This is an example of a HTML caption with link themeforest.net.

                                                                Татарны данлаган Булгар

Булгар тыюлыгы ЮНЕСКО тарафыннан дөнья тарихының алтын фондына кертелде. Ул данлыклы сәяхәт үзәгенә әверелә бара. Биредә үз милләтебезгә, аның үткәндәге казанышларына карата хөрмәт һәм горурлык хисләре уяна, имгәтелгән үзаңыбыз җайлана. Күпләрнең тирән яткан милли хисләре уяна.

Аллаһыга шөкер, милләтебезгә тагылган ялганнар, уйдырмалар һәм мәсхәрәләүләр торган саен кими. Чынбарлык тарихыбыз тоткынлыктан чыгып, милләтебез үз бәрәкәтен һәм күркәм сыйфатларын дөньяга ныграк таныта бара.

Булгар дәүләтен: “Золотой трон Востока”, “Царство разума”, «Светочь просвещения” һәм “Великая Булгария» дигәннәр. Ни өчен аны болай атаганнар соң?!

Алтын Урда дәүләте чорындагы тарих галиме Имам Бахши Идел буе Булгарстаны турында күп кызыклы нәрсәләр яза. Мәсәлән, Булгар шәһәрендә дөньяда бердәнбер патшаларның, корольләрнең тәхеткә утырырга тиешле балалары өчен “Галиҗәнәпләр мәктәбе” (“Школа принцев») булган. Анда аларга төрле фәннәр һәм сугыш стратегиясен өйрәнү буенча фундаменталь белем бирелгән. Бу данлыклы уку йортын тәмамлагач, алар төрле илләрдә патшалар, корольләр булып утырганнар. Алар арасында данлыклы шагыйрьләр, төрле фәннәргә нигез салган галимнәр дә бар.

Биредә поляклар, немецлар, венгрлар, испаннар, тунислылар, марокколылар, уйгурлар, монголлар, тангутлар, маньчжурлар, египетлылар, әрмәннәр, азербайҗаннар, грузиннар, кытайлар, французлар һәм башкалар булганнар.

1236 елда Булгар илендә 300 шәһәр булган. Анда 6 миллион кеше булып, шуларның яртысы шәһәрләрдә яшәгән.

1080 елда Биләрдә “Мөхәммәд Бакирия” исемле беренче Булгар университеты ачылган. Аның ректоры – тарих галиме, сәед Якуб ибн Нугман булган (Әхмәд ибн Фадланның оныгы).

Булгар галимнәренең, осталарының һәм белгечләренең даны бөтен дөньяга танылган. Анда фән, мәдәният һәмикътисад (экономика) көчле үсеш алганнар. Татар теле ул чорда дөнья күләмендә интернациональ тел булып саналган. Андагы акча берәмлеге - дирхем тиңе булмаган көчле валюта булып саналган.

Галиҗәнәпләр мәктәбендә” укучыларны унлыкларга бүлеп укытканнар. Шуларның берсендә:

  1. Поляк Лешко.

  2. Грузин Бурджан бек (киләчәктә Шота Руставели).

  3. Меркит Тохта.

  4. Әрмән Багрэм бәк.

  5. Азербайҗан Сабир Илдегиз.

  6. Дунай булгары Калай–Җан.

  7. Египеттан Асад Булгари.

  8. Сәлдҗук Булгардус.

  9. Черниговтан Булюмар (Владимир Святославич, “Слово о полку Игореве” китабының авторы).

Булгарда укыган кайбер акыл ияләре, башка илләрдән килсәләр дә, үз атамаларына горурланып “Булгари” кушымтасы өстәгәннәр.

Булгар илендәге казна акчасы бары тик Кинешет (народное собрание, парламент) рөхсәте буенча гына расходланган. (Еврейлардагы “Кнессет” сүзе борынгы булгарларның Кинешет сүзеннән алынган). Булгар ханы Алмыш Джафар: «Хөкүмәт халыкка туклану, киенү һәм торак җайламалар кору мөмкинлекләребулдырганда гына, ул үз илендә тынычлык һәм куркынычсызлык тудыру өчен халыкны хәрби хезмәткәмәҗбүр итә ала. Әгәр дә түрәләр халыкка уңай тормыш шартлары тудырмасалар, аңардан аерылып, аныталап яшәсәләр, андый хакимият хөкүмәт дип атала алмый”, - дигән.

Әлбәттә, мондый тәртип булган, данлыклы дәүләттән мәхрүм булу – ул зар елап, тәүбәгә килерлек югалту шул!

Нариман тарихы” китабында Идел Булгары галимнәренең иң данлыклы, дөнья күләмендә танылган 250 әсәре турында язылган. Монда медицина, тарих, астрономия, математика, диалектика, философия һәм башка фәннәр кергән. Аларның күбесе бүгенге фәннәргә нигез салганнар. Ул хезмәтләр әле хәзер дә үзләренең актуальлеген югалтмаганнар. Менә шуларның кайберәүләре:

1. Мөхәммәд-Гали ибн Мирхуҗа аль Булгари (Кол Гали): “Кыйссаи Юсуф”.

