This is an example of a HTML caption with link themeforest.net.
«Яктылык» мәктәбе үзенең 8 егетен һәм 11 кызын тормыш юлына озатты
 
 
Самарның «Яктылык» мәктәбендә гаҗәеп зур вакыйга булды. Унберенче
сыйныф укучыларын тормыш юлына чыгарып җибәрделәр.
Күзгә шул ташланды ки, тантананың сценариен бик яхшы язганнар, һәм сәләтле
балалар аны оста итеп күрсәттеләр.
Беренче сыйныф укучылары мәктәптән китүче егетләргә һәм кызларга багышлап,
берәр куплет истә калырлык, тирән эчтәлекле шигъри юллар бүләк иттеләр.
Ә инде чыгарылыш сыйныф укучыларын башлангыч классларда укыткан
мөгаллимәләре - Галия Тупасова Һәм Рәмзия Зарипова, күңел җылыларын
сүзләргә әйләндереп, тәэсирле чыгыш ясадылар.
Чыгарылыш сыйныф укучылары да бурычлы булып калмадылар. Теләкләрен
шигъри калыбка салып, аларны яраткан класс җитәкчеләре Изидә Хуҗинага роза
чәчәкләре белән бергә тапшырдылар.
Тантанада катнашучы барлык мәктәп укучылары, укытучылар, ата-аналар,
чакырылган кунаклар, тирән хисләргә чумып, балалар белән бергә мәктәп
елларын искә төшереп, басып тордылар.
Көннең болытлы, явымлы булуына карамастан, беркем дә бәйрәмне ташлап
китәргә ашыкмады.
Кулчатырлар астында тантана тагын да куанычлырак, шатлыклырак булып истә
калды.
Унберенче сыйныф балалары укытучылары Изидә ханым белән һавага
күгәрченнәр очырдылар.
Бу, әлбәттә, үзенә бер символик күренеш иде. Егетләр һәм кызлар тормыш юлына
чыктылар, күгәрченнәрдәй иреккә юл алдылар.
Унберенче сыйныф укучыларының күз яшьләре, класс җитәкчеләре Изидә ханым
Хуҗинаның елавы барлык халык тарафыннан да драматик күренеш булып кабул
ителде.
«Яктылык» мәктәбе саубуллашу тантанасын гына түгел, ә ачык һавада истә
калырлык театральләштерелгән тамаша да күрсәтте.
Бәхетле булыгыз, балалар!
 
Миләүшә ГАЗЫЙМ
язмасы һәм фотосурәтләре.

Хәбәрләр

Рәхмәт түгел, "Рәхмәтуллаһы"

Безнең татар халкында кешеләр арасындагы уңай мөнәсәбәтләрне белдерүче бик матур сүзләр бар. Төрле сәбәпләр аркасында кайберәүләре кыскартылган һәм үзенең асылын югалткан. Дәһричелек заманында(атеизм чоры) "изм"нар чәчәк аткан чорда "Аллаһы" сүзеннән уттан курыккандай курыктылар. Гыйбадәтханәләрне җимерделәр. Дин әһелләрен аттылар, зинданнарда череттеләр.

“В моем окружении – прекрасные люди”

В этом году в мечети “Булгарское наследие” получили знания порядка 150 человек, обучали их десять преподавателей. Примерно девять лет назад, когда многоуважаемый муфтий Вагиз-хазрат Яруллин перевел меня в качестве имама из села Камышла в поселок Зубчаниновка, среди молодежи было много приверженцев различных течений. Как говорится: “Один в поле не воин”. И я просил Аллаха дать мне в помощники тех, кто будет искренне служить Ему. Мои мольбы были услышаны.

Исмәгыйл угылы Илгиз Кәлүчкә - 80 яшь!

Ырынбур өлкәсенең Сорочинск районында «Ак тау» исемле ямьле генә татар авылы яшәп ята. «Ак тау»ның таулары биек түгел. «Ак тау»ның сулары инеш кенә. Чишмәләре тыныч кына. Менә шул төбәкнең даны шунда ки, Самарның шөһрәтле татары нәкъ шул авылда дөнйага аваз салган. Ул - Исмәгыйл угылы Илгиз Кәлүч.

Аллаһы кемнәрне сөя?

«Раббыгыздан ярлыкау сорагыз, шуннан Аңа тәүбә итегез. Хакыйкатьтә, Раббым - рәхимле, сөюче!» ("Һуд" сүрәсе, 90). Иманга килгән, Аллаһыдан куркып, сыенган, Коръән хөкемнәрен ныклап башкарган һәм җитди бер тырышлык белән әхыйрәт өчен хезмәт иткән һәр кеше Аллаһының сөюен, разыйлыгын һәм рәхмәтен казана алыр. Аллаһының бу сөюен кемнәргә юнәлдергәнен белдерүче аятьләрнең берничәсе.

3 из 161