This is an example of a HTML caption with link themeforest.net.
Ватаныбыз Россия Федерациясен саклауда көч куеп яшәде һәм яши
 
Самар өлкәсенең милли хәрәкәтендә байтак кеше катнашты һәм
катнаша. Гәҗитә-журналларыбызда алар турында күп яхшы сүзләр     
язылды, бәйрәмнәрдә әйтелде.
Шулар арасында Шамил Баһаутдин бар.
1989 елның февраль азагында без, Самар өлкә “Туган тел” татар
җәмгыятен оештыручылар, беренче зур чарабызны – Кышкы Сабан
туен үткәрдек. Шул турыда ишетеп, безнең яныбызга Шамил килде,
һәм менә инде 30 елдан артык ул армый-талмый милләтебез өчен,
ана телебезне, татарлыгыбызны, халкыбызның әхлакый
нигезләрен саклар өчен тырыша.
Шушы елларда Шамил өлкәбез татарларының рухи тормышын якты
якка үзгәртүгә бик зур өлеш кертте.
Аның милли бәйрәмнәрне алып барганда сәхнәдән, “Ак бәхет”
радиосыннан әйткән, “Сәлам”, “Бердәмлек” гәҗитәләрендәге
мәкаләләрендә язган дәртле сүзләре һәрбер кешене, олыны да,
кечене дә, илһамландырган, югалыр-югалмас хәлдәге татарлыгын
җанландырып җибәргән, дип уйлыйм.
“Азатлык” радиосы хәбәрчесе булганда да, чирек гасыр буена Шамил
телебезне яклауга үз өлешен кертте.
Бирешмик,
сынмыйк-сыгылмыйк,
тырышыйк,
халкыбызга тугры булыйк,
матур телебезне,
җыр-моңнарыбызны саклыйк,
дигән өндәүләре меңнәрнең җаннарына хуш килде.
Шамил Баһаутдин кызы Наилә белән
Сабан туе,
Нәүруз,
Сөмбелә бәйрәмнәрен,
Балалар фестивален,
“Уйнагыз, гармуннар!” бәйгесен оештыручылар исемлегендә.
Ул төрле милли бәйрәмнәребезне алып баручы да булды, татар
гәҗитәләрендә, радиода журналист булып та эшләде.
Ун ел буена төрле халыкларның телен, җыр-моңнарын яңгыраткан,
халык күңелендә якты йолдыз булып янган 11 телле “Радио-7”не, “Ак
бәхет”не оештыруда, эшләтүдә, җиң сызганып, хезмәт итүче дә ул. Күп
еллар “Радио-7”нең, “Туган тел” оешмасының директоры иде.
Оешмабызга килгәч тә, 1989 елда, майның 20ндә,
Куйбышев Авиазаводының Спорт Сараенда ул әдәби-
музыкаль бәйрәм үткәрде, Харрас Әюповның “Йөрәк атым” поэмасын
сәхнәләштерде. Рольләрне бик оста итеп Наилә (Шамилнең кызы, ул
вакытта әле мәктәп укучысы), Раилә Сафина-Галләмова (Куйбышев
мәдәният институты студенткасы) һәм милиционер Мәсгут Шамкаев
башкардылар.
Озакламый Наилә Куйбышев радиосында “Иделкәем-илкәем” исемле
татарча тапшыру оештырды һәм аны унбиш ел буена алып барды.
Рәшит Абдуллов белән Шамил Сызрань, Похвистнево,Тольятти
шәһәрләрендә милли оешмалар булдырырга ярдәм итеп йөрделәр.
Стара-Загора урамында Җәмигъ мәсҗиде төзер өчен җир бирмәскә
дип оештырылган митингтларда, сугыш-бәрелеш килеп чыкмасын
өчен, татарларны күзәтеп, тыеп тордылар, каршы чыкмаска
өндәделәр һәм, канун нигезендә , “Туган тел” җитәкчеләре буларак,
шәһәр түрәләре белән сөйләшеп, җирне бирдерүгә ирештеләр.
Шулай ук Рәшит Абдуллов белән Камышлы районын торгызуда
катнаштылар.
Шамил Баһаутдин һәрвакыт “Яктылык” мәктәбен пропагандалады,
беренче елларда мәктәпкә балалар туплауда Әминә Шәмси белән зур
көч куйдылар. Һәм бу уку йортының уңышлы эшләвендә аның да
өлеше зур.
Ана телләребезне укытуга киртәләр куя торган яңа кануннарга, аз
комплектлы мәктәпләрне юк итүгә, мәктәпләрдә правослау динен
укытуга каршы торып, ил җитәкчеләренә хатлар язуда да ул актив
катнашты. Шамил Бөтендөнья татар конгрессының
берничә корылтаена делегат булып сайланды.
Самар Дуслык йортының эшендә актив катнашты, милләтара
дуслыкны ныгытуга, Ватаныбыз Руссиянең бердәмлеген саклауга көч
куйды.
Аны, хәрби кешене, гаиләсе белән илебезнең кайсы почмагына
җибәрсәләр дә, ул Татарстан гәҗитә-журналларын яздырып укыган.
Телебезне, әдәбиятны яхшы белә, татар телендә чиста, матур итеп
сөйләшә.
Урыс телле мәктәпләрдә укысалар да, аның балалары, оныклары ана
телебезне яхшы беләләр, мәктәптә, институтта бик уңышлы укыйлар.
Оныгы Диләрә, берьюлы ике факультетта укып, Казан Федераль
университетын Кызыл дипломга тәмамлады. Журналист һәм инглиз
теле буенча профессиональ тәрҗемәче дипломын алды.
Бүгенге көндә инглиз теле буенча мөгаллимә булып эшли.
Шамил - үрнәк ир, әти, бабай.
Хатыны Римма инсульт алгач, ул аңарга бик зур ярдәм күрсәтте.
Хәрәкәтсез калган хатынын, күп көч куеп, аякка бастырды.
78 яшендә булуына карамастан, үзе дә бирешми, гел хәрәкәттә.
Нинди генә һава торышы булмасын, ул көненә җәяү сигез чакрым юл
уза.
Бакчасында да тырышып эшли – яшелчәләр, җимешләр үстерә.
Байтак-байтак еллар якты үрнәк булыр безнең иптәшебез, дустыбыз.
 
