This is an example of a HTML caption with link themeforest.net.
Дини бәйге
 
Татарстанның “Мөслимә” хатын-кызлар берлеге рәисе Әлмирә Әдиятуллина,
“Гаилә” мәсҗиде имамы Рөстәм хәзрәт Хәйруллин һәм Россия Федерациясенең
мөселман эшкуарлары ассоциациясе белән берлектә Казанда 22 нче тапкыр
“Сөембикә энеләре һәм сеңелләре” бәйгесен оештырды. Конкурсның төп максаты-
дин белән милләтне бергә алып бару, мәгърифәтчеләрне, динчеләрне, милләт
өчен тырышып йөрүчеләрне берләштерү, яшь буынга күрсәтү.
 
 
Быел бәйге тагын да югарырак дәрәҗәдә, Казан шәһәрендә урнашкан “Гаилә”
мәсҗидендә узды. Бу конкурска әдәпле, әхлаклы һәм Коръән укый белүче
балалар, яшүсмерләр җыела. Аларны 4 - 10, 11 - 14, 15 - 18 яшьлекләргә бүлеп,
ярыш оештыралар. Милли-тарихи һәм дини яктан сыныйлар.
Татарның күренекле шәхесләре: Сөембикә ханбикә, Мәрҗани, Садри Максуди,
Муса Җаруллаһ, Һади Атласи, Риза Фәхретдин, Мөхлисә Бубый, Рәшидә Исхакый
һәм башкаларның кем булулары, милләткә керткән өлешләре турында сораулар
бирәләр.
“Сөембикә энеләре һәм сеңелләре” бәйгесен оештыручы Әлмирә Әдиятуллина
төрки халык кызлары башкалардан һәрдаим аерылып торуын ассызлыклады.
“Татар балалары бөтен тарихны белеп үсәргә тиеш. Лачын кошы ялгыз канат
белән оча алмый. Аның бер канаты – тарих, тел, гореф-гадәт. Икенчесе – рухият,
Аллаһыга таяну, шәригатьчә яшәү. Татар халкының киләчәген лачын итеп күрәм.
Ул Иманлы да, милләтле дә булыр”, – диде Әлмирә Әдиятуллина.
10 - 14, 15 - 18 яшьлек малайлар арасында оста итеп Коръән укый белүчеләр
булуы сөендерә. Андый егетләр булганда, татарның да киләчәге өметле.
“Сөембикә энеләре һәм сеңелләре” бәйгесенә барлыгы 300 бала килгән. Самар
өлкәсенең Камышлы районы мөхтәсибе Габдулла хәзрәт Мөхәммәткәрим дә быел
да бәйгегә районнан 3 бала алып барды. Шуларның барысы да конкурста бүләк
алдылар.
 
