This is an example of a HTML caption with link themeforest.net.
Ватаныбыз Россия Федерациясен саклауда көч куеп яшәде һәм яши
 
Самар өлкәсенең милли хәрәкәтендә байтак кеше катнашты һәм
катнаша. Гәҗитә-журналларыбызда алар турында күп яхшы сүзләр     
язылды, бәйрәмнәрдә әйтелде.
Шулар арасында Шамил Баһаутдин бар.
1989 елның февраль азагында без, Самар өлкә “Туган тел” татар
җәмгыятен оештыручылар, беренче зур чарабызны – Кышкы Сабан
туен үткәрдек. Шул турыда ишетеп, безнең яныбызга Шамил килде,
һәм менә инде 30 елдан артык ул армый-талмый милләтебез өчен,
ана телебезне, татарлыгыбызны, халкыбызның әхлакый
нигезләрен саклар өчен тырыша.
Шушы елларда Шамил өлкәбез татарларының рухи тормышын якты
якка үзгәртүгә бик зур өлеш кертте.
Аның милли бәйрәмнәрне алып барганда сәхнәдән, “Ак бәхет”
радиосыннан әйткән, “Сәлам”, “Бердәмлек” гәҗитәләрендәге
мәкаләләрендә язган дәртле сүзләре һәрбер кешене, олыны да,
кечене дә, илһамландырган, югалыр-югалмас хәлдәге татарлыгын
җанландырып җибәргән, дип уйлыйм.
“Азатлык” радиосы хәбәрчесе булганда да, чирек гасыр буена Шамил
телебезне яклауга үз өлешен кертте.
Бирешмик,
сынмыйк-сыгылмыйк,
тырышыйк,
халкыбызга тугры булыйк,
матур телебезне,
җыр-моңнарыбызны саклыйк,
дигән өндәүләре меңнәрнең җаннарына хуш килде.
Шамил Баһаутдин кызы Наилә белән
Сабан туе,
Нәүруз,
Сөмбелә бәйрәмнәрен,
Балалар фестивален,
“Уйнагыз, гармуннар!” бәйгесен оештыручылар исемлегендә.
Ул төрле милли бәйрәмнәребезне алып баручы да булды, татар
гәҗитәләрендә, радиода журналист булып та эшләде.
Ун ел буена төрле халыкларның телен, җыр-моңнарын яңгыраткан,
халык күңелендә якты йолдыз булып янган 11 телле “Радио-7”не, “Ак
бәхет”не оештыруда, эшләтүдә, җиң сызганып, хезмәт итүче дә ул. Күп
еллар “Радио-7”нең, “Туган тел” оешмасының директоры иде.
Оешмабызга килгәч тә, 1989 елда, майның 20ндә,
Куйбышев Авиазаводының Спорт Сараенда ул әдәби-
музыкаль бәйрәм үткәрде, Харрас Әюповның “Йөрәк атым” поэмасын
сәхнәләштерде. Рольләрне бик оста итеп Наилә (Шамилнең кызы, ул
вакытта әле мәктәп укучысы), Раилә Сафина-Галләмова (Куйбышев
мәдәният институты студенткасы) һәм милиционер Мәсгут Шамкаев
башкардылар.
Озакламый Наилә Куйбышев радиосында “Иделкәем-илкәем” исемле
татарча тапшыру оештырды һәм аны унбиш ел буена алып барды.
Рәшит Абдуллов белән Шамил Сызрань, Похвистнево,Тольятти
шәһәрләрендә милли оешмалар булдырырга ярдәм итеп йөрделәр.
Стара-Загора урамында Җәмигъ мәсҗиде төзер өчен җир бирмәскә
дип оештырылган митингтларда, сугыш-бәрелеш килеп чыкмасын
өчен, татарларны күзәтеп, тыеп тордылар, каршы чыкмаска
өндәделәр һәм, канун нигезендә , “Туган тел” җитәкчеләре буларак,
шәһәр түрәләре белән сөйләшеп, җирне бирдерүгә ирештеләр.
Шулай ук Рәшит Абдуллов белән Камышлы районын торгызуда
катнаштылар.
Шамил Баһаутдин һәрвакыт “Яктылык” мәктәбен пропагандалады,
беренче елларда мәктәпкә балалар туплауда Әминә Шәмси белән зур
көч куйдылар. Һәм бу уку йортының уңышлы эшләвендә аның да
өлеше зур.
Ана телләребезне укытуга киртәләр куя торган яңа кануннарга, аз
комплектлы мәктәпләрне юк итүгә, мәктәпләрдә правослау динен
укытуга каршы торып, ил җитәкчеләренә хатлар язуда да ул актив
катнашты. Шамил Бөтендөнья татар конгрессының
берничә корылтаена делегат булып сайланды.
Самар Дуслык йортының эшендә актив катнашты, милләтара
дуслыкны ныгытуга, Ватаныбыз Руссиянең бердәмлеген саклауга көч
куйды.
Аны, хәрби кешене, гаиләсе белән илебезнең кайсы почмагына
җибәрсәләр дә, ул Татарстан гәҗитә-журналларын яздырып укыган.
Телебезне, әдәбиятны яхшы белә, татар телендә чиста, матур итеп
сөйләшә.
Урыс телле мәктәпләрдә укысалар да, аның балалары, оныклары ана
телебезне яхшы беләләр, мәктәптә, институтта бик уңышлы укыйлар.
Оныгы Диләрә, берьюлы ике факультетта укып, Казан Федераль
университетын Кызыл дипломга тәмамлады. Журналист һәм инглиз
теле буенча профессиональ тәрҗемәче дипломын алды.
Бүгенге көндә инглиз теле буенча мөгаллимә булып эшли.
Шамил - үрнәк ир, әти, бабай.
Хатыны Римма инсульт алгач, ул аңарга бик зур ярдәм күрсәтте.
Хәрәкәтсез калган хатынын, күп көч куеп, аякка бастырды.
78 яшендә булуына карамастан, үзе дә бирешми, гел хәрәкәттә.
Нинди генә һава торышы булмасын, ул көненә җәяү сигез чакрым юл
уза.
Бакчасында да тырышып эшли – яшелчәләр, җимешләр үстерә.
Байтак-байтак еллар якты үрнәк булыр безнең иптәшебез, дустыбыз.
 
