This is an example of a HTML caption with link themeforest.net.

Милли җәмгыятебезгә - 30 ел

“Туган тел” оешмасының асылбикәсе

 «Туган тел» исемле Самар өлкә татар җәмгыятенә 30 ел тула. 

Шул уңайдан без архивыбызда сакланган кайбер материалларны укучыларыбызның игътибарына тәкъдим итәргә булдык.

Бүген без, өстә басылган мәкаләнең эчтәлеген баетыр йөзеннән, Разия ханым Әюпова-Йосыповага кагылган бер фотосурәтне урнаштырабыз.

«Туган тел» үз яшәешендә гомеренә Разия ханымга бурычлы булып кала. Чөнки ул җәмгыятьнең беренче көненнән башлап, чирек гасыр буена әйдаманнарының берсе булды.

Балалар фестиваленә килгән нарасыйларны үз акчасына ашатты, сыйлады.

Сабан туйларында икешәр йөз кешелек табын әзерли иде.

Шуның өстенә, әле рухи мәркәзебез Казаннан килгән сәнгать, әдәбият вәкил­ләрен, үзенә чакырып, берсеннән-берсе тәмле, татлы, туклыклы милли ризыклары белән сыйлап яшәде.

Тарихта беренче мәртәбә Разия ханым чеп-чи урыс шәһәрендә татар кафесы ачып, татар ризыкларын һәм айнык мәҗлесләрне пропагандалауга көч куйды.

Милләтебезнең йөзек кашы булган татар дәүләт академия театры артистлары, гастрольгә килгәч, тик Разия ханым Әюповада кунак булдылар.

Бу рәсем дә - Яңа елда балалар өчен уздырылган табыннан соң төшкән фото-сурәт.

Балалар өчен табынны Разия ханым әзерләсә, мәдәни программасын үз җилкәсенә Фәрхәт Мәхмүтов алган иде.

Бәйрәмнән соң истәлеккә Разия ханымның оныклары белән фотога төштек.

Шамил БАҺАУТДИН.

Хәбәрләр

Илһам ага Шакиров рухына Коръән укылды

"Яктылык" мәктәбе үз боҗрасына кемнәрне генә кертеп җибәрми. Соңгы елларда олысы-кечесе "Яктылык"ка омтыла. Бу юлы җылы, якты бинада "Ак калфак" җәмгыяте үзенең чираттагы дәресен үткәрде. Мәктәп мөгаллимәсе Асия Сәйфетдинова балаларга һәм олыларга тасмалар белән чигү буенча мастер-класс күрсәтте.

Тарих җиле кайтавазы

Камышлы районының Иске Ярмәк авылы Мәдәният йортында үткән елда басылып чыккан “Иске Ярмәк авылы тарихы” китабын тәкъдир итү кичәсе уздырылды. Аның авторы – шушы авылда туып-үскән Фәрит Шириязданов. Китапта авыл тарихына караган риваятьләр, язмалар, истәлекле вакыйгалар, гыйбрәтле язмышлар һәм аерым шәхесләрнең данлы эшләре турында бәян ителгән, биредә яшәүче халыкның рухи байлыгын дәлилләүче язмалар урнаштырылган. Китапта урын алган мәгълүматларның шактый өлеше архивларда сакланучы документларга таянып язылган

«Туган тел» җәмгыятенә – 30 ел! Салих белән Фәһимә җигелеп эшләделәр

Татар милли хәрәкәтендә ике дистә ел буена җиң сыз­ганып, армый-талмый эшләү­челәр күп булды. Бүген без сезгә шул күпләрнең икесе турында мәгълүмат биреп узачакбыз. Салих Вәлиәхмәтов Һәм Фәһимә Рәҗәпова «Туган тел» җәмгыяте уз­дырган Нәүрүз, Сөмбелә, Сабан туе бәйрәмнәрендә көрәшне алып бару­чылар төркемендә хезмәт иттеләр. Алар бәйрәмгә иң беренче булып килерләр иде, иң соңыннан кайтып китәрләр иде. Икесе дә пар кил­гәннәр.

Көчле рухлы, нечкә күңелле...

Гыйнварның 11ндә иң әдәпле бәйрәмнәрнең берсе — Халыкара «Рәхмәт» көне бәйрәм ителә. Шушы уңайдан балачак күршем, бүгенге көндә киңәшчем булган Фәния апай Гайфуллинаны 70 яшьлек юбилее белән котлап, күңелемдә булган рәхмәт хисләрен җиткерәсем килә. Фәния апабыз — бар яктан да уңган-булган хатын-кыз өлгесе. Минем балачагым аңа карап, сокланып үтте. Иң күп чәчәкле йорт аларның хуҗалыклары булды. Бүгенге көндә дә җәен аның йорты һәр кергән кунакны чәчәкләр белән каршы алса, кышларын тәрәз төпләре берсеннән-берсе матур яран гөлләре белән ямьле җәйне хәтерләтә.

1 из 152