 
Татарның Иманы нык, шуңа Татарстан дәүләтен өлге итеп, төбәкләрдәге
балаларны дин буенча тәрбияләргә кирәк. Чараны оештырырга Россия Ислам
университеты, Татарстан Диния нәзарәте, “Гаилә” мәсҗиде, Россия
Федерациясенең мөселман эшкуарлары ассоциациясе һәм гади халык булышкан.
Бөтендөня татар конгрессы да махсус бүләк алып килгән.
Коръәнне бәйгедә катнашучы егетләрнең берсе укыгач, “Гаилә” мәсҗиденең
имамы Рөстәм хәзрәт Хәйруллин аны багышлап, изге теләкләр теләп, дога
кылды.
Әйтергә кирәк, бу конкурс елдан-ел киңрәк җәелеш ала бара. Төрле төбәкләрдән
биредә катнашырга теләүче балалар саны да арта. Аларның барысын да
кызыксындыру һәм киләчәктә дә бу конкурсларда катнашу теләге уяту өчен төрле
номинацияләр оештырылды. Болар: «Шиһабетдин Мәрҗани», «Кол Шәриф»,
«Мөхлисә Буби», «Рәшидә Исхакый», «Галимҗан Баруди», «Сөембикә», «Муса
Бигиев», «Каюм Насыйри», «Энҗебикә», «Төрки кыз» һәм башкалар.
Катнашучылар, яшьләренә карап, аерым төркемнәргә бүленделәр.
Бәйгедә Самар төбәгендәге Камышлы районының Иске Ярмәк авылы мәсҗиде
каршындагы Якшәмбе мәктәбенә дини дәресләргә йөрүче өч ир бала катнашты.
Төрле яшьтәге нарасыйлар төрле номинацияләрдә призлы урыннар яуладылар.
Бу чараны беренче булып оештыручы һәм аны елдан-ел уңышлы алып баручы
Әлмира апа һәм “Гаилә” мәсҗиде имамы Рөстәм хәзрәт Хәйруллин Самардан
килгән балаларыбызны аеруча якын итте.
Менә ул балаларның исемнәре:
Иске Ярмәктән:
Кәримов Замир,
Эргашев Мөхәммәд,
Хәйруллин Динар.
Дини бәйгедә катнашкан һәр балага акча һәм бүләкләр тапшырылды. Бәйге
тәмамланганнан соң, нарасыйлар өчен зур казаннарда пешкән тәмле пылау һәм
мул ризыклардан,тәмләткечләрдән торган табын әзерләнгән иде.
Ә безнең балаларны махсус бүләк көтте – якташыбыз, “Түбәтәй” рестораны
хуҗасы Солтан Сафин чакыруы буенча төшке аш әзерләнгән иде.
Бу сәфәрне оештыруда ярдәм күрсәткән иганәчеләребезне дә телгә аласым килә.
Болар: Тәвриз абый һәм Фәния апа Вәлиәхмәтовлар, Марс һәм Юлия
Йосыповлар. Шулай Иске Ярмәк авылы мәсҗиде мөтәвәллиятенә олы
рәхмәтләребезне җиткерәсем килә.
Бу сәфәрне оештыручы — Камышлы, Кләүле һәм Исаклы районнары имам-
мөхтәсибе Габдулла хәзрәт Мөхәммәткәримгә балаларның ата-аналары зур
рәхмәтләрен белдерәләр. Балаларыбыз бу бәйгедә быел унбишенче мәртәбә
катнаштылар. Моңа алар да, ата-аналары да бик шат һәм канәгать. Моңардан
башка, безнең малайлар, кызлар әле Уфа шәһәрендә оештырылган дини
чаралардан да ел саен җиңүчеләр булып кайталар. Аллаһы теләсә, мондый
бәйгеләрдә катнашкан балаларыбыз аңлы һәм тәрбияле булып үсәрләр, дигән
өметтә калабыз.
 
Барлык ата-аналар исеменнән
Зөһрә абыстай КӘРИМОВА.

Хәбәрләр

Надежда Осипова: “Сез татар хатын-кызының асыл сыйфатларын пропагандалыйсыз”

Самарның Җәмигъ мәсҗидендә шәһәребезнең "Ак калфак" татар хатын- кызлары оешмасы корбан мәҗлесе уздырды. Хатын-кызларны Самар өлкәсе мөфтие Талип хәзрәт Яруллин сәламләде. "Корбан мәҗлесе, дуслык мәҗлесе җыйгансыз. Сезгә исәнлек, гаилә бәхете, тәүфыйк-һидәят телим. Шушы юлдан тайпылмыйча, мирасыбызны киләчәк буынга да тапшырырга насыйп булсын.

В Самарской области в 5-й раз отметят День дружбы народов

14 сентября 2019 года в Самарской области состоится празднование Дня дружбы народов. В этом году праздник, уже ставший традиционным и полюбившийся многим жителям Самарской области, пройдет в формате этнофестиваля «Все мы – Россия», отражающем современные взгляды, принципы и приоритеты в реализации государственной национальной политики. Организаторами праздника традиционно выступают Дом дружбы народов Самарской области и региональные национальные общественные организации при поддержке Правительства Самарской области.

Бер сыйныфта – алты алтын медальче!

Самарның “Яктылык” мәктәбендә чыгарылыш сыйныф укучылары белән очрашу узды. Җәй уртасы, инде бу вакытта нинди очрашулар, диярсез, бәлки. Ә менә бик шатлыклы очрашу иде бу. Югары уку йортларына кергән укучылар, үз сөенечләре белән уртаклашырга дип, туган мәктәпләренә, укытучылары янына килделәр. Әлеге сыйныф шунысы белән үзенчәлекле ки, унтугыз баладан алтысы мәктәпне алтын медальләргә тәмамлаганнар. Укучыларның барысы да диярлек, бердәм дәүләт имтиханнарында күп баллар җыеп, югары уку йортларына бюджет урыннарына кергәннәр.

Сентябрьнең 12ндә Вагыйз хәзрәт, имам буларак, Корбан бәйрәмендә беренче вәгазен сөйли

36 ел элек, 1983 елда, 49 яшендә, сентябрьнең берендә Вагыйз хәзрәт Яруллин Малый Тупик урамында урнашкан Самардагы бердәнбер мәсҗидтә имам булып эшли башлый. Шул ук елда, сентябрьнең 12ндә Вагыйз хәзрәт, имам буларак, Корбан бәйрәмендә беренче вәгазен сөйли.

1 из 165