This is an example of a HTML caption with link themeforest.net.
Галиулла абыйның куанычлары
 
Сызранда күп еллар дәвамында шәһәр Мәдәният Сараенда яшьләр һәм балалар
өчен төрле иҗади түгәрәкләр эшли.
Бер төркем балалар татар һәм гарәп телләрен өйрәнәләр.
Быел "Без бергә" исемле форум узды.
Дәрескә йөрүче кызларым ике татар биюен башкардылар.
Минем курсантым Ирфан угылы Марат Шәрәфетдинов Ми-8 боралагында
(вертолет) өч ел буена Әфган сугышында катнашты. Хәрби батырлыкларының
дәлиле булып аның күкрәген күп санлы орден, медальләр бизи.
Мәдәният Сараена җыелган халык алдында ул үзенең үгет-нәсыйхәтен җиткезде.
Мин ачык дәрес уздырдым. Хәзерге тел белән әйтсәк, мастер-класс үткәрдем.
Беренче сыйныф укучым Никитина Саша үзенең мой первый Коран китабыннан
бер өзек тә укып күрсәтте.
Тантананың ахырында халкыбызның гимнына әйләнгән "Туган тел" җырын күмәк
башкардык. Никитина Саша җырның сүзләрен урысча сөйләп күрсәтте.
Балалар белән армый-талмый эшләвемне искә алып, миңа "Рәхмәт хаты"
тапшырдылар.
Гаилә тормышымда да куаныч булды бит әле.
Оныгым Илдар, хәрби кеше буларак, Сүриядә дә булып кайтты.
Куйган хезмәтен олылап, орден да бирделәр.
Оныгым Илдар башкалабыз Мәскәүдә кандидатлык диссертацисен яклады.
Хәзер ул Вольск хәрби училищесында укыта.
Алсу исемле татар кызына өйләнеп, гаилә корып җибәрде.
Киленебез татарча бик оста сөйләшә.
Аллаһы Сөбханәкә вә Тәгаләгә барчасы өчен дә олуг рәхмәтләребез.
Картлык көнендә куаныч вә шатлыклы мизгелләр кичерү - үзенә бер бәхет.
 
Отставкадагы хәрби очучы,
мөгаллим,
Сызранда беренче хаҗ кылучы,
татар милли хәрәкәтенең активисты
Галиулла Гәбдерәшитов.

Хәбәрләр

“Коръән эчке яктан да, тышкы яктан да кешене үзгәртә”

Тауларда үзенең оныгы белән бер карт кына бабай яшәгән, ди. Ул мөселман булган, шуңа да һәр иртәсен Коръән укуга багышлаган. Оныгы аңа охшарга тырышкан, бабасы ни эшләсә, шуны кабатлап барган. Бервакыт бу бала: "Бабай, мин Коръән китабын, синең кебек, укып барырга тырышам, әмма мин аның мәгънәсен аңламыйм. Мин китапны ябу белән, ятлаган әйберләрем башымнан чыга. Шулай булгач, Коръәни-Кәрим китабын укудан нинди файда бар соң?" - дип сорый.

Гомерен татар милләтенә багышлады...

47 яшендә Сабирҗан угылы Фәрһад Мәхмүтов кинәт вафат булды. Иннә лилләһи вә иннә иләйһи раҗигун. Фәрһад мәктәп укучысы буларак, “Туган тел” җәмгыятенә килеп керде. Яшьләр арасында татарлыкны саклауга көч куйды. Совет армиясе сафларында чыныгып, егет булып кайтты. Казан дәүләт университетының татар теле факультетында югары белем алды.

Иң булдыклы ирләр – Мәчәләйдә

Безнең Мәчәләйнең инвалидлар оешмасыннан 14 нче майдан 16 нчы майга кадәр Русия күләмендәге спорт турнирында түбәндәгеләр катнаштылар: Бәдретдин угылы Гайфетдин Канюкаев һәм Харис угылы Наил Булатов. Алар 2 нче һәм 3 нче урыннарны яуладылар. Турнирны Самар шәһәренең инвалидлар рәисе А.П. Архипкина алып барды. Ярышларны Кызыл Яр районында, «Надеҗда» исемле ял итү базасында үткәрделәр.

Айрат Суфиянов: “Татар намазга басса, мәңгелек милләт булып яшәячәк!”

Әнвәр угылы Айрат Суфиянов 19 ел буена Самарның Пирогов исемендәге хастаханәсендә травматолог-ортопед булып хезмәт итә. Шенталы станциясендә туып-үскән Айрат әфәнде Самарда медицина институтында белем алган, аннан интернатура бетергән. Туган ягында бер ел эшләгәннән соң, клиник ординатура тәмамлаган. Югары категорияле табиб белән серләшеп утырдык.

1 из 158