This is an example of a HTML caption with link themeforest.net.
Иң зур бәхет - Иман байлыгы
 

Быелгы Яңа ел үзенең мул яуган ап-ак карлары белән кешеләрнең
 
күңелләренә сафлык өстәде. Иң мөһиме - кырлар калын ак юрганга ябынды.
 
2019 елда иген уңышларына өмет уятты.
 
Яңа елда балаларга да, олыларга да бүләк бирү безнең канга сеңгән инде.
 
Сәбәбе дә гади. Бүләк биргәндә, бүләк алганда кешеләр елмаялар.
 
Бу инде бәхет билгесе. Балаларыбыз безләргә куанычлы мизгелләр күрсәтеп яшәсен иде.
 
Туганнарыбыз белән аралашу гадәти хәлгә әйләнсен иде.
 
Олыларның күңелләрен күрергә язсын.
 
Ир вә хатын тату яшәсеннәр иде.
 
Күңелләребезне тик изгелек бизәп торсын.
 
Ниятебез туганлык мөнәсәбәтләрен урнаштыруга юнәлсен иде.
 
Ә болар барчасы да Иман байлыгына барып тоташа.
 
Күңел түребездә иң бөек Затыбыз булган Аллаһы Тәгаләгә
 
хөрмәт һәм анардан куркып яшәү саклансын иде.
 
Тормышыбызны Изге Китабыбыз Коръәни-Кәрим буенча алып барганда гына
 
адәм баласына шатлык вә куаныч юлдаш була.
 
Ә бу инде бәхет дигән нәрсә.
 
Булганына канәгать булып яшәү - инде зур бәхет.
 
Бәхеттә вә хөрмәттә яшәргә язсын һәр кешегә.
 
tatarlarsamara.org сайты мөхәррире
Наилә Сабирҗанова.

Хәбәрләр

“Коръән эчке яктан да, тышкы яктан да кешене үзгәртә”

Тауларда үзенең оныгы белән бер карт кына бабай яшәгән, ди. Ул мөселман булган, шуңа да һәр иртәсен Коръән укуга багышлаган. Оныгы аңа охшарга тырышкан, бабасы ни эшләсә, шуны кабатлап барган. Бервакыт бу бала: "Бабай, мин Коръән китабын, синең кебек, укып барырга тырышам, әмма мин аның мәгънәсен аңламыйм. Мин китапны ябу белән, ятлаган әйберләрем башымнан чыга. Шулай булгач, Коръәни-Кәрим китабын укудан нинди файда бар соң?" - дип сорый.

Гомерен татар милләтенә багышлады...

47 яшендә Сабирҗан угылы Фәрһад Мәхмүтов кинәт вафат булды. Иннә лилләһи вә иннә иләйһи раҗигун. Фәрһад мәктәп укучысы буларак, “Туган тел” җәмгыятенә килеп керде. Яшьләр арасында татарлыкны саклауга көч куйды. Совет армиясе сафларында чыныгып, егет булып кайтты. Казан дәүләт университетының татар теле факультетында югары белем алды.

Иң булдыклы ирләр – Мәчәләйдә

Безнең Мәчәләйнең инвалидлар оешмасыннан 14 нче майдан 16 нчы майга кадәр Русия күләмендәге спорт турнирында түбәндәгеләр катнаштылар: Бәдретдин угылы Гайфетдин Канюкаев һәм Харис угылы Наил Булатов. Алар 2 нче һәм 3 нче урыннарны яуладылар. Турнирны Самар шәһәренең инвалидлар рәисе А.П. Архипкина алып барды. Ярышларны Кызыл Яр районында, «Надеҗда» исемле ял итү базасында үткәрделәр.

Айрат Суфиянов: “Татар намазга басса, мәңгелек милләт булып яшәячәк!”

Әнвәр угылы Айрат Суфиянов 19 ел буена Самарның Пирогов исемендәге хастаханәсендә травматолог-ортопед булып хезмәт итә. Шенталы станциясендә туып-үскән Айрат әфәнде Самарда медицина институтында белем алган, аннан интернатура бетергән. Туган ягында бер ел эшләгәннән соң, клиник ординатура тәмамлаган. Югары категорияле табиб белән серләшеп утырдык.

1 из 158