This is an example of a HTML caption with link themeforest.net.

Татар милли хәрәкәтенең активисты Камил углы Азат Надировка 85 яшь тулды.

Шушы уңайдан аны “Прогресс-В” компанияләр группасы президенты Гата углы Вазыйх Мөхәммәтшин котлап, түбәндәге сүзләрне әйтте.

Без Азат абый белән 30 ел таныш. 40 ел буена Туполев исемендәге конструкторлар бюросында инженер-конструктор булып эшләдегез. Бу - бик җитди, җаваплы хезмәт. 

Сез – ватанпәрвәр, энтузиаст. Милли җанлы кеше. Үз гомерегезне татар мили хәрәкәтенә багышлап, зур-зур хезмәтләр башкардыгыз. Чын күңелдән, җаныгызны-тәнегезне биреп, янып-көеп, татар халкы өчен яшәдегез һәм яшисез, эшләдегез һәм эшлисез.

Туган тел” исемле Самар өлкә татар җәмгыятен оештыру, “Бердәмлек” гәҗитәсен булдыру, Самар Җәмигъ мәсҗиден, “Яктылык” мәктәбен ачу, татар милли гореф-гадәтләрен, динебез Исламны, ана телебезне, мәдәниятебезне саклау һәм үстерү – бу эшләрнең барысында да актив катнашып, олуг хезмәт башкардыгыз.

Яктылык” мәктәбенә янкорма төзегәндә, иң активлардан булдыгыз. Төзелеш буенча атна саен уздырылган җыелышларда гел үзегезнең эшлекле, акыллы киңәшләрегезне биреп тордыгыз.

Сез бит әле оста рәссам да. Махсус белемегез булмаса да, гомерегез буе искиткеч матур рәсемнәр ясыйсыз. Сез миңа бүләк иткән картиналарга һәрвакыт хозурланам. Рәссам булу сәләте сезгә балачактан бирелгән. Табигатьне яратучы, аны чын күңелегез белән сизүче кеше булганга, шундый сәләткә ия дә сез, Азат абый.

Ә менә командировкалар вакытында Мәскәүдә Третьяковка галереясына йөреп, андагы бөек рәссамнарның рәсемнәренә хозурланып, тагын да илһам алгансыз. Бу сезнең өчен сәнгать академиясе булган.

Хатыныгыз Чәчкә белән матур тормыш алып барасыз. Ул - табиб-терапевт. Тәрбияле балалар – Гөлия белән Гөлназны үстердегез. Өч оныкларыгызны тәрбияләүгә дә зур өлеш кертәсез.

Бүген дә татар җәмәгатьчелеге эшләрендә актив катнашасыз.

Күптән түгел сезгә, иң беренчеләрдән булып, өлкә Губернаторының “Халыклар дуслыгын ныгытуга өлеш керткәне өчен” күкрәк билгесе тапшырылды. Бу, әлбәттә, хезмәтегезгә лаеклы югары бәя. Бөтендөнья татар конгрессы тарафыннан татар халык гореф-гадәтләрен, телен, тарихын саклап калуга зур өлеш керткәнегез өчен бирелгән медаль дә – яхшы хезмәтегезнең ачык күрсәткече.

Бәхетле булыгыз. Гаиләгез белән исәнлектә, иминлектә, муллыкта, шатлыкларда яшәгез. Бәла-каза күрмәгез. Иҗади чишмәгез саекмасын. Активлыгыгыз кимемәсен. Гел шулай алда баручылардан булыгыз. Дәрт-дәрманыгыз сүнмәсен”.



Прогресс-В” компанияләр группасы президенты

Вазыйх Мөхәммәтшин.

Хәбәрләр

Наил һәм Фәйрүзә Мостафиннарның туйлары узды

Аллаһыга шөкер, тагын бер татар-мөселман гаиләсе пәйда булды. Наил Мостафин - «Сәлам» гәҗитәсе укучылары өчен яхшы таныш шәхес. Басманың һәр санында төрле-төрле сорауларга төпле җаваплар бирүче мөгаллимебез ул. Наил Мостафин «Нур» мәдрәсәсендә шәкертләребезне динебез Ислам дигән дәрйага алып керүче.

Александр Разуваев: "Татарский язык для россиян - это окно в тюркский мир"

Экономические связи с тюркским миром помогут России создать суверенную финансовую систему. Татарсткий язык является окном в тюркский мир для каждого россиянина. А экономическое сотрудничество с тюркоязычными странами — одна из немногих реальных возможностей для создания полноценной независимой финансовой системы страны. Такое мнение высказал директор аналитического департамента Альпари Александр Разуваев. Он отметил, что за последний год серьезно обострилась ситуация с языками в национальных республиках РФ. Прежде всего, уточнил спикер, это касается тюркских и наиболее промышленно-развитых Татарстана и Башкортостана.

Дога кылабыз ил белән

Зәңгәр күктән якты кояш Җиргә нурларын сибә. Көчле салют тавышлары Рәсәй буйлап сибелә. Без җиңдек, алар җиңелде, Хушларыннан яздылар. Кара хачлы байракларын, Суырып, җиргә аттылар.

Тәмәке төпчеге дә - үзенә бер күрсәткеч

Сигез дистә ел буена бөек юлбашчыбызның туган көненә багышлап, ил буенча өмәләр уздырылып килде. Яхшы гамәл. Тик менә апрель азагында безнең төбәктә җылы һәм коры көннәр - сирәк була торган хәл. Күпчелеге явым-төшеп, салкын котып җилләре исә. Быел Самар Җәмигъ мәсҗидендә гыйбадәтханә тирәсендә тәртип урнаштыру өмәсен Җиңү көне алдыннан уздырырга булдылар. Җылы һава. Коры җир. Күңелләрне иркәли торган саба җиле. Зәп-зәңгәр күкне тутырып, кояш балкыды.

3 из 139