This is an example of a HTML caption with link themeforest.net.
                                                                             Яңа Ярмәктә бәйрәмне зурлап уздырдылар

9 май көнне яңгыр явып торса да, сугыш кырларында ятып калган авылдашларыбыз хөрмәтенә куелган һәйкәл янында халык гөжләп торды. Тантана митинг белән башланып китте. Ветераннар сугыш елларының авырлыгын, бүгенге тыныч тормышларның җиңел генә бирелмәгәнен яшь буынга җиткерделәр. Аннары җирле үзидарәдән, районнан да вәкилләр килеп, барлык халыкны җиңүнең 70 еллыгы белән котладылар
Бәйрәмнең икенче өлешендә һәвәскәр артистлар һәм балалар әзерләгән зур концерт-тамаша күрсәтелде. Музыкаль бүлек зур тырышлык белән әзерләнгән иде. Һәр номер көчле алкышларга күмелде.
Бәйрәмнең өченче өлеше табында узды. Татар халкының асыл гадәте буенча, мәҗлес Коръән укып башланды.
Бөек Җиңүнең 70 еллыгына багышланган тантананы уздыруда түбәндәге уңганнарыбыз матди ярдәм күрсәттеләр. 
Алар - Зәйдуллин, Пулатханов, Зәләев, Мифтахов, Хәмәтшиннар, Халидә апа, Арсланова Алия. Балаларга бүләкләр тапшырылды.
Юбилейны оештыруда зур тырышлык  күрсәткән авылыбызның клуб мөдире Розалия Гафуровага, китапханәчебез Алисә Хәмәтшинага рәхмәтләребезне белдердек.
Бирер өчен илгә Җиңү көнен
Ятим үсте күпме балалар.
Кавыша алмады сөйгәннәре белән
Тол калдылар япь-яшь аналар.
Югалтулар зур булды. Тыныч тормышның  кадерен белеп яшәргә өйрәнергә генә кирәк.

Гөлсинур Гафурова.
Яңа Ярмәк авылы.

Хәбәрләр

Рифкат углы Радик Газизовның туган көне!

Самар татарлары өчен гази­зебез Радик әфәнде! Сез гомер дигән дәрьяның сыртында торасыз. Әле кайчан гына, елмая-елмая, зур сәхнәләрдә баянда көйлә­ребезне сайрата идегез. Матур тембрлы тавышыгыз белән дәртле дә, моңлы да җырларыбызны яңгыратып, күңелләребезне күтәрә идегез. Зур бәйрәмнәрдә тамаша­ларны алып бардыгыз. Ләкин дә төп һөнәрегез - мөгаллимлекне һәрвакыт алгы сызыкка чыгара белдегез. «Яктылык»та балаларның ярат­кан абыйлары биеклегенә күтә­релдегез.

Рейхстагны алуда катнашкан бабам

Минем әтиемнең бабасы – Нурулла углы Фәйзулла Әпсәләмов 1921нче елның 1 апрелендә Самар өлкәсенең Камышлы районы Татар Байтуганы авылында туа. Күп балалы ярлы крәстиән гаиләсендә икенче бала була ул. Әтисе бик иртә үлеп киткәнгә, тормыш көтүе бик авырга кала. Шуңа карт бабам шул елларда авылда оешкан күмәк хуҗалыкта бик тырышып эшләп, әнисенә хәленнән килгәнчә ярдәм итә. 1940нчы елның ноябрендә аны Кызыл Армия сафларына алалар һәм Ерак Көнчыгышка, Манчжурия белән безнең илебез арасындагы чиккә 102нче погранполкка хезмәт итәргә җибәрәләр. Бу Советлар Союзы иминлегенә Япония янаган вакыт була. Тик Ерак Көнчыгыштан көтелгән афәт безгә көнбатыштан килә, чөнки 1941нче елның 22 июнендә фашистлар Германиясе безнең илебезгә каршы сугыш башлый. Минем Фәйзулла бабамны да - кичәге чик сакчысын – Көнбатыш фронтка күчерәләр. Шулай итеп, 1941нче елның көзендә ул Суворов орденлы Уралда оешкан 175нче дивизиягә кергән 120нче батареяда миномётчы итеп билгеләнә. Аларның шушы дивизия сугышчылары төялгән тимер юл составлары Куйбышев тимер юл станциясендә тукталыш ясый. Шуңа фронтка китүче бу дивизия 1941нче елның 7нче ноябрендә Бөек Октябрь бәйрәме хөрмәтенә Куйбышев шәһәрендәге Куйбышев мәйданында үткәрелгән хәрби парадта катнаша.

Самарда имамнар белемнәрен камилләштерделәр

Самарның "Нур" мәдрәсәсендә елына ике мәртәбә өлкәдәге авыл һәм шәһәр муллаларын чакырып дәресләр үткәрәләр. Мәдрәсә классларында гарәп теле, Коръәни-Кәримне тәҗвид буенча уку,дин тарихы, хәдисләр һәм башка фәннәр буенча дәресләр бирелә. Дәресләрне Самарның иң әзерлекле имамнары алып баралар. Апрель ахырында укуларга түбәндәге мөселманнарыбыз килгәннәр иде: Насыйп углы Дим Хәкимов Халит углы Шәһкәт Фазлыев Газали углы Туйбай Шәймуратов Әүхәд углы Мингали Кәлимуллин Мохтәр углыСөләйман Ибраев Еркемгалит Кибашев Зәйнулла углы Сәфиулла Әбдрахманов Хөсәен углы Исмаил Фәхретдинов Кәбир углы Илыат Шириязданов Пахат углы Нурлан Дингаутов

Авыл тормышын бизәп яшәүче Гөлүсә

"Исеме җисеменә туры килә", дигән әйтем бар. Исеме үзенең җанына, күңеленә якын булса, халәтенә туры килсә, үз исемен яратса һәм аны якын күрсә генә, кеше бәхетле була. Исемнәрдә тирән мәгьнә ята. Шуңа да һәркемнең үзлеге - җисеме, холкы, бар булдыгы аның исеме нигезендә формалаша. Татарларда матур, ягымлы, серле һәм тирән мәгънәле исемнәр күп. Шуларның берсе - Гөлүсә. Гөл кебек чибәр дигәнне аңлата. Язмыш сынауларын ул балачактан ук кичерсә дә, төрле авырлыкларга бирешмәгән, тормышта үз юлын, үз урынын дөрес сайлап тапкан. Аның һөнәре һәм эше дә үзенең табигатенә туры килә. Ул - югары белемле педагог. Иске Ярмәк авылындагы ветераннарга социаль хезмәт күрсәтү үзәгендә психолог булып эшли. Ул - йомшак күңелле, ягымлы, ярдәмчел, кешелекле һәм аралашучан. Гөлүсәгә 10 яшь булганда аның әнисе каты авырый. Гаиләдәге тормыш авырлыкларының төп өлеше аның җилкәсенә төшә. Шулай да кыз урта мәктәпне уңышлы тәмамлый. Хәле авыр булса да, әнисе аны институтка укырга керергә үгетли. Кечкенәдән укытучы булу хыялы белән яшәгәнгә, Гөлүсә Самар шәһәренең педагогия институтына укырга керә. Аның студент елларында илдә кискен үзгәрешләр башлана. Акча алышына, кризис башлана.

144 из 150