This is an example of a HTML caption with link themeforest.net.
Мүхәммәд – Пәйгамбәр с.г.в. – һәр мөселманның бизмәне
 
Мүхәммәд сәлләллаһу галәйһи вә сәлләм әйткән:
"Мин үземнең сөт туганым белән уйнаганда, Җәбраил фәрештә, яныбызга килеп, мине тотып
алды да, күкрәгемне ярып, кулыма йөрәгемне салды.
Аны ярып, эченнән оешкан кара канны алып бәрде.
"Йөрәгеңнең бу бүлеге - шайтан өлеше. Элек синең йөрәгеңдә иде", -диде.
Аннан ул йөрәгемне, зәм-зәм суы тутырылган алтын савытка салып, кат-кат юды һәм урынына
кайтарды".
Шуңа күрә Мүхәммәд сәлләллаһу галәйһи вә сәлләмнең йөрәгеңдә мәк
орлыгы хәтле дә усаллык, золымлык булмаган. Ул үзенең Раббысына, аңа хәтле булган
пәйгамбәрләргә, фәрештәләргә ышанып, Коръәни-Кәрим Китабынча яшәгән.
Һәм өммәтен дә шуңа өндәгән.
Шулай ук ул аеруча
ятим балаларны,
картларны,
кыерсытылган адәмнәрне үз иткән.
Һәм безгә, өммәтенә дә, шул турыда васыять итеп калдырган.
"Әхыйрәттә күрешкәч, мин, ул кешеләрне танып, кул биреп, күрешермен",- дигән.
Түбәндәге шигыремне укып чыксагыз, тулырак мәгълүмат алырсыз.
Мүхәммәд сәләллаһу галәйһи вә сәлләмнең туган көненә
571 нче елның, сызылып, нурлы таңы ата,
Мәккә шәһәре.
Раббигуль-Зәввәль ае.
Баш көн була.
Яз аеның, матурланып, уянган, җанланган чорында
Рәсүлебез: “Мин дөньяга килдем”, - дип, аваз сала.
Ятим булып ача күзен бу нарасый,
Әминәкәй әнкәсе аны күкрәгендә юата.
Ә әткәсе Габдулла ике ай элек вафат,
Улы дөньяга килгән сөенечтән
Мәхрүм булып, салкын каберләрдә ята.
Бабасы Габделмоталлип аны кулларына ала,
Кәгбәнең эченә кереп,
мөрәҗәгать итә Бөек Затка.
Дога кыла Раббысына аңа онык биргән өчен,
“Мүхәммәд”, дип исем куша нарасыйга.
Хәсрәт ялгыз килми, диләр, анысы хак.
Әминә дә угылы белән алты ел гына гомер итә.
Габделмоталлип бабасы Рәсүлебезнең әнкәсеннән
Өч ел гына калып, ул да мәңгелеккә күчә.
Тугыз яшьтән Рәсүлебез ятимлектә үсә.
Башын бөгеп, туенырга тирен түгә.
Тик, "ах" орып, язмышын ул
бер тиргәми,
Күңелендә була аның изге гамәл генә.
Үзе ятим калып, күз яшьләрен түккәнгәме,
Ятим бала күңелен аңлый, үзе татып үскәнгәме?
Шуңа да күрә ятимнәрне,
Кыерсытылган бәндәләрне,
Күкрәгенә кысып, башларыннан сыйпап, сөя иде.
Менә шуңа Рәсүлебез туган көнне,
Фәрештәләр ятимнәрнең башларын сыйпаган көнне,
Әгәр ятимнәргә садака бирсә бер бәндә,
Кыямәт көнне Аллаһының дидарын күрер ул хәлдә.
"Васыятем, өммәтләрем:
ятимнәрне күрсәгез яныгызда,
Миндәй тәрбия кылып, сөегез,
биреп җылыгызны.
Хәлләрен белеп, сузыгыз сез кулыгызны", - диде
Пәйгамбәрләрнең имамы -Мүхәммәд сәләллаһу галәйһи вә сәлләм.
 
Наилә ХӨСӘЕНОВА.
Иске Мастяк авылы - Самар.

Хәбәрләр

Шигърият кичәсенә килегез!

Бөек шагыйребез Муса Җәлил тууына 114 ел тулу уңаеннан "Туган тел" оешмасы шигърият кичәсе уздыра.

Доха намазы

Кояш чыгып , сөңге микъдарына күтәрелеп зәвәл вакыты җиткәнчегә хәтле укыла торган намаз. Бу хакта хәдистә болай дип китерелә: "Һәр иртән һәрберегезнең буыннары садака бирергә тиешледер.

"Тәнебезне сихәтләндереп, рухыбызны сафландырып кайттык"

Авылдашларыбыз белән Подбельскдагы «Доблесть» реабилитация үзәгендә гыйнвар аенда ял иттек. Табиплар ярдәмендә уколлар, системалар алып, төрле кабинетларда булып, бик файдалы итеп дәваландык. Быел 75-еллык җиңү бәйрәменә каршы сөйләштек тә, Похвистнево шәһәренә барып яңа мәсҗидне котладык һәм шәһәр музеенда экскурсиядә булдык.

Полиция офицеры булса да, намазын калдырмый

Самар шәһәрендә “Ялкынлы яшьлек” исемле җыр, бию, шигърият ансамбле быел 50 еллыгын билгеләп үтәчәк. Илле ел – үзе бер кеше гомере. Ярты гасыр эчендә бу коллектив аша кемнәр генә узмаган! Кайсын алсаң да - олуг шәхес, милләтебез горурлыгы. Шундыйларның берсе – Таһир угылы Җәмил Нугаев.

1 из 176