыгы 360 га якын татар оешмалары җитәкчеләре катнашты.

Марат Кәбиров: Татарстан Язучылар берлеге бар, тик аларның күбесен татар белми

Татарстан Язучылар берлеге бар. Анда өч йөзгә якын әгъза һәм күпмедер язучы бар. Болар – Татарстан язучылары. Араларында Татарстанның халык язучылары, шагыйрьләре бар. Бик яхшы, бик талантлы каләм әһелләре. Тик аларның күбесен татар белми. Чөнки алар нибары – Татарстанның халык язучылары. Үзләренең дә, китапларының да, уй-фикерләренең дә шушы республика чигеннән ерак киткәннәре юк. Ә Татарстанда җиде миллион татарның күпме өлеше генә яши.

Балага социаль челтәргә куелган фото аша күз тияме?

Тормыш иптәшем социаль челтәрләргә өч айлык улыбызның фотоларын керткән. «Күз тия бит, ник алай эшләдең?!» – диюемә: «Мин аның йөзен капладым бит», – ди. Болай эшләгәндә балага чынлап та күз тимиме?

«Кесәң калынайган саен күңелең тараймасын»

Гошер бирергә онытмаска иде. Безнең мәхәллә бабаларыбыз гошер бирүнең бик күп саваплы булуына өметләнәләр. Үткән елда уңыш аз булса да, гошерен чыгардылар.

3 из 205