This is an example of a HTML caption with link themeforest.net.
Тольятти гүзәлләре “Татар кызы-2018” титулы өчен көрәшәчәк

Тольятти гүзәлләре “Татар кызы-2018” титулы өчен көрәшәчәк

Тольяттида “Татар-кызы-2018” бәйгесе узачак. Конкурсны Тольятти шәһәре татарлар милли-мәдәни автономиясе һәм Мәдәният, сәнгать һәм иҗат йорты оештыра. Оештыручылар сүзләренчә, “Тольятти татар кызы-2018” матурлык һәм талант бәйгесе яшьләрнең игътибарын татар халкы традицияләре, гореф-гадәтләре һәм туган телләренә юнәлтергә ярдәм итәчәк. Чараның максаты халыкның бай мәдәни мирасын саклау, патриотлык хисен, туган якның гореф-гадәтләренә мәхәббәт уяту тора.

Бәйге шулай ук сәләтле кызларны ачыклап, аларга Казанның югары уку йортларына укырга керүдә ярдәм күрсәтүне дә күздә тота.

Конкурста катнашу өчен Тольяттида яшәгән 14-18 яшьтәге кызлар чакырыла.

Сайлау туры түбәндәге критерийлар буенча бәяләнә: мәдәниятне, тарихны, татар халкы гореф-гадәтләрен белү; туган телдә аралашу күнекмәләре; үз-үзләрен тәкъдим итү осталыгы, вокал, хореография, башкару осталыгы таланты; эрудиция.

Кастинг 10 февральдә узачак.

www.tatar-congress.org

 

Хәбәрләр

Октябрьнең 1-дә - олылар көне

Көзләр җитү кешеләр хәтеренә муллык белән кереп калган. Кырларда игеннәр урып, сугылган. Яшелчәләр җыелган. Җиләк-җимешләр кышкыга әзерләнгән. Нәкъ менә октябрьнең берендә олылар көне итеп бәйрәм уздыру үзенә бер тирән мәгънәгә ия. Муллык һәм акыллылык бәйрәме.

Самар мөселманнарының акыллы энциклопедиясе

Бу китапны без күптәннән көткән идек. Самарның китап нәшрияты 200 битле “Самар төбәгенең мәсҗидләре” исемле төсле, ялтыравыклы кәгазьдә басылган бик күркәм җыентык бастырды. Өлкәбезнең төрле шәһәрләрендә һәм авылларында калкып чыккан Аллаһы Тәгаләнең йортлары Иделнең уртасында галәм киңлегенә мөселман нуры сирпеп, азан моңнарын яңгыратып, Пәйгамбәребез Мүхәммәд салләллаһу галәйһи вә сәлләм васыятен үтәп, Раббыбызга тугрылыгын исбатлап, адәм балаларына туры юл күрсәтүдә гаҗәеп олуг хезмәт башкаралар.

“Шушындый директор белән горурланырга була”

Самарның “Яктылык” мәктәбендә Белем көненә багышланган тантана узды. Бу көнне әйтерсең лә кояш та, шатланып, нурларын кызганмыйча сипте. Җылы, аяз иртәдә мәктәп йортына укучылар, укытучылар, ата-аналар җыелды. Менә үсеп җиткән, карашларында бераз җитдилек барлыкка килгән унберенче сыйныф укучылары тезелеп басты. Озын буйлы, төз гәүдәле егетләргә, зифа, нәзакәтле, чибәр кызларга сокланмыйча мөмкин түгел иде.

Динсезлек гомерлек фаҗигага илтә

Кеше итен ашаган бәндәләр кайда яши дисезме, хәзер әйтәм. Берничә тапкыр Казахстан чигендә урнашкан Оренбург өлкәсенең Соль-Илецк шәһәрендәге тозлы күлгә ял итәргә барырга туры килде. Күлдән ерак түгел генә шәһәр урамнарының берсендә кара дельфин рәвешендә бик матур сын куелган. Дәваланырга килүчеләр мәш килеп шуның янына басып фотога төшә. Бу якларда мондый дельфиннар йөзәрлек диңгезләр дә юк бит инде, дим. Баксаң, монда гомерлеккә хөкем ителгәннәр өчен “Черный дельфин” колониясе урнашкан икән. Кара төстәге дельфин сынын да төрмә тоткыннары үз куллары белән ясаган. Тормышлары бал да май кебек булмасын өчен аларны шушы тоз чыгара торган якларда тоталар, күрәсең.

1 из 142