This is an example of a HTML caption with link themeforest.net.
Сорагыз - җавап бирәбез

"Матурлык дөнйаны коткара" дигән гыйбаране еш кулланалар.
Бигрәк тә бу сүзләр белән сәнгать әһелләре шаяралар.
Ислам дине күзлегеннән бу әйтем дөресме?

Сорауларыбызга Самардагы "Нур" мәдрәсәсенең мөгаллиме
Наил Мостафин җавап бирә.

Наил, сине муллалыктан җиргә төшерәсем килә.
Син әле өйләнмәгән егет. Өйләнергә вакыт килеп
терәлгәч, син булачак хатыныңның кайсы сыйфатын
беренче урынга куяр идең? Матурлыкнымы?

Дин әһеле нинди генә тема буенча фикер йөртсә дә, ул һәрвакыт Коръән,
хәдисләр һәм дин әһелләренең фикерләренә таяна.
Һәм башкача мөмкин дә түгел. Без бит халкыбызны асыл динебез буенча
яшәргә өйрәтергә тиешбез. Шулай яшәгәндә генә адәм баласы бәхетле була.

Наил, минем сораудан качтың бугай.

Онытырсың дип уйлаган идем. Онытмыйсың, бабай. Сезнең сорауга да атаклы гыйлем иясе
Локман Хәким сүзләре белән җавап бирәм: "Күп вакыт чибәр хатын иргә түгел, ир аңа хезмәт итә.
Ир хатын колына әйләнә". 

Мин кызларның акылына өстенлек бирәм. Ул динебез Ислам таләпләрен белергә тиеш.
Кем белән тормышын бәйләгәнен аңларга тиеш. Дискотека, ресторан, кәттә тормыш юлындагылар
минем өчен түгел. Үзем кебек гади мөселман баласы кирәк.
Мин аны бәхетле итәрмен Аллаһы теләсә.

Теләк теләгәндә кешеләр бик еш: "Аллаһы Тәгалә Үз рәхмәтеннән ташламасын", диләр.
Моңа ничек итешергә?

Һәр мөселман үзенең йортын, эш урынын, бәдәнен, калебен
пакъ булуына ирешкән хәлдә, рухи яктан камилләшүне туктатмаганда,
шуларны үтәгәндә Аллаһы Тәгалә бәндәгә рәхмәт карашы белән карый.
Нигъмәтләрен өстәп тора. Ул инсанны (кешене) төрле бәла-әфәтләрдән саклый.

Кайберәүләр: "Яхшылык та, яманлык та югарыдан килә". диләр.
Дөресме?"

Юк. Дөрес түгел. "ән-Ниса" сүрәсендә болай диелә: "Ий, кеше, сиңа килгән яхшылык - Аллаһыдан.
Сиңа килгән яманлык - синең үзеңнән".

Ничек инде кеше үзенә яманлык теләсен?

Чөнки Аллаһы Тәгалә кешегә туры юлны күрсәткән, аңа чикләр билгеләгән.
Калганнары исә кешенең үзеннән.

Мисал китерә аласызмы?

Мисаллар очсыз-кырыйсыз. Берничәсе белән генә чикләник. Тәмәке - яман чиргә китерә.
Күп ашау бирәнлеккә илтә (шикәр чире). Барлык тыелган нәрсәләр яманлыкка китерә.
Байлыкка чумып яшәүчеләр сәламәтлеккә туймый. Сәбәбе - Аллаһы Тәгалә кушканча яшәмәгәнгә.

"Матурлык дөнйаны коткара" дигән гыйбаране(әйтемне) еш кулланалар.
Ислам дине күзлегеннән бу дөресме?

Юк. Наданлык. Моны сәнгать әһелләре еш яңгыраталар. Тик изгелек кылу гына дөнйаны коткара.

Наил Мостафин белән әңгәмәне
Шамил Баһаутдин алып барды.


Хәбәрләр

Октябрьнең 1-дә - олылар көне

Көзләр җитү кешеләр хәтеренә муллык белән кереп калган. Кырларда игеннәр урып, сугылган. Яшелчәләр җыелган. Җиләк-җимешләр кышкыга әзерләнгән. Нәкъ менә октябрьнең берендә олылар көне итеп бәйрәм уздыру үзенә бер тирән мәгънәгә ия. Муллык һәм акыллылык бәйрәме.

Самар мөселманнарының акыллы энциклопедиясе

Бу китапны без күптәннән көткән идек. Самарның китап нәшрияты 200 битле “Самар төбәгенең мәсҗидләре” исемле төсле, ялтыравыклы кәгазьдә басылган бик күркәм җыентык бастырды. Өлкәбезнең төрле шәһәрләрендә һәм авылларында калкып чыккан Аллаһы Тәгаләнең йортлары Иделнең уртасында галәм киңлегенә мөселман нуры сирпеп, азан моңнарын яңгыратып, Пәйгамбәребез Мүхәммәд салләллаһу галәйһи вә сәлләм васыятен үтәп, Раббыбызга тугрылыгын исбатлап, адәм балаларына туры юл күрсәтүдә гаҗәеп олуг хезмәт башкаралар.

“Шушындый директор белән горурланырга була”

Самарның “Яктылык” мәктәбендә Белем көненә багышланган тантана узды. Бу көнне әйтерсең лә кояш та, шатланып, нурларын кызганмыйча сипте. Җылы, аяз иртәдә мәктәп йортына укучылар, укытучылар, ата-аналар җыелды. Менә үсеп җиткән, карашларында бераз җитдилек барлыкка килгән унберенче сыйныф укучылары тезелеп басты. Озын буйлы, төз гәүдәле егетләргә, зифа, нәзакәтле, чибәр кызларга сокланмыйча мөмкин түгел иде.

Динсезлек гомерлек фаҗигага илтә

Кеше итен ашаган бәндәләр кайда яши дисезме, хәзер әйтәм. Берничә тапкыр Казахстан чигендә урнашкан Оренбург өлкәсенең Соль-Илецк шәһәрендәге тозлы күлгә ял итәргә барырга туры килде. Күлдән ерак түгел генә шәһәр урамнарының берсендә кара дельфин рәвешендә бик матур сын куелган. Дәваланырга килүчеләр мәш килеп шуның янына басып фотога төшә. Бу якларда мондый дельфиннар йөзәрлек диңгезләр дә юк бит инде, дим. Баксаң, монда гомерлеккә хөкем ителгәннәр өчен “Черный дельфин” колониясе урнашкан икән. Кара төстәге дельфин сынын да төрмә тоткыннары үз куллары белән ясаган. Тормышлары бал да май кебек булмасын өчен аларны шушы тоз чыгара торган якларда тоталар, күрәсең.

1 из 142