This is an example of a HTML caption with link themeforest.net.
 
Ни өчен татар телебезне белмәү олуг фаҗига итеп санала?
 
Татар телен белү һәм белмәү кешене төрле юлларга чыгара. Әгәр кеше татар телен белсә, ул татар әдәбиятен укый.
Ә безнең әдәбиятебездә татарның гореф-гадәтләре тупланган.
Татар әдәбиятен укымаган татар гореф-гадәтләребездән читләшә.
Гореф-гадәтләребездән читләшү кыйбласызлыкка һәм ахыр чиктә
динебез Исламнан тайпылуга китерә. Динебез Исламның нигезләрен белмәү
сыра, хәмер, шәраб эчү, наркотиклар юлларына чыгара.
Икенче милләт кешесе белән гаилә кора.
Катнаш гаиләләр әле беркайчан да татар баласын үстергәннәре юк.
Аракы һәм наркотик - бозыклыкның ике туганы. Җинаятьчеләр юлына алып чыгучылар.
 
Исламча яшәргә җыенган кеше эшне нидән башларга тиеш?
 
Хәләл ризыктан. Эче хәрам ризык белән тулы адәм баласы иманга килә алмый.
Аның Иманы су өстендәге күбектәй. Зәгыйф иманлы була.
 
Дәүләт эчегез дип әйтми бит.
 
Дәүләт кулындагы телевизор туктаусыз культурно эчүчеләрне күрсәтә.
Яшьләрдә ресторан тормышына кызыгу тәрбиялиләр.
 
Бу рекламга егетләрме, әллә кызлармы тизрәк бирелә?

Әлбәттә, кызлар. Менә шуңа бит аракы эчмәгән ирләрен бимазалап яшиләр асылбикәләр.
Ачыктан-ачык: "Синең намазың аркасында аракылы мәҗлесләргә бара алмыйм" дип ирләренең теңкәләренә тияләр.
 
Татарда:
"Исереккә диңгез тубыктан", дигән әйтем бар. Монда барчасы да әйтелгән.
Бу турыда бик күп хәдисләрдә әйтелгән.
Аларны саный башласаң үзенә бер мәкалә кирәк.

Аракыга кагылган бер генә хәдисне китерегез әле.

Алайса, дистәләгән хәдис арасыннан берсен генә сайлап алам.
 "Хәмер эчүчене, алучыны, ясаучыны, сатучыны, эчүчене,
аның белән сәүдә итүчене, эчү мәҗлесе оештыручыны,
шул табында утыручыларны Аллаһы Сөбханәкә вә Тәгалә
ләгънәт кыла".
 
Табиблар (врачлар) тәмәке, аракы зарарлы дип сөйлиләр, язалар.
Димәк көрәш бара.
 
Ялган көрәш. Табиблар да тәмәке тарталар, аракы эчәләр. Алар ике йөзле.
Монафиклар. Аракыдан тик