“Туган тел” исемле Самар өлкә татар җәмгыятенең ветераны
Камил угылы Азат НАДИРОВ.

Хәбәрләр

Новый формат работы и сотрудничества духовных управлений мусульман России и стран СНГ

Председатель Регионального духовного управления мусульман Самарской области Талип хазрат Яруллин принял участие в Международном интерактивном онлайн-форуме «Опыт и практика духовных управлений мусульман СНГ в период пандемии коронавируса COVID-19 – уроки и выводы».

Вазых Мухаметшин: “Трудности закаляют характер человека”

Вся жизнь Вазыха Гатовича Мухаметшина, президента Группы компаний “Прогресс-В”, связана со строительством. Начавший свою трудовую деятельность в 16 лет плотником, он достиг в жизни больших успехов и поднялся до уровня руководителя, удостоенного звания “Заслуженный строитель Российской Федерации”.

Стартовал Всероссийский конкурс творческих работ «Моя малая Родина»

Российский союз сельской молодежи (РССМ) дал старт традиционному Всероссийскому конкурсу творческих работ «Моя малая Родина». К участию приглашают молодежь, готовую рассказать о культурно-историческом наследии своего села. Авторы лучших работ будут награждены дипломами и призами.

Язучы Марат Кәбиров: «Паразитларча яшисең икән, нәрсәңдер бетәргә тиеш»

Әдәби әсәрләрне тәрҗемә итү темасы әледән-әле көн үзәгендә булып ала. Әмма ул дәүләти әһәмиятле мәсьәлә дәрәҗәсенә күтәрелә алмыйча, нигездә аерым энтузиастларның тырышлыгы белән башкарылган эш булып кала бирә. Бу нисбәттән тәрҗемә үзәге кирәк дигән тәкъдим еш яңгырый. Бу турыда Марат Кәбиров фикерен укыйк.

1 из 194