This is an example of a HTML caption with link themeforest.net.
Денис авылында яшәүче
Минһан Хәкимов 20 кешене “Сәлам” гәҗитәсенә яздырды!
 
Исәнмесез, хөрмәтле Шамил абый!
Менә тагын сезнең белән аралашу мөмкинлеге килеп чыкты. 
Авылыбыздагы Минһан абый Хәкимов сөйләвенә караганда, ул мәсҗидтә ахун
вазыйфасын башкара (хәзрәт түгел).
Минһан абый "Сәлам" гәҗитәсенә егерме кешене яздырган. Аларның исемлеген
миндә калдырып китте. Кирәксә, җибәрермен.
Шамил абый, сез шул турыда мәкалә язып чыгара алмассызмы икән?
Минһан абыйның төп сүзе: мөселман гәҗитәсенең гомере озын булып, барыбызга
да ярдәме тисен иде. Башка татарлар да, аны өйләренә яздырып алып,
укысыннар. Әдәп-әхлакка өйрәнсеннәр, балаларны тәрбияләсеннәр, башка дин
әһелләре дә, кул кушырып ятмыйча, халык арасында агарту эшләре алып
барсыннар иде дигән максат.
Кадерле вә хөрмәтле укучыларыбыз!
Гәҗитәбезнең бу саны кулыгызга төшкәч, үтенеп сорыйбыз -
балаларыгызга,
туганнарыгызга,
дусларыгызга,
танышларыгызга
“Сәлам” гәҗитәсен яздыртсагыз иде.
“Сәлам” гәҗитәсе - Аллаһы Тәгалә вә Тәбарәкә сүзен таратучы.
Ә Раббыбыз сүзен башкаларга ирештерүче олуг савапка ия була. Саваплы кеше
оҗмахка юл тота, ди Китабыбыз.
Җәннәт бакчаларында очрашырга язсын.
 
Шамил БАҺАУТДИН.

Хәбәрләр

Кан тапшыру – игелекле гамәлләрнең берсе

Сентябрьнең унөчендә Самар Җәмигъ мәсҗиденең йорты кечкенә генә Сабан туен хәтерләтте. Халык агылды да агылды. Кан кабул итү пункты зур гына машинада урнашканлыктан гыйбадәтханәнең баскычына аеруча бер тантаналык өстәлде. Машина тирәсендә дистәләгән мөселман ирләре бәйрәмчә киенгән хәлдә, чират торып, кан тапшырдылар. Әлбәттә, теләүчеләр бик күп булды. Ләкин дә теләк кенә җитешми икән әле. Ул иләкне узар өчен яшь күрсәткече дә бик мөһим фактор булып тора.

“Коръән уку биеклегенә нәселемдә кемне күтәрергә?”

Әбием Хәтимәнең (1897 елда туган) әти-әнисе, димәк, минем Мәрхәбә әбинең, Усман бабамның Коръән Китабын уку бәхетенә ирештем. Бу Коръән 1800 елларда басылган, дип фаразлыйм. Мин - ул Коръән Китабын укыганнарын тыңлап үскән бала. Мине күбесенчә әниемнең әнисе – Хәтимә әбием тәрбияләде. Ул дини белемле кеше иде, чөнки әти-әниләре дә тирән гыйлемгә булганнар.

Иң хәерлегез кем була?

Рәсүлебез Мүхәммәд саләллаһу галәйһи үә сәлләмнең меңнәрчә хәдис- шәрифләре арасында бар шундый хәдисләр, ул хәдисләр «иң яхшыгыз», дип аталалар. Гомумән, Пәйгамбәребез с.г.в. хәдисләрендә «мөселманнар арасында иң хәерлегез», дигән хәдисләр дә күп. Әле мөгаллим булып мәдрәсәдә укыткан вакытта ук, мин шул хәдисләр белән кызыксына идем. Рәсүлебез с.г.в. нинди сыйфатларга ия мөселманнарга «иң хәерлегез» дип әйткән икән?!

Безнең сүзлек

Ярлыканган - гафу ителгән. Мәгъфирәт - гөнаһларны гафу итү. Михраб - мәсҗиднең диварындагы кыйбла тарафын белдергән ярым түгәрәк уем. Намаз вакытында имам михрабта була. Минбәр – михрабның уң ягында урнашкан махсус баскыч. Шуңа басып, имам җомга һәм бәйрәм хөтбәләрен укый.

2 из 167