This is an example of a HTML caption with link themeforest.net.

Тәмәке төпчеге дә - үзенә бер күрсәткеч

 

Сигез дистә ел буена бөек юлбашчыбызның туган көненә багышлап, ил буенча өмәләр уздырылып килде. Яхшы гамәл. Тик менә апрель азагында безнең төбәктә җылы һәм коры көннәр - сирәк була торган хәл. Күпчелеге явым-төшеп, салкын котып җилләре исә.

Быел Самар Җәмигъ мәсҗидендә гыйбадәтханә тирәсендә тәртип урнаштыру өмәсен Җиңү көне алдыннан уздырырга булдылар. Җылы һава. Коры җир. Күңелләрне иркәли торган саба җиле. Зәп-зәңгәр күкне тутырып, кояш балкыды.

Әйтергә кирәк, күңел җырлап торганда эш тә үтемле.

Өмәдә төрле катлам кешеләре хезмәт куйды. Яшьләр дә, урта буын да. Олылар арасында беренчелек Таһир ага Мамышев кулында иде. 91 яшьлек намаз карты. Җир селкетеп, башкаларны дәртләндереп, эшләде.

Һәр өмәдә тырма, капчык, себерке эш кораллары булып килә бирәләр. Берәүләр тырмалый, икенчеләре себерә, өченчеләре чүпне капчыкларга тутыра, дүртенчеләре ул чүп-чарны кирәк җиргә ташып тора.

Быел мин үзем себерке хуҗасы булдым. Һәм, әйтергә кирәк, кызык кына ачыш та ясадым. Самар Җәмигъ мәсҗиденең Стара-Загора урамына чыккан ягында бик матур таш плитәләр җәелгән, аның кырыенда үскән үләннәр арасында меңләгән тәмәке төпчеге ята.

Шул төпчекләрне себергәндә, һич көтмәгәндә, бер нәрсәгә игътибар иттем.

Төпчекләрнең 80 проценты - хатын-кызлар авызыннан калган папирус калдыклары! Димәк, Самарда, ирләргә караганда, асыл затларыбыз төтенне күбрәк яраталар!

Ә социологлар, диктофон тотып, сораштырып йөриләр. Кем күбрәк тәмәке тарта имеш - ир-егетләребезме әллә хатын-кызлармы? Ә социологларга тротуар буйлап йөрергә һәм күзләрен сукмак буендагы үләннәр арасына гына төбәп йөрергә кирәк.

Шулай да өмәдән киткәндә хәдисләрнең берсендә язылган фикер искә килеп төште: “Кем дә кем мәсҗид йортындагы чүпне җыеп түксә, ул кешенең гөнаһлары коелыр».

Амин! Шулай була күрсен.

Төптән уйлап караганда, без адым саен яхшылык эшләп, бертуктаусыз савап җыеп яши алабыз бит. Өмәдә эшләгән кешеләр белән бергә җәннәт бакчаларында хозурланырга язсын.

Шамил БАҺАУТДИН.

 

Хәбәрләр

Түбәндәге шигырьне барлык таныш-белешләрегезгә укыгыз!

Мәгариф Раянов Самар өлкәсендә күп еллар буе галәм корабларының конструкторы булып эшләде. Социализм чорында Казахстандагы «Байконур» исемле космодромнан галәмгә кораблар очыручы кеше. Аллаһы Тәгалә гаҗәеп тирән акыл Һәм татар моңын бүләк иткән. Дини күзлектән Карагандада, күпләребез өчен ул - үрнәк. Коръәни-Кәримне иркен укып, намазларын калдырмыйча, Казан мәсҗидләрендә дини белемен камилләштереп яшәүче якташыбыз.

Оҗмахлы буласыгыз килсә, «Сәлам» гәҗитәсен 2019 елның икенче ярты еллыгына үзегезгә һәм балаларыгызга яздырырга онытмагыз!

«Сабырлык һәм хаклык белән бер-берегезгә нәсыйхәт кылыгыз». (Коръән, 103,3). «Сәлам» гәҗитәсе сезләрне оҗмах әһеле итеп әзерли «Сәлам» гәҗитәсе дини нәсыйхәтне кешеләргә җиткерә. *** «Сәлам» гәҗитәсе карендәшлек хисләрен ныгыта.

Галиулла абыйның куанычлары

Сызранда күп еллар дәвамында шәһәр Мәдәният Сараенда яшьләр һәм балалар өчен төрле иҗади түгәрәкләр эшли. Бер төркем балалар татар һәм гарәп телләрен өйрәнәләр. Быел "Без бергә" исемле форум узды. Дәрескә йөрүче кызларым ике татар биюен башкардылар.

«Эта встреча запомнится мне надолго.»

Я - студентка первого курса института филологии и межкультурной коммуникации Казанского (Приволжского) Федерального университета. Последние два года я мечтала поступить в Казань. Из города Самары, который находится в 360 километрах от Казани. Каждый год мы с родителями приезжали в столицу Татарстана, и она росла и менялась на моих глазах. Всегда, когда мы приезжали сюда, я чувствовала наслаждение буквально от всего: здесь мой народ, который говорит на родном языке. Казань - невероятный город, он прекрасен как внешне, так и внутренне. Это город с искренними и отзывчивыми людьми.

1 из 156