This is an example of a HTML caption with link themeforest.net.

Исламда шигырь һәм музыка тыелмаган

Пәйгамбәребезгә Аллаһы Тәгалә иңдергән изге китап - Коръән Шәрифтә рифмалы чәчмә әсәр формасында тезелгән аятьләр күп. Рәсүлебезнең шигырь тыңларга яратканлыгы хакында хәдисләр белгече Сәхыйх Бохари түбәндәгеләрне әйтә:

  • Хәсәннең шигырьләрен тыңлагач, Рәсүлуллаһ:

"Тагын сөйлә, Җәбраил фәрештә синең белән", - дигән.

Рәсүл үзенең хатыннары белән бергә җыйналып, аларның берәрсеннән шигырь укытып, тыңларга яраткан.

Бер шагыйрь түбәндәгеләрне әйтә:

- Рәсүлуллаһ мәҗлесендә йөз мәртәбә булдым. Шул мәҗлесләрдә сәхабәләр шигырь сөйлиләр, җаһилият гасырында булган вакыйгаларны фикерлиләр, Рәсүлуллаһ шуларны тыңлый.

Бу шигырь сөйләгән мәҗлесләр кайда булган соң? Мәчеттәме, башка җирдәме? Безгә билгеле булганча, шигырьләрне шагыйрьләр мәчеттә укыганнар. Бу хакта хәдисләр җыйнаучы һәм өйрәнүчеләрдән булган мәшһүр галимнәрнең берсе -Әхмәд бине Хәнбәл мондый сүзләрне әйтә:

  • Мәчеттә Хәсәннең шигырь укыганын күреп, хәзрәте Гомәр кабул итмәгән сымак: "Мәчеттә шигырь әйтәсеңмени?" - дигәч, Хәсән: "Мин бу урында синнән изге кеше хозурында да шигырь әйтәдер идем", - дип җавап биргән.

Димәк, Рәсүл яшәгән вакытта мәчеттән намаз укып кына таралмаганнар.

Көйләр көйләү, музыка коралларында уйнау һәм уеннарның тавышларын тыңлауны да хәрам һәм мәкруһ (начар күрелгән) дип дәгъва итү кыен, чөнки Коръән һәм сөннәттә уйнау һәм уен тавышларын тыңлау хәрам булу хакында сүз юк.

Мәшһүр мәзһәбләрнең башлыклары булган имамнардан да бу хакта ачык сүзләр барлыгы беленми.

Рәсүлуллаһ хәзрәтләренең гает көннәрендә, туй вакытларында уен уйнауны тыймаганлыгы ачык билгеле. Бу хакта хәдис өйрәнүче галимнәрнең иң мәшһүрләреннән булган Сәхыйх Бохари күп яза.

Уен коралларында уйнау, җырлау һәм тыңлау Ислам динендә тыелмаган. Бу нәрсәләрне тыючыларның сүзләре дә шундый бозык әйберләрне күз алларында тоту сәбәпле булса кирәк.

Галим Зәйдан Жоржи (1861-1914) үзенең "Ислам мәдәнияте тарихы" исемле китабында Ислам гарәпләре арасында музыканың һәм музыка сәнгатенең нык та­ралганлыгын, Ислам килгәч тә, аның тыелмаганлыгын әйтә.

Мәдинә РӘХИМКУЛОВА.

Хәбәрләр

Цель фестиваля «Максат» - подъем духовности и национальной культуры

Одним из основных принципов развития общества является воспитание подрастающего поколения. Обитатели животного мира не изучают законы диалектики, основ педагогики, манеры общения, правила этики и основы нравственности. Однако они являются лучшими воспитателями. Они обучают своих детей выживать в суровых условиях и быть достойными в своём обществе. А что мы видим сейчас в обществе людей? Идёт процесс деморализации общества и отход от принципов божественных норм жизнеустройства. Это порождает разнузданность и вседозволенность. Подрастающая молодёжь находится вне поля морали. Ослаблена система спортивной ориентации и физического воспитания. Сейчас, понимая пагубность ситуации, и в нашей стране стали проявлять больше уважения к религии, внимания к спорту и физической культуре. На фоне деградации общества стали искать различные пути его нравственного оздоровления.

Самарда Ураза бәйрәме истә калырлык узды

Быелгы Ураза ае чын мәгънәсендә мөселманнар өчен олы имтихан ае булды. Ходай Тәгалә адәм баласына Үзенең чиксез көчен күрсәтеп, безләрне тирән уйланырга мәҗбүр итте. Тыныч саба җилләре иркәләгән көннәрне зил-зиләләр кубып, чиләкләп яңгырлар яуды. 35 - 38 градус эсселекләр хәлләребезне алып тәмуг әсәрләрен хәтерләтеп җибәрде. Бу изге айда Самар Җәмигъ мәсҗиде мөселманнар өчен тагын да якынрак изге бер ноктага әверелде. Һәр көнне гыйбадәтханәнең аш-су залында зур-зур табыннар, ифтар мәҗлесләре уздырылды. Ватаныбыз Русиядә икътисади кризис барганы да онытылып китте. Мул табыннарда, якыннарын, туган-тумачаларын чакырып, халык вәгазь тыңлады. Аралашты. Туганлык хисләрен яңарттылар.

Адам Лентон: “Сәяхәт иткәндә татар теле бик кирәк!”

Азатлык радиосы теләп һәм яратып татар телен өйрәнүчеләр белән таныштыруын дәвам итә. Бүген без ерак Британиядә туган, хәзер Франциягә магистратурага керүче Адам Лентон белән әңгәмә кордык. Татар теле белән кызыксыну чыннан да төрле милләт вәкилләрендә күзәтелә. Еш кына алар татар теле яки Татарстан белән бәйләнеше бөтенләй булмаган хәлдә Тукай телен үзләштерә. Мәсәлән, Токиодан Юто Хишияма яки Дагыстаннан Саадулла Әхмәтгаджиев. Шул ук вакытта араларында Казанга рус телен өйрәнергә дип килеп, татар телен өйрәнеп китүче Робин Истон кебекләр дә бар. Лондон тирәләрендә туган, милләте инглиз булган Адам Лентон да Казанга рус телен өйрәнергә килде. Монда ул татар теленә гашыйк булды, аны кызыксынып өйрәнә башлады. Хәзер Парижда укырга җыенса да, андагы татар теле курсларына йөрергә тели. Азатлык радиосы Адам белән элемтәгә кереп, аның татар теле турында фикерләрен тупларга, Тукай телен ни өчен өйрәнүен белергә һәм татарларда нәрсәне кызык дип табуын ачыкларга тырышты.

"Нинди генә авырлыклар күрсәгез дә, зарланмагыз..."

Самарда "Ялкынлы яшьлек" исемле җыр, бию, шигърият ансамбленең чыгышларын карап, берничә буын татар тәрбияләнде. Бу иҗат коллективы үзенә бер мәдәни сәнгать мәйданчыгын хәтерләтә. Төрле жанр бер үзенчәлеге булса, икенчесе - шәхесләр парады! Йолдызлар да сокланырлык.

126 из 142