“Туган тел” исемле Самар өлкә татар җәмгыятенең ветераны
Камил угылы Азат НАДИРОВ.

Хәбәрләр

Гнев (гадаб)

Слово «гадаб» переводится как «состояние гнева», «обида». Обычно гнев появляется, как реакция человека на какое-либо событие или поступок других людей и направлен на решение проблемы, вызвавшей недовольство. Как правило, это чувство возникает глубоко в душе, оно подобно тлеющей головешке, из которой быстро может разгореться пламя. Этот огонь, в основном, тлеет в душе человека, когда по какой-либо причине он не может добиться своей цели, что, в свою очередь, постепенно вызывает неадекватную, бурную реакцию. В конце концов, разум теряет контроль над чувствами, и индивид утрачивает способность к рассуждению и логическому мышлению.

"Спрос на рынке сукук в разы превышает предложение. И это недостаток"

В столице Татарстана состоялась Kazan Sukuk Conference 2015, в которой приняли участие ключевые игроки рынка, российские и иностранные финансовые организации, международные регуляторы в области исламских финансов, руководители госкорпораций и крупного бизнеса. Организатором встречи выступил Фонд развития исламского бизнеса и финансов (IBFD Fund), центр компетенции исламского бизнеса и финансов в России. В качестве генерального партнёра площадки выступил Внешпромбанк.

В 2070 году ислам станет ведущей религией в мир

Ислам распространяется такими темпами, что еще в этом столетии он станет самой распространенной религией на планете, пишет Франческо Семприни в статье, опубликованной в газете La Stampa. По данным Pew Research Center, к 2050 году число мусульман сравняется с числом христиан, а уже в 2070 году ислам может стать самой распространенной религией в мире, если тренд сохранит нынешние характеристики. "До 2010 года христианство с его почти 2,2 млрд верующих (треть от численности населения Земли) было ведущей религией в мире в количественном отношении", - поясняет Pew Research Center. Ислам исповедуют 1,6 млрд верующих, или 23% от жителей планеты, пишет автор статьи.

Чәй табыны - хөрмәт табыны

Апрель ае һәр елны кешеләр күңелендә күтәреренкелек рухын өсти. Бу ел фасылы алмашу белән дә бәйләнгән. Карлы-буранлы, җилле-давыллы чорлардан соң, апрель керүгә көн бермә-бер озая. Кояш яктыртып кына алмый, җылыта да башлый. Быелгы апрель - ул әле Бөек Җиңүнең 70 еллыгына әзерләнү белән дә халык күңелендә күтәренке рух тудыра.

194 из 197