2. Шәех хуҗа аль Булгари - данлыклы юрист. 1253 елда “Аль Булгария” мәдрәсәсе ректоры. “Законнарны танып белү” (Познание законов) китабы 500 ел правоведение буенча дөньяда төп уку әсбабы була.

3. Шәех хуҗа Нугман аль Булгари – Үзбәк ханның киңәшчесе. “Югары дәрәҗәдәге мәрхәмәтлелек” (Возвышенное сострадание) китабы - әхлак буенча төп дәреслек.

4. Шәех Әхмәт аль Булгари – Мәхмүт Газневиның укытучысы (Төньяк Индия һәм Көнчыгыш Әфганстанда империя төзегән кодрәтле солтан, галим, акыл иясе).

  1. Әш-шәех хуҗа Әхмәт Булгари. Аның Урта Азиядә аеруча киң танылган фәнни хезмәтләре бар. Аның хөрмәтенә куелган мәрмәр мавзолейда: “Монда дөнья күләмендә зур хөрмәт казанган дин галиме җирләнгән”, - дип язылган.

  2. Бурханетдин ибн Юсуф аль Булгари – дин галиме, табиб: “Гади дарулар җыентыгы”, “Бурханетдин фәнни язмалары”.

  3. Шәмсетдин Мөхәммәд ибн Ашраф аль Хәсәни: “Бәхәс алып бару тәртибе һәм культурасы турында трактат”.

  4. Таҗетдин ибн Юнес аль Булгари “Ат-тирияк аль Кәбир” (Большое противоядие).

Булгар иленең зур уңышларга ирешүе андагы халыктагы ватанпәрвәрлек көчле булуга да бәйләнгәндер.

Мәсәлән, борынгы Булгар дәүләтен төзүче Булгар-батыр, Карт Җиам үзенең халыкка мөрәҗәгатендә:

Безнең дәүләттә үз илен хөрмәт итүче, аның бәйсезлеге өчен үзен корбан итәргә һәрвакыт әзер булган халык яшәргә тиеш.

Үз илебезгә карата мәхәббәтне, ватанпәрвәрлекне биредәге законнар гаделлеге, йөрәкләргә үтәрлек вәгазьләр, эчтәлекле китаплар, үрнәкле риваятьләр, шәхси үрнәкләр һәм батырлыклар нигезендә тәрбияләргә кирәк.

Барлык түрәләр, имамнар тарихыбыз, гореф-гадәтләребез һәм тәрбия алымнарын куллана белү хакында ел саен имтихан биреп, үзләренең бу эшкә яраклылыгын исбатларга тиеш.

Әгәр дә Булгар иле авырлык кичерсә, әмир дә, сәүдәгәр дә, һичбер галиҗәнәп тә хөр сөрергә, күңел ачып яшәргә тиеш түгел. Әгәр дә илдә бәрәкәт булса, халыкта үз иленә карата мәхәббәт һәм горурлык күкрәп торса – шатланыгыз, барабаннар кагыгыз, флейталарда уйнагыз һәм илебез байрагын югары тотып, горур яшәгез. Мохтаҗларга ярдәм итегез, тоткындагы булгар кардәшләребезне азат итегез”, - дигән.

Безгә озак еллар: “Татарлар монголлар белән килгән кыргый халык булган”, - дип сөйләп килделәр. Ә безнең булгар бабаларыбыз биредә меңнәрчә еллар элек тә яшәгәннәр һәм бөтен дөньяны таң калдырырлык тормыш алып барганнар. Хәзерге Булгар музей-тыюлыгындагы күп нәрсә дә бу турыда сөйли.

Мондагы риваятьләрне ишеткәч, Булгар дәүләте чорындагы вакыйгалар җанланып күз алдына киләләр. Мәсәлән, Рабига күле, Габдурахман коесы, хан кызы Алтынчәч (опера язылган).

Биредәге Кара Пулат та ул чактагы хөкем итү системасының гаделлегенә һәйкәл булып тора. Биредәге сәхабәләр мавзолее да Булгарга Ислам диненең Мөхәммәт (с.г.в.) яшәгән чорда ук кергәнлеге турында сөйли.

Дөнья күләмендәге сәүдә, фән, мәгърифәт һәм дин үзәге булган Булгар патшалыгы беренче мәртәбә монголлар тарафыннан тар-мар китерелә. Аннан соң ул торгызыла һәм яңадан көчле үсеш ала. Кызганыч ки, ахырда Аксак Тимер тарафыннан ул тулысынча җимерелә һәм Булгар иленең сәяси үзәге буларак яшәүдән туктый.

