This is an example of a HTML caption with link themeforest.net.

                                                                                                 Гали Сабан туе - 2015

Бүген бездә Сабан туе,
бәйрәм белән котлыйбыз!
Матур мизгелләр кичереп
Күңелле ял итегез.

Барлык төбәк татарларын
Дуслык җепләре бәйли.
Кунакларны каршы ала
Туган аулым Гали.

Бүген бездә Сабан туе,
беркем читтә калалмый.
Уеннарда көч сынашып,
Һәркем сәләтен барлый.

Чәчүләр тәмам, Аллага шөкер,
Тамак тук, өс-баш бөтен.
Динебез көчле, авылыбыз төзек,
Бүген бездә Сабан туе!

Татар моңы, татар көйләре
Тирә якларга таралсын!
Бүгенге көн күңелләргә
Урнашып кереп калсын.

Авылдашлар сынатмагыз,
Эшегез уңай барсын.
Яңа җиңүләр яуларга
Ходаем насыйп кылсын!

Саимә Морзаханова
бу шигырен Гали Сабан туенда сөйләде.

Шунысы күңелле күренеш - Гали Сабан туен Рафаэл һәм Динә Латыйповлар
"Гали авылым" исемле җыр белән ачып җибәрделәр.
Җырның сүзләрен Саимә Морзаханова язган иде.

Түрәләр Гали Сабан туе сәхнәсеннән авылга кар чистарту машинасын бүләк иттеләр.
Татарстанның Күгәрчен аулыннан килгән кунаклар бүләк итеп аул Мәдәният Сараена синтезатор бирделәр.
Көрәшче Хәйдәр Гәрәевка туган көне уңае белән кесә телефоны бүләк иттеләр.
Өйлә намазын халык чирәмдә укыды.
Ат чабышларында бүләкләр Гали аулы атларына эләкте.
Хәттә ахырдан килгән атка да бүләк бирделәр.
Көрәштә дә төрле категорияләрдә батыр булып Гали аулының 14 ир-егетләре калды.
Абсолют батыр булып Раил Кәлимуллин саналды.
Шунысы куанычлы - барлык уеннарда да барлык бүләкләрне диярлек Гали кешеләре алды. Бу мактауга лаек күренеш!
Гали Сабан туенда хәмер-шәрәб, аракы сатылмады. Чалыш-полыш йөрүчеләр күзгә ташланмадылар.

Саимә Морзаханованың 10 битле хатыннан мәгълүматны Шамил Баһаутдин сайлады.

Хәбәрләр

Аллаһыны танымаган кешеләргә нәсыйхәт бирү тамырсыз агачка су сибү кебек

Аллаһ Раббыбыз безгә пәйгам­бәрләр җибәрде, китаплар иңдерде, хикмәт ияләрен җибәрде, һәммәбезгә шуларның нәсыйхәт­ләрен, сүзләрен хикмәт белән тор­мышта куллануыбыз зарур. Балаларыбыз әхлаклы булсын өчен, иң әүвәл Аллаһны таныту зарур. Мәшһүр татар дин әһеле Ризаэддин бине Фәхреддин: "Динсез тәрбия - тәрбиясезлек", - дигән. Аллаһны танымаган кешеләргә нә­сыйхәт бирү тамырсыз агачка су сибү кебек.

Исламда шигырь һәм музыка тыелмаган

Пәйгамбәребезгә Аллаһы Тәгалә иңдергән изге китап - Коръән Шәрифтә рифмалы чәчмә әсәр формасында тезелгән аятьләр күп. Рәсүлебезнең шигырь тыңларга яратканлыгы хакында хәдисләр белгече Сәхыйх Бохари түбәндәгеләрне әйтә: Хәсәннең шигырьләрен тыңлагач, Рәсүлуллаһ: "Тагын сөйлә, Җәбраил фәрештә синең белән", - дигән. Рәсүл үзенең хатыннары белән бергә җыйналып, аларның берәрсеннән шигырь укытып, тыңларга яраткан. Бер шагыйрь түбәндәгеләрне әйтә: - Рәсүлуллаһ мәҗлесендә йөз мәртәбә булдым. Шул мәҗлесләрдә сәхабәләр шигырь сөйлиләр, җаһилият гасырында булган вакыйгаларны фикерлиләр, Рәсүлуллаһ шуларны тыңлый.

Концерт булса шундый булсын

Самарда концерт сезоны гадәттәгечә апрель аенда ябыла. Сәбәбе бик гади. Май аенда халык бакчаларга, авылларга агылалар. Быел бу графиктан тайпылдылар. Майның 25ндә Киров мәйданында урнашкан Мәдәният Сараенда Салават концерт куйды. Тамашачы инде әзер. Салават сәхнәдә үзе генә җырламый. Һәрвакыт үзе белән яшьләрне дә, олыларны да алып килер ул. Өч сәгать дәвам иткән тамаша бер сулышта барды. Сәхнә кызган табаны хәтерләтте. Салават Салават булып кала бирә. Аның алып баручылары да өчәү!

Көтеп алынган “Сәлам”

Хәзерге катлаулы чорда илебездә дә, күрше һәм чит дәүләтләрдә дә куркыныч янаулар, сугыш афәтләре әледән-әле туып торганда, диннең төрле тармаклары арасында каршылыклар куерып барган хәлдә, хәтта Пәйгамбәребез Мөхәммәдкә (с.г.в.) шакшы һөҗүмнәр оештырылганда, Америка Кушма штатлары һәм Европа тарафыннан Русиягә каршы төрле гаделсез чикләүләр кулланылганда, хылыкыбызга шушы әйтелгән проблемалар турында, әлбәттә, киңрәк, тирәнрәк мәгълүматлар җиткерү мөһим. Милләтебезне торгызу, милли аңыбызны киңәйтү, телебезне, динебезне яклап, борынгы гореф-гадәтләребезне кайтару, сәнгатебезне саклау, үстерү һәм башка бик күп мәсьәләләрне яктыртуны үз җилкәсенә матбугат ала бит.

144 из 154