This is an example of a HTML caption with link themeforest.net.

 

Эт елында этлек эшләмик
 
Һәр Яңа ел безләргә өмет өсти.  
 
Һәр Яңа ел һәр гаиләгә шатлык вә куаныч хисләре алып килә. 
 
Быел Эт елы.
 
Эт - хайван буларак адәм баласының
 
иң ышанычлы дусты.
 
Ул кешене аңлый.
 
Яхшы мөнәсәбәтне тоя.
 
Тик теле белән генә әйтеп бирә алмый.
 
Менә шунда аңлыйсың инде,
 
Раббыбыз адәм баласына нинди Зур байлык бүләк иткәнен.
 
Без сөйләшә беләбез!!!
 
Якыннарыгызны ихлас күңелдән котларга тырышыгыз.
 
Бер-беребезгә тугры булыйк.
 
Дус булып яшик.
 
Тик этлек кенә эшләмик.
 
www.tatarlarsamara.org сайты мөхәррире
Наилә Сабирҗанова.

Хәбәрләр

Самарада татар балалары фестивален саклап кала алганнар

Татар балалары фестивален үткәрер өчен баштан ук өлкә бюджетыннан ярдәм итүне булдыра алганнар. Иганәчеләр ярдәме белән Самарада "Татар балалары җырлый" фестивален саклап кала алганнар. бу турыда Самара татарлары сайты хәбәр итә. Самара өлкә “Туган тел“ татар җәмгыяте оешканнан бирле, барлык чараларда да балаларны катнаштырган. Алар "Татар балалары җырлый" дип аталган фестиваль уздырганнар. Фестивальдә балалар җырлаган, биегән, шигырьләр сөйләгән.

"Төшемә дә керәләр..."

91 яшьлек Гомәр бабай Кызыл Яр районының Лесная Кубань авылында туган. Әти-әнисе хәлле кешеләр булганнар. Авылдагы утыз йортның бишесе, берләшеп, артель оештырганнар һәм җир эшләре белән шөгыльләнгәннәр. Әтиләре оста аучы булган. Җәен хезмәттә булса, кышларын кыр-урманда җәнлек аткан. Районнан килгән түрәләргә аучылыкта яхшы киңәшче булган ул. Колхозлашу чоры башлангач, аларны “кулаклар” исемлегенә кертеп, байлыкларын, өйләрен тартып алалар. Алар дәү әтиләрендә яшәргә мәҗбүр булганнар.

"Самар татарлары" журналына - 5 ел!

Самар өлкәсе мөфтие Талип хәзрәт Яруллин: "Самар тарарлары" журналы биш кенә ел чыкса да, безләрне гаҗәеп тирән мәгънәле мәгълүматлар белән куандырды. Моңа кадәр без белмәгән һәм ишетмәгән шәхесләрне халык хәтеренә кайтарды. Без моңа шатбыз. Бу инде чын мәгънәсендә милләтне туплау, Бердәм итү. Басмага нигез салучы Гомәр углы Илйас Шәкүровка рәхмәтләребезне белдерәбез. Журналның мөхәррире Данияр Сәйфиев мактауга лаек. Милләтебезне туплауда һәм динебез Исламны күтәрүдә армый-талмый эшләгез. Редакция хезмәткәрләренә сәламәтлек, эшләрендә уңышлар телим.

“Каратэны сайлап, мин ялгышмадым”

Спортчыларыбыз арасында горурланырлык кешеләребез күп. Шундыйларның берсе – Камышлы районының Байтуган авылында туып-үскән 31 яшьлек Тәлгат угылы Илдар Сафин. Ул – каратэ остасы, тренер. Үткән елның көзендә үзенең шәкертләре белән Япониядә узган бөтендөнья чемпионатында катнашты. Аның секциясендә шөгыльләнүче яшьләр призлы урыннар яуламасалар да, Илдар үзе олылар арасында үткәрелгән ярышларда бишенче урынга лаек булды.

4 из 136