This is an example of a HTML caption with link themeforest.net.

Көзләрне  “Сөмбелә” бизи

Көзләрне  мин моңсу, димәс идем,

Аның үз матурлыгы.

Күңелләрне җәлеп итә

Сихри хозурлыгы.

Бигрәк тә октябрь ае. Шушы айда агач яфраклары, сары төскә кереп, җир өстенә алтын булып ява, сары келәм булып ятып, дөньяны бизи. Ә көзге чәчәкләр, әле һаман да салкыннарга бирешмичә,  чәчкә атып, сөенеп утыралар. Әйтерсең лә  озаграк  яшәп, балкып каласылары килә.

Көз инде ул үзенең мул уңышлары белән сөендерә. Безгә ел буена тукланып  яшәрлек ризык-нигъмәтләр бүләк  итә.

Менә шундый матур алтын көзнең бер көнендә без, бер төркем олы яштәге апалар, Иске Ярмәк авылының социаль реабилитация бүлегенә  юл тоттык. Элемтә бүлеге хезмәткәрләре: Дания Сафина, Гөлсем Хөббәтова, Гөлфия Вагыйзова, авыл советында эшләгән  хезмәткәрләр - Венера  Фәттахова, Илсөяр Әхмәдиева, китапханә мөдире булып хезмәт иткән Румия  Йосыпова. Барыбыз да - бер чорда эшләп лаеклы ялга чыккан хезмәт ветераннары.

Арабызда иң олысы Фатыйма апабыз Салахова иде. Безнең очрашулар бәйрәмнәрдән башланып китте. 9 октябрьдә Бөтендөнья  почта көнен билгеләп үттек. Үткән гасырда, күп еллар элек чыккын гәҗитә-журналлардан, конверт-открыткалардан  күргәзмә оештырып, алар турында тәфсилләп сөйләп, бергә эшләгән чакларны искә төшереп, истәлекләрне  яңарттык.  Җырлап-биеп, күңел ачтык.

Безнең  ялыбыз бәйрәмнәргә бик бай булды. Беренче  мәртәбә көзнең  патшабикәсе - шифалы кабак бәйрәмен үткәрдек.

Үзебез үстергән төрле төстәге, сыйфаттагы кабаклар алып килеп, тәҗрибәләребез белән уртаклашып, аның шифасы турында сөйләдек. Хәтта кабак турында шигырь дә яздык. Шифалы кабактан әзерләнгән ризыклардан авыз иттек.

Көннәр матур, аяз торганда урманнарны да күрәсебез килеп китте. Урманга юл тоттык. Машина тәрәзәсеннән тирә-юньне күзәтеп , көзнең матурлыгына  сокланып барабыз. Алда сары һәм яшел төскә бизәлгән урман күренә. Урман аланында үзенең кызыл җимешле тәлгәшләре белән миләш куаклары балкып утыра.

Яшь һәм төз наратлар яшел төсләрен үзгәртмичә, ямь биреп утыралар. Ак    каеннар, бөгелә-сыгыла, сары шәлләрен ябынган килеш, безне сәламли. Урман шаулый, урман тантана итә. Хәйран калып, урман шавын, урман җырын тыңлыйбыз. Йөрәкләргә ниндидер сихри моң, рәхәтлек иңә. Урман турында язылган шигырьләребезне укып, җырлар җырлап, төрле кызыклы бәйгеләрдә  катнашып, видеога, фотога төштек. Тәнебезгә - сихәт, җаннарыбызга рухи азык туплап кайттык.

Безне бу сәяхәткә оешманың уңган шоферы Җәгъфәр Сәгыйров алып барды, хөрмәтләп, өйләребезгә  кадәр озатып та куйды. Аңа олы рәхмәтебезне белдәрәбез.

“Сөмбелә” – уңыш бәйрәмен дә үткәрергә булдык. Барыбыз да матур киемнәрдән, башларыбызда - көзге чәчәкләрдән үргән такыя, миләш төймәсеннән тезгән муенса.

