This is an example of a HTML caption with link themeforest.net.

"Самар татарлары" журналына - 5 ел! 

 

 

Татарстан Җөмһүриятенең Беренче Президенты Минтимер Шәймиев тәбрикнамәсе

 

 

 

Сезнең барыгызны да яшь булса да, өлгер һәм зирәк булганлыктан киң таралырга өлгергән "Самар татарлары" журналының 5 еллыгы белән тәбрик итәм!

 

Поздравляю нас всех с 5-летием молодого, но успевшего достичь заметной популярности среди татар всего мира журнала "Самар татарлары"!

 

Әйтергә кирәк, "Самар татарлары" журналы чыга башлау Самара өлкәсендә һәм ил күләмендә генә түгел, бөтен татар дөньясы өчен әһәмиятле вакыйга булды. Без мондый басмага мохтаҗ идек. Журнал әле яшь булса да, татар халкын борчыган күп кенә мәсьәләләргә заманча, яшьләрчә һәм киң карашы белән күпсанлы татар укучыларының күңелен яулады,

 

"Самар татарлары" журналын файдалы һәм милләт өчен бик кирәкле басма дип саныйм. Аны даими укып-карап барам, редакциядә сәләтле һәм әзерлекле кешеләр эшләве сизелеп-күренеп тора. Бизәлеше ягыннан да, эчтәлеге буенча да күпләргә, хәтта Татарстанның кайбер журналларына да үрнәк булырлык лаеклы басма.

 

Журналны гамәлгә куючы "Самара өлкәсенең татар эшкуарларына ярдәм итү ассоциациясенә", аның эшчәнлегенә һәрьяклап булышучы "Туган тел" Самара өлкә татар җәмгыятенә зур рәхмәтебезне җиткерәбез.

 

Желаю вам здоровья, благополучия и новых творческих открытий! Сохраните ваш курс на созидание нашего народа, тогда журнал останется такой же популярной и содержательной на многие годы, а все ваши достижения будут служить на благо родного татарского народа!

 

Редакция коллективына алга таба да иҗади уңышлар телим, үткен каләмегездән үтемле, мәгънәле язмалар чыксын, таләпчән һәм рәхмәтле укучыларыгыз тагын да арта барсын!

 

Булдырасыз! Вы можете!

 

Минтимер Шәймиев,

 

Татарстан Республикасының Беренче Президенты

 

 

Самар өлкәсе мөфтие Талип хәзрәт Яруллин:

"Самар тарарлары" журналы биш кенә ел чыкса да, безләрне гаҗәеп тирән мәгънәле мәгълүматлар белән куандырды.
Моңа кадәр без белмәгән һәм ишетмәгән шәхесләрне халык хәтеренә
кайтарды. Без моңа шатбыз. Бу инде чын мәгънәсендә милләтне туплау,
Бердәм итү. Басмага нигез салучы Гомәр углы Илйас Шәкүровка рәхмәтләребезне белдерәбез.
Журналның мөхәррире Данияр Сәйфиев мактауга лаек.
Милләтебезне туплауда һәм динебез Исламны күтәрүдә армый-талмый эшләгез. Редакция хезмәткәрләренә сәламәтлек, эшләрендә уңышлар телим.

 

Владимир углы Дмитрий Холин Губернатор исеменнән кайнар котлады

Глеб углы Михаил Федоров (сулдан беренче) гомер-гомергә татар халкына һәм аның мәдәниятенә хөрмәт белән карап яшәде, заманында ул губернатор Константин Титовның милли һәм дини мәсьәләләр буенча киңәшчесе иде. "Самар татарлары" журналының дизайнерлары - Александр Горбачев һәм Юрий Швец. 

 "Сорнай" ансамбле - татар халкының фольклорын бөек хәзинә итеп саклаучы коллектив.
"Сорнай" - ул татарның милли үзаңы.
"Сорнай" - ул татарның дәртле биюләре.
"Сорнай" - ул татарның канатлы моңы.
"Сорнай" - татарны яшәтүче чишмә!

 

"Самар татарлары" журналының биш еллыгына  багышланган тантананы
Линар Әбсаттаров һәм Наилә Сабирҗанова алып бардылар. Икесе дә - сәхнәдә зур тәҗрибә туплаган шәхесләр. Линар - чын ирләр образын тасвирласа, Наилә егерме беренче гасыр татар хатынының бизмәне булып тора. Сәхнәдә тулы тәртип.

