This is an example of a HTML caption with link themeforest.net.

Бер-берсенең кадерен белеп яшиләр

 

Исмәгыйл угылы Нурислам Гөбәйдуллинны Самар шәһәрендә бик хөрмәтле, булдыклы,дәрәҗәле, мәсҗид карты итеп таныйлар.

Ул - сабыр, тыйнак, итагатҗле,яхшы холыклы һәм абруйлы кеше. Шуңа да юбилее көннәрендә аңа ңылы-назлы сүзләр әйтергә, тәбрикләргә теләүчеләр байтак. Шуның өстенә Нурислам абыйның туганнары, дуслары, танышлары,милләттәшләре, дин кардәшләре дә күп. Нурислам абый милләтен, халкын, телен, динен саклап калган кеше ул. Мәсҗидләргә даими сәдака биреп яши. Рәисә апа белән 55 ел бергә рәхәт чигеп, бер-берсенең кадерен белеп яшиләр. Татар концертларына барып, артистларның күңелен күреп, кыйммәтле бүләкләр тапшыралар. Нурислам абый күпләрнең рәхмәтен, догасын алган бәхетле ир ул. Шуңа күрә дә Аллаһу Тәгалә үзенә бәхетле тыныч картлык, исәнлек, гамәл гыйбадәтле озын гомер биргән дип уйлыйм. Аның тормышы барыбызга да яхшы үрнәк. Чиста,киң-иркен хәләл ризык өчендә, яхшы тәрбиядә яши.

Матурлыкны, бәхетле картлыкны булдыручы, ир хакын хаклаучы хәләл җефете Рәисә апага бик зур рәхмәтләребезне белгертәбез.

Нурислам абый буе озын, битләре янып торучы егет буларак танылды. Аңа бик күп кызлар гашыйк булсалар да, Нурислам абый күпләр арасыннан озын толымлы, чәчләрен матур итеп үргән кызга гашыйк була. Ул ашка-суга уңган Рәисә апаны сайлап алды һәм һич тә үкенмәде.Кавышкан ике йөрәк 55 ел буе бер-берсен яратып, тугрылык саклап яши бирәләр.

Рәисә апа турында Нурислам абый:"Рәисә апаңны очратканга бәхетле мин. Бүген дә аңа булган мәхәббәтем бер генә минутка да сүрелми, ди.

Пенсиягә чыккач, әле аяклар йөреп торганда,күзләр гүзәллекне күргәндә, өйдә тик утырып тору ир-атка һич дөрес булмас дип Иске мәсҗидкә эшкә керә.Ул эшләгәндә мәсҗид эче, аның тирәсе аеруча чиста тотыла иде.Хезмәтен 15 ел буена яратып башкарды.Ул динебез Исламга ихласлык күрсәтте.Әҗер-савапка хезмәт итте. Аның яхшылыклары турында китап язарлык. Үзе турында:"Аллаһу Тәгалә миңа белем бирде, күңелемә илһам салды,хуш килердәй хезмәт бирде", дип искә ала.Ул безнең хезмәт ветераны. өч дистә Мактаунамәгә лаек шәхесебез. Без аның белән горурланабыз.

Һәр ирне дә хатыннары мактап тормый. Ә менә Рәисә апа Нурислам абый турында:"Мәсҗид карты. Йомшак күңелле. Тыныч холыклы. Уйлап кына сөйли. Хезмәт сөючән. Тырыш. Уңган. Батыр йөрәкле. Гайрәтле. Булдыклы ир", ди.

Матур итеп,урынына җиткезеп Коръән уку, Азан әйтү, тәмен белеп намаз уку - бу бит үзенә бер зур нигъмәт! Бу Раббыбыз бүләге һәм Нурислам абзыйның шәхси тырышлыгы.Әгәрдә барлык пенсионерларыбыз мәсҗидләребезгә йөреп намаз укысалар, анда урын җитмәс иде.

Газизләребез! Киләчәктә дә безләрне куандырап, тирә юндәгеләргә, нәсел-ыруга үрнәк булып яшәгез.

Барлык якыннарыгызның уй-хисләрен, теләкләрен кәгазьгә төшерүче

Мәрбия Сафина.

 

Хәбәрләр

“Коръән эчке яктан да, тышкы яктан да кешене үзгәртә”

Тауларда үзенең оныгы белән бер карт кына бабай яшәгән, ди. Ул мөселман булган, шуңа да һәр иртәсен Коръән укуга багышлаган. Оныгы аңа охшарга тырышкан, бабасы ни эшләсә, шуны кабатлап барган. Бервакыт бу бала: "Бабай, мин Коръән китабын, синең кебек, укып барырга тырышам, әмма мин аның мәгънәсен аңламыйм. Мин китапны ябу белән, ятлаган әйберләрем башымнан чыга. Шулай булгач, Коръәни-Кәрим китабын укудан нинди файда бар соң?" - дип сорый.

Гомерен татар милләтенә багышлады...

47 яшендә Сабирҗан угылы Фәрһад Мәхмүтов кинәт вафат булды. Иннә лилләһи вә иннә иләйһи раҗигун. Фәрһад мәктәп укучысы буларак, “Туган тел” җәмгыятенә килеп керде. Яшьләр арасында татарлыкны саклауга көч куйды. Совет армиясе сафларында чыныгып, егет булып кайтты. Казан дәүләт университетының татар теле факультетында югары белем алды.

Иң булдыклы ирләр – Мәчәләйдә

Безнең Мәчәләйнең инвалидлар оешмасыннан 14 нче майдан 16 нчы майга кадәр Русия күләмендәге спорт турнирында түбәндәгеләр катнаштылар: Бәдретдин угылы Гайфетдин Канюкаев һәм Харис угылы Наил Булатов. Алар 2 нче һәм 3 нче урыннарны яуладылар. Турнирны Самар шәһәренең инвалидлар рәисе А.П. Архипкина алып барды. Ярышларны Кызыл Яр районында, «Надеҗда» исемле ял итү базасында үткәрделәр.

Айрат Суфиянов: “Татар намазга басса, мәңгелек милләт булып яшәячәк!”

Әнвәр угылы Айрат Суфиянов 19 ел буена Самарның Пирогов исемендәге хастаханәсендә травматолог-ортопед булып хезмәт итә. Шенталы станциясендә туып-үскән Айрат әфәнде Самарда медицина институтында белем алган, аннан интернатура бетергән. Туган ягында бер ел эшләгәннән соң, клиник ординатура тәмамлаган. Югары категорияле табиб белән серләшеп утырдык.

1 из 158