Тик шулай да аның даны, аңа карата булган хөрмәт халык күңелендә гасырлар буена сакланып килгән. Казан ханлыгы чорында, аннан соңгы рус дәүләте һәм советлар власте чорында да татарлар һәрвакыт бирегә зиярәт кылырга килгәннәр. Элек яшерен төстә булса, хәзер ул зур җыен рәвешендә, массакүләм, оешкан, матур чара буларак үткәрелә. Бирегә халык үз ихтыяры белән, йөрәге кушуы буенча килә. Монда һәркемнең йөзе яктыра, чырае ачыла, күңеле нечкәрә һәм рухы байый.

Булгар җыенына халык Рәсәйдән генә түгел, дөньяның төрле почмакларыннан килә. Менә быел Кытай татарлары төркемендә 60 кеше идеБирегә Кырым мөфтие Әмирали хәзрәт Аблаев, Төньяк Кавказ халыкларының мөфтие Исмаил хәзрәт Бердыевның килүе – ул Булгар тыюлыгының татарларны гына түгел, төрле мөселман халыкларын да берләштерүче урын булачагына да ышаныч тудырды.

Фәрид Шириязданов.

Хәбәрләр

Мусульмане Тольятти празднуют Мавлид — день рождения Пророка с.а.в.

Во Дворце культуры города Тольятти тоже прошёл Мавлид. Он был организован Домом дружбы народов, совместно с Советом Тольяттинской мечети. В Исламе имеются два официальных праздника — Курбан и Ураза. Но третий праздник – Мавлид - был учреждён после смерти Пророка Мухаммеда с.а.с, как знак особого почтения к человеку, который проложил путеводную нить всем народам для их дальнейшей праведной жизни на земле. Он был последним среди множества пророков, посланных различным народам, как напоминание о близости судного дня и о предстоящих наказаниях за их грехопадения. Считается, что на протяжении всего человечества Всевышним были ниспосланы 124 тысячи посланников для того, чтобы направить жизнь народов по истинному пути и внедрить принципы единобожия.

Урыс кешесе авыз тутырып татарча сөйләшә

Мин Канаданың Ванкувер шәһәрендә яшим. Чыгы­шым буенча Себердән, Иркутск якларыннан. Анда мәктәп тәмамлап, Ленинградта югары белем алдым, һөнәрем буенча -икътисадчы. Әтием миңа шушы һөнәрне сайларга киңәш итте. Советлар Со­юзы таркалгач, Канадага китәргә булдым. Балачакта әниемнең Кыр­лай авылы турында шигырь укыганын яхшы хәтерлим. Әбием, Гайшә Сатдарова, Урал татары булган. Әбиемә кунак­ка килгәч, аннан ишеткән сүзләр әле дә хәтеремдә са­клана: "Нигә, нигә синең шаян күзләр..." Туганнан туган сең­елем үлгәч, мин апамны тыныч­ландыра алмадым, чыннан да, сузләр табу авыр. Үзенә кинәт шушы җырны җырлый башла­дым. Телефоннан, Канададан...

Эшкә күңелен сала

Туктаргали углы Рифкат Хуҗин озак еллар Самар шәһәр милли-мәдәни мохтариятен җитәкләде. Рифкат әфәнде – депутат, эшкуар, Самара өлкәсе буенча Россия Эчке эшләр министрлыгының Баш идарәсе каршындагы Иҗтимагый совет әгъзасы. Эше куп сәбәпле ул мохтарият җитәкчесе вазыйфаларыннан азат итүләрен сорады. Ноябрь башында мохтарият рәисе итеп аның урынбасарын Линар Сабировны сайладылар. Рифкат абый белән мин бик озак эшләдем. Бөтен бәйрәмнәрне бергә оештырдык, сәхнәдә мин алып баручы идем. Әлбәттә, Рифкат абыйның мәшәкате зур булды. Милли хәрәкәттә әйдаман булу һәм малтабарлыкта хезмәткә чумып эшләү - күп вакытны ала. Мин милли бәйрәмнәребезне алып баручысы буларак, аны шул яктан бәялисем килә.

Зур кыенлыклар аша зур уңышка

Быел Мәчәләй авылының хуҗалыгының хөзмәткәрләре көнен ноябрь аеның соңында гына үткәрергә туры килде. Кыр эшләрен тәмамлап кына рәхәтләнеп ял итәргә була инде. Нинди авырлыклар ООО “Восток” оешмасының эшчеләренә тәбигать китереп күрсәтте, авырлык өстенә яңа авырлыклар килеп тордылар. Ә һаман тырыш эшчеләрне җиңә алмады, планлаштырган эшләрен тәки китереп чыгардылар, уфтанмадылар. Җәй буена бер генә яңгыр булды, шуңа карамастан , яңа технологиялар белән кулланып, эшчеләр зур уңышларга ирештеләр. “Восток” рәисе Искандаров Ринат Зәйнулла улы чын олы имтихан бирде һәм кыр эшләрендә җиңеп чыгучы исемен алды.

1 из 147