Ыгы-зыгы юк.  Бер-берсен сүз белән түгел, күз карашлары буенча аңлап эш итәләр.
Сәхнәгә матур итеп чыгара да беләләр, дәрәҗәле итеп озатып та калалар.
Телдә, хәрәкәттә - югары зыялылык.
Бернинди артык сүз юк. 
Икесе дә татар һәм урыс телләрендә дөрес һәм матур итеп сөйлиләр.
Бу да үзенә күрә милләт тәрбиясе булып тора.
Халыкны бит җыр гына түгел, ә сөйләү дә тәрбияли һәм үрнәк күрсәтә.
Ә беренче бүлекне Линар җыр белән түгәрәкләде.
Халык алдында дәрәҗәсе тагын да күтәрелеп китте.
Ә бу инде "Самар татарлары" басмасы юбилееның дәрәҗәсе үсте дигән сүз.

Самар Губерна Думасы рәисе Федор угылы Виктор Сазонов:

"Самар өлкәсендә ике йөзгә милләт вәкиле яши. Менә шул күпмилләтле төбәктә халык саны буенча татарлар - икенче урында. Ләкин дә сан буенча гына дип әйтү бөтенләй ук дөрес булып бетмәс иде.
Самар өлкәсенең мәдәниятенә, сәнгатенә, фәненә, сәнагәте үсешенә татар халкы бик зур өлеш кертә.
Без моны бик яхшы аңлыйбыз.
"Самар татарлары" журналы чыгуы - шуның бер чагылышы.
Татар халкы өлкә хуҗалыгының һәр тармагында актив катнаша.
Татар халкы хакимият органнары белән һәрвакыт тыгыз элемтәдә эшләде һәм эшли.
Миңа "Самар татарлары" журналында актив эшләгән каләмчеләргә рәхмәт хатлары тапшыру үзенә бер рәхәтлек бирә".

 

 

Хәбәрләр

Иң зур бәхет - Иман байлыгы

Быелгы Яңа ел үзенең мул яуган ап-ак карлары белән кешеләрнең күңелләренә сафлык өстәде. Иң мөһиме - кырлар калын ак юрганга ябынды. 2019 елда иген уңышларына өмет уятты. Яңа елда балаларга да, олыларга да бүләк бирү безнең канга сеңгән инде. Сәбәбе дә гади. Бүләк биргәндә, бүләк алганда кешеләр елмаялар.

Бер-берсенең кадерен белеп яшиләр

Исмәгыйл угылы Нурислам Гөбәйдуллинны Самар шәһәрендә бик хөрмәтле, булдыклы,дәрәҗәле, мәсҗид карты итеп таныйлар. Ул - сабыр, тыйнак, итагатҗле,яхшы холыклы һәм абруйлы кеше. Шуңа да юбилее көннәрендә аңа ңылы-назлы сүзләр әйтергә, тәбрикләргә теләүчеләр байтак. Шуның өстенә Нурислам абыйның туганнары, дуслары, танышлары,милләттәшләре, дин кардәшләре дә күп. Нурислам абый милләтен, халкын, телен, динен саклап калган кеше ул. Мәсҗидләргә даими сәдака биреп яши. Рәисә апа белән 55 ел бергә рәхәт чигеп, бер-берсенең кадерен белеп яшиләр. Татар концертларына барып, артистларның күңелен күреп, кыйммәтле бүләкләр тапшыралар.

Намазлыкка бассын оныклар!

Үткән ел бездән китеп барды, Тарих битләренә эз салып. Уфтанмыйча, зарланмыйча яшик, Тормышларга яшик сокланып. Мәшәкатьле булса да бу дөнья, Җирдә яшәү – үзе зур бәхет. Килеп-китеп торсын әле еллар, Кайгы-хәсрәт үтсен читләтеп.

Дети восполнили свои знания по Исламу

В медресе «Нур» при Самарской Соборной мечети состоялась исламская викторина для детей «Умники и умницы». Ее участниками стали около 60 детей, в возрасте от семи до тринадцати лет, посещающие воскресные занятия при медресе. Тема викторины - жизнеописание Пророка Мухаммада (с.а.с.). Организаторами мероприятия выступили Регионалҗное Духовное управление мусулҗман Самарской области, медресе «Нур». Большую активность в подготовке проявили также и родители детей.

1 из 150