This is an example of a HTML caption with link themeforest.net.

Шамил бабай урысча белми

Шамил һәм Римма Баһаутдиннарның бергә торуларына - 50 ел. 

Алар ул һәм кыз үстерделәр. Бүгенге көндә биш оныклары бар.

Нур улының беренче малае Дамир аларга турун (правнук) бүләк итте. Әмир дә икенче яшь белән бара.

Туруннар бүләк итү буенча Диләра, Зилә, Камил чиратта торалар.

Кызлары – Наилә апаның улы Гаязга әле дүрт яшь кенә тулды.

Шамил абый Гаяз белән тик татарча гына сөйләшә. “Урысча белмим”, - дип әйтә.

Оныгына туган көненә гитара алып биргәч, Гаяз, исе китеп: “Бабай, син бит урысча бер сүз дә белмисең! Кибетче белән ничек сөйләштең?!” – дигән. “Ымлап күрсәттем”, - дигән бабасы.

Шамил бабайның нияте – Гаязның балаларын да татарча сөйләшергә өйрәтү.

 

Миләүшә ГАЗЫЙМ.

Хәбәрләр

Сызран татар милли хәрәкәтенең Шәймиевы!!

Самар өлкәсендә мартның 25 ндә ап-ак кар түшәктәй җирне бизәде. Сызранлылар мондый матур күренешне кулдан ычкындырмадылар. Олысы-кечесе чаңгы ярышына чыктылар. Туксанынчы яше белән баручы Галиулла абзый Габдрәшитов быел да иң олылар арасында беренчелекне үзендә калдырды.

“15 минут сөйләшкәннән соң никах укыттык”

Бүгенге көндә 92 яшьлек Лотфулла бабай – Тупли авылында бердәнбер сугыш ветераны. Лотфулла дүрт сыйныфны Алмалы авылында тәмамлый, ә бишенче класстан балалар җәяү Тупли авылына йөреп, анда белем алалар. Салкын кышларда исә укучылар монда тулай торакта күрше-тирә Идәй, Мулла, Кызылсу балалары белән бергә яшиләр. Җиденче сыйныфта укыганда, Лотфулла тиф белән чирли. Алты ай мәктәпкә йөри алмый. Ә инде уку елы ахырына җиткәндә, директорга барып, имтиханнар тапшырырга теләвен белдерә.

Самарада татар балалары фестивален саклап кала алганнар

Татар балалары фестивален үткәрер өчен баштан ук өлкә бюджетыннан ярдәм итүне булдыра алганнар. Иганәчеләр ярдәме белән Самарада "Татар балалары җырлый" фестивален саклап кала алганнар. бу турыда Самара татарлары сайты хәбәр итә. Самара өлкә “Туган тел“ татар җәмгыяте оешканнан бирле, барлык чараларда да балаларны катнаштырган. Алар "Татар балалары җырлый" дип аталган фестиваль уздырганнар. Фестивальдә балалар җырлаган, биегән, шигырьләр сөйләгән.

"Төшемә дә керәләр..."

91 яшьлек Гомәр бабай Кызыл Яр районының Лесная Кубань авылында туган. Әти-әнисе хәлле кешеләр булганнар. Авылдагы утыз йортның бишесе, берләшеп, артель оештырганнар һәм җир эшләре белән шөгыльләнгәннәр. Әтиләре оста аучы булган. Җәен хезмәттә булса, кышларын кыр-урманда җәнлек аткан. Районнан килгән түрәләргә аучылыкта яхшы киңәшче булган ул. Колхозлашу чоры башлангач, аларны “кулаклар” исемлегенә кертеп, байлыкларын, өйләрен тартып алалар. Алар дәү әтиләрендә яшәргә мәҗбүр булганнар.

1 из 134