This is an example of a HTML caption with link themeforest.net.

Вагыйз углы Талип хәзрәт Яруллинга - 55 яшь!



Мөфтиебез берьюлы ике күренекле датаны билгеләп уза.

Үзенә - 55 яшь, ә мөфти булып эшләвенә - биш ел!

Димәк, гаҗәеп җаваплы кәнәфигә гомеренең сыртында, тормыш тәҗрибәсе сандыгы тулы вакытта утырган.

Кешеләрнең эчке сыйфатлары һәрвакыт йөзләрендә калка.

Зур күзләрегез белән туры карашыгыз сезнең каршыгызда басып торучыга:

"Сезләрне тыңлыйм", дигәнгә ишарәли.

Сез һәр сорауга ачык һәм төпле җавап бирәсез.

Сезгә төгәллек хас һәм аны башкалардан да таләп итәсез.

Холкыгызның сабырлыгы, фикерләрегезнең дәлилле булуы хезмәткәрләрегездә хөрмәт уята.

Халык арасыннан күтәрелгән шәхес буларак, сез тормышны "ак" һәм "кара"

төсләргә генә бүлмисез.

Гамәлләрне дә "яхшы" һәм "яман" бизмәне белән генә үлчәмисез.

Четерекле тормышта,

болгавыр икътисад хакимлек иткәндә,

агымдагы сәясәт дәрйасында кыйблагызны саклауда

Раббыбыз сезләрне Үз рәхмәтеннән ташламасын иде.

Сәламәтлек һәм зиһен байлыгы телибез.



Самар өлкә мөфтияте,

Самар Җәмигъ мәсҗиде мөтәвәллияте әһелләре.

Самар шәһәре.

Гыйнвар ае, 2018 ел.

Хәбәрләр

"Самар татарлары" журналына - 5 ел!

Самар өлкәсе мөфтие Талип хәзрәт Яруллин: "Самар тарарлары" журналы биш кенә ел чыкса да, безләрне гаҗәеп тирән мәгънәле мәгълүматлар белән куандырды. Моңа кадәр без белмәгән һәм ишетмәгән шәхесләрне халык хәтеренә кайтарды. Без моңа шатбыз. Бу инде чын мәгънәсендә милләтне туплау, Бердәм итү. Басмага нигез салучы Гомәр углы Илйас Шәкүровка рәхмәтләребезне белдерәбез. Журналның мөхәррире Данияр Сәйфиев мактауга лаек. Милләтебезне туплауда һәм динебез Исламны күтәрүдә армый-талмый эшләгез. Редакция хезмәткәрләренә сәламәтлек, эшләрендә уңышлар телим.

“Каратэны сайлап, мин ялгышмадым”

Спортчыларыбыз арасында горурланырлык кешеләребез күп. Шундыйларның берсе – Камышлы районының Байтуган авылында туып-үскән 31 яшьлек Тәлгат угылы Илдар Сафин. Ул – каратэ остасы, тренер. Үткән елның көзендә үзенең шәкертләре белән Япониядә узган бөтендөнья чемпионатында катнашты. Аның секциясендә шөгыльләнүче яшьләр призлы урыннар яуламасалар да, Илдар үзе олылар арасында үткәрелгән ярышларда бишенче урынга лаек булды.

Кайсы садаканың әҗере зуррак?

Сорауларыбызга Самардагы "Нур" мәдрәсәсенең мөгаллиме Наил Мостафин җавап бирә. Яшьләребез бер-берсе белән очрашканда: "Сәлам", дип кенә исәнләшәләр. Динебез Ислам күзлегеннән мондый сәламләшүдә нинди кимчелекләр бар? Һәр эштә, һәр гамәлдә Аллаһы Тәгалә тарафыннан савап каралган. Чын татар гаиләсендәмөселман тәрбиясе алган кеше исәнләшкәндә: "Әссәләәмүгәләйкүм вә рахмәтүллаааһи вә бәракәтүһ", - дип сәлам бирер һәм аңа утыз өч савап язылыр.

Мәхәллә рәисе исәп-хисап тотты

Самар Җәмигъ мәсҗидендә исәп-хисәп тоту һәм сайлау җыелышы узды. Утырышта мәсҗид, мәдрәсә биналарында һәм мәсҗид йортында алып барылган хуҗалык эшләре, дини укулар, массакүләм тәрбияви чаралар турында Самар Жәмигъ мәсҗиде рәисе Вәлиәхмәт угылы Җәүдәт Шарапов үзенең исәп-хисап докладында түбәндәгеләрне сөйләде. “Мәсҗид йортын тәртиптә тоту һәм төзекләндерү буенча күп эшләр башкарылды. Пар казаннары бинасы (котельная) эшкә җибәрелде, ике тәһарәтханә төзекләндерелде, ашханәгә ремонт ясалды, мәсҗид ишекләре алыштырылды, аның йортында балалар мәйданчыгы ясалды. Мәсҗиднең музеен оештыру эшләре тәмамланды.

2 из 134