This is an example of a HTML caption with link themeforest.net.
Укулар хәерле сәгатьтә башлансын!
 
 
Самарның “Яктылык” мәктәбендә Белем көненә багышланган тантана
узды. Дөньябыздагы авыр хәлләр аркасында быел ул яңа форматта
үтте. Бәйрәмдә беренче һәм унберенче сыйныф укучылары гына
катнашты.
Иртәнге кояш, балаларны нурлы кочагына алып, назлап сөйде.
Беренче тапкыр мәктәп бусагасын атлап кергән бәләкәчләрне күргәч,
түбәндәге шигъри юллар искә төште:
“Өлкән дуслар шаярталар,
Ә без ачуланмыйбыз.
“Чәчәкләр артыннан, - диләр, -
Күренми бит буегыз”.
Быел класс җитәкчеләре Фәния Гыйләҗева, Аллаһы бирсә, унберенче
сыйныф укучыларын олы тормыш юлына чыгарып җибәрәчәк. Ә Галия
Тупасова һәм Рәмзия Зарипова беренче класска килгән балаларны
кабул иттеләр.
 
 
Мәктәп мөдире Радик Газизов, барысын да Белем көне белән котлап,
изге теләкләрен җиткерде, укытучыларга, укучыларга, ата-аналарга
түземлек, уңышлар теләде.
“Йолдыз” бию театрының кечкенә артистлары башкарган дәртле
биюләр, Альмира Сәитованың моңлы җырлары күңелне тагын да
күтәреп җибәрделәр.
Тантананы дүртенче сыйныф укучылары Илшат Исхаков һәм
Елизавета Лазюк татар телендә бик матур итеп алып бардылар.
 
Укучылар яраткан укытучыларына, мәктәпләренә карата булган
хисләрен шигъри юллар аша белдерделәр:
“Укытучы, мәктәп –
Бу ике сүз
Күңелемдә яши янәшә.
“Мәктәбем”, - дип
Әйткән чакта телем,
Йөрәк: “Укытучым”, - диеп эндәшә”.
Апалы-энеле Алия (11нче сыйныф укучысы) һәм Илнур (беренче
сыйныф укучысы) Шәкүровлар, җиз кыңгырау чыңлатып, балаларны
беренче дәрескә чакырдылар.
Яңа уку елы хәерле булып, бары тик шатлыклар һәм уңышлар
китерсен!
 
Миләүшә ГАЗЫЙМ
язмасы һәм фотосурәтләре.

Хәбәрләр

Марат Кәбиров: Татарстан Язучылар берлеге бар, тик аларның күбесен татар белми

Татарстан Язучылар берлеге бар. Анда өч йөзгә якын әгъза һәм күпмедер язучы бар. Болар – Татарстан язучылары. Араларында Татарстанның халык язучылары, шагыйрьләре бар. Бик яхшы, бик талантлы каләм әһелләре. Тик аларның күбесен татар белми. Чөнки алар нибары – Татарстанның халык язучылары. Үзләренең дә, китапларының да, уй-фикерләренең дә шушы республика чигеннән ерак киткәннәре юк. Ә Татарстанда җиде миллион татарның күпме өлеше генә яши.

Балага социаль челтәргә куелган фото аша күз тияме?

Тормыш иптәшем социаль челтәрләргә өч айлык улыбызның фотоларын керткән. «Күз тия бит, ник алай эшләдең?!» – диюемә: «Мин аның йөзен капладым бит», – ди. Болай эшләгәндә балага чынлап та күз тимиме?

«Кесәң калынайган саен күңелең тараймасын»

Гошер бирергә онытмаска иде. Безнең мәхәллә бабаларыбыз гошер бирүнең бик күп саваплы булуына өметләнәләр. Үткән елда уңыш аз булса да, гошерен чыгардылар.

Татар телендә гәжитә - журналларга язылмаган гаилә милләтне улемгә әзерләучеләр

Каберстанга юл тотучылар. Балаларыгыз, оныкларыгыз, туруннарыгыз татарча укымасалар, Cезгә догачылар калмаячак Жирдә!

3 из 204