This is an example of a HTML caption with link themeforest.net.

                                                               "Нур" мәдрәсәсендә 90 бала Ислам динен үзләштерә

Самарның Җәмигъ мәсҗиде йортында урнашкан “Нур” мәдрәсәсендә ел саен җәен балалар өчен дини укулар оештырыла. 

Менә быел да беренче июньнән алып унҗидесенә кадәр биредә 6 - 16 яшьлек 90 малай һәм кыз белем ала. Алар арасында татар, урыс, башкорт, әзәрбайҗан, үзбәк, таҗик балалары бар.

Иртәдән төшкә кадәр укучыларга гарәп графикасы, динебез Ислам нигезләре укытыла. Балаларга төшке аш оештырыр өчен Җәмигъ мәсҗиде матди ярдәм күрсәтте.

Мөселманча киенгән кызчыклар, түбәтәйле малайлар тырышып, зур теләк күрсәтеп, дини белем алалар. Моңардан тыш, алар шулай ук биредә үзара танышып-аралашып, яңа дуслар да табалар.

Милүәшә Газыйм язмасы һәм фотосурәте.

Хәбәрләр

“Коръән эчке яктан да, тышкы яктан да кешене үзгәртә”

Тауларда үзенең оныгы белән бер карт кына бабай яшәгән, ди. Ул мөселман булган, шуңа да һәр иртәсен Коръән укуга багышлаган. Оныгы аңа охшарга тырышкан, бабасы ни эшләсә, шуны кабатлап барган. Бервакыт бу бала: "Бабай, мин Коръән китабын, синең кебек, укып барырга тырышам, әмма мин аның мәгънәсен аңламыйм. Мин китапны ябу белән, ятлаган әйберләрем башымнан чыга. Шулай булгач, Коръәни-Кәрим китабын укудан нинди файда бар соң?" - дип сорый.

Гомерен татар милләтенә багышлады...

47 яшендә Сабирҗан угылы Фәрһад Мәхмүтов кинәт вафат булды. Иннә лилләһи вә иннә иләйһи раҗигун. Фәрһад мәктәп укучысы буларак, “Туган тел” җәмгыятенә килеп керде. Яшьләр арасында татарлыкны саклауга көч куйды. Совет армиясе сафларында чыныгып, егет булып кайтты. Казан дәүләт университетының татар теле факультетында югары белем алды.

Иң булдыклы ирләр – Мәчәләйдә

Безнең Мәчәләйнең инвалидлар оешмасыннан 14 нче майдан 16 нчы майга кадәр Русия күләмендәге спорт турнирында түбәндәгеләр катнаштылар: Бәдретдин угылы Гайфетдин Канюкаев һәм Харис угылы Наил Булатов. Алар 2 нче һәм 3 нче урыннарны яуладылар. Турнирны Самар шәһәренең инвалидлар рәисе А.П. Архипкина алып барды. Ярышларны Кызыл Яр районында, «Надеҗда» исемле ял итү базасында үткәрделәр.

Айрат Суфиянов: “Татар намазга басса, мәңгелек милләт булып яшәячәк!”

Әнвәр угылы Айрат Суфиянов 19 ел буена Самарның Пирогов исемендәге хастаханәсендә травматолог-ортопед булып хезмәт итә. Шенталы станциясендә туып-үскән Айрат әфәнде Самарда медицина институтында белем алган, аннан интернатура бетергән. Туган ягында бер ел эшләгәннән соң, клиник ординатура тәмамлаган. Югары категорияле табиб белән серләшеп утырдык.

1 из 158