Кулларыбызда зур савытларга, кәрзиннәргә тутырылган мул бакча җимешләре, яшелчәләр. Аларның барысы турында да шигырьләр сөйләдек, җырлар җырланды.

Мин, Гөлсем Хәббәтова, “Сөмбелә” бәйрәме турында шигырь дә яздым.

Сөмбелә бәйрәме

Мул уңышлар җыеп алдык,

Хәзер бәйрәм итәбез.

Һәр ел саен Сөмбеләне

Бик сагынып көтәбез.

 

Күңелләр шат, йөзләр балкый,

Бүген бездә “Сөмбелә”.

Мул уңышлар бүләк итте

Ел фасылының  ямьле җәйләре.

 

Әнә, безнең Лилиябез

Сөмбелә булып киенгән.

Әйтерсең лә кояш балкый,

Нур сибелә йөзеннән.

 

Сөмбелә - уңыш бәйрәме

Табыннар мул, түгәрәк.

Аллаһы биргән нигъмәтләрне

Авыз итик бергәләп.

 

Гомер берәү, икәү түгел,

Кадерен белеп калыйк.

Уйнап-көлеп, җырлап-биеп,

Күңелне ачып калыйк.

 

Без үзебез уңган-җитез,

Күбәләктәй очабыз.

Атаклы “Ярмәк вагы”на

Тыпырдатып басабыз.

 

Бәйрәмнән соң күңел күтәрелде,

Булды безгә бик рәхәт.

Шәфкатьлелек йорты кешеләре,

Чын күңелдән сезгә зур рәхмәт.

Барлык чараларны оештырган хезмәткәрләр: Рәмзия Әбдерәхимова, Гөлисә Бәдертдинова, Гөлия Хәнәфиева, Лилия Әбдерәхимова, аш-су осталары Рәшидә Хәмидуллина һәм Алия Каюмова. Киләчәктә дә эшегездә  уңышлар телибез.

Бәйрәмебез Коръән укып башланды, Коръән белән тәмамланды.

Авылыбызның хөрмәтле кешеләре Тәбрис һәм Фәния Вәлиәхмәтовлар  барлык чараларның фотоларын ясап, безгә бүләк иттеләр. Аллаһының рәхмәте булсын сезгә.  Исән булыгыз, безне шулай сөендереп, тигезлектә, муллыкта озак яшәгез.

 

Ял итәргә  йөрүчеләр  исеменнән

Гөлсем Хөббәтова,

Гөлфия Вагыйзова.

Хәбәрләр

Рифкат углы Радик Газизовның туган көне!

Самар татарлары өчен гази­зебез Радик әфәнде! Сез гомер дигән дәрьяның сыртында торасыз. Әле кайчан гына, елмая-елмая, зур сәхнәләрдә баянда көйлә­ребезне сайрата идегез. Матур тембрлы тавышыгыз белән дәртле дә, моңлы да җырларыбызны яңгыратып, күңелләребезне күтәрә идегез. Зур бәйрәмнәрдә тамаша­ларны алып бардыгыз. Ләкин дә төп һөнәрегез - мөгаллимлекне һәрвакыт алгы сызыкка чыгара белдегез. «Яктылык»та балаларның ярат­кан абыйлары биеклегенә күтә­релдегез.

Рейхстагны алуда катнашкан бабам

Минем әтиемнең бабасы – Нурулла углы Фәйзулла Әпсәләмов 1921нче елның 1 апрелендә Самар өлкәсенең Камышлы районы Татар Байтуганы авылында туа. Күп балалы ярлы крәстиән гаиләсендә икенче бала була ул. Әтисе бик иртә үлеп киткәнгә, тормыш көтүе бик авырга кала. Шуңа карт бабам шул елларда авылда оешкан күмәк хуҗалыкта бик тырышып эшләп, әнисенә хәленнән килгәнчә ярдәм итә. 1940нчы елның ноябрендә аны Кызыл Армия сафларына алалар һәм Ерак Көнчыгышка, Манчжурия белән безнең илебез арасындагы чиккә 102нче погранполкка хезмәт итәргә җибәрәләр. Бу Советлар Союзы иминлегенә Япония янаган вакыт була. Тик Ерак Көнчыгыштан көтелгән афәт безгә көнбатыштан килә, чөнки 1941нче елның 22 июнендә фашистлар Германиясе безнең илебезгә каршы сугыш башлый. Минем Фәйзулла бабамны да - кичәге чик сакчысын – Көнбатыш фронтка күчерәләр. Шулай итеп, 1941нче елның көзендә ул Суворов орденлы Уралда оешкан 175нче дивизиягә кергән 120нче батареяда миномётчы итеп билгеләнә. Аларның шушы дивизия сугышчылары төялгән тимер юл составлары Куйбышев тимер юл станциясендә тукталыш ясый. Шуңа фронтка китүче бу дивизия 1941нче елның 7нче ноябрендә Бөек Октябрь бәйрәме хөрмәтенә Куйбышев шәһәрендәге Куйбышев мәйданында үткәрелгән хәрби парадта катнаша.

Самарда имамнар белемнәрен камилләштерделәр

Самарның "Нур" мәдрәсәсендә елына ике мәртәбә өлкәдәге авыл һәм шәһәр муллаларын чакырып дәресләр үткәрәләр. Мәдрәсә классларында гарәп теле, Коръәни-Кәримне тәҗвид буенча уку,дин тарихы, хәдисләр һәм башка фәннәр буенча дәресләр бирелә. Дәресләрне Самарның иң әзерлекле имамнары алып баралар. Апрель ахырында укуларга түбәндәге мөселманнарыбыз килгәннәр иде: Насыйп углы Дим Хәкимов Халит углы Шәһкәт Фазлыев Газали углы Туйбай Шәймуратов Әүхәд углы Мингали Кәлимуллин Мохтәр углыСөләйман Ибраев Еркемгалит Кибашев Зәйнулла углы Сәфиулла Әбдрахманов Хөсәен углы Исмаил Фәхретдинов Кәбир углы Илыат Шириязданов Пахат углы Нурлан Дингаутов

Авыл тормышын бизәп яшәүче Гөлүсә

"Исеме җисеменә туры килә", дигән әйтем бар. Исеме үзенең җанына, күңеленә якын булса, халәтенә туры килсә, үз исемен яратса һәм аны якын күрсә генә, кеше бәхетле була. Исемнәрдә тирән мәгьнә ята. Шуңа да һәркемнең үзлеге - җисеме, холкы, бар булдыгы аның исеме нигезендә формалаша. Татарларда матур, ягымлы, серле һәм тирән мәгънәле исемнәр күп. Шуларның берсе - Гөлүсә. Гөл кебек чибәр дигәнне аңлата. Язмыш сынауларын ул балачактан ук кичерсә дә, төрле авырлыкларга бирешмәгән, тормышта үз юлын, үз урынын дөрес сайлап тапкан. Аның һөнәре һәм эше дә үзенең табигатенә туры килә. Ул - югары белемле педагог. Иске Ярмәк авылындагы ветераннарга социаль хезмәт күрсәтү үзәгендә психолог булып эшли. Ул - йомшак күңелле, ягымлы, ярдәмчел, кешелекле һәм аралашучан. Гөлүсәгә 10 яшь булганда аның әнисе каты авырый. Гаиләдәге тормыш авырлыкларының төп өлеше аның җилкәсенә төшә. Шулай да кыз урта мәктәпне уңышлы тәмамлый. Хәле авыр булса да, әнисе аны институтка укырга керергә үгетли. Кечкенәдән укытучы булу хыялы белән яшәгәнгә, Гөлүсә Самар шәһәренең педагогия институтына укырга керә. Аның студент елларында илдә кискен үзгәрешләр башлана. Акча алышына, кризис башлана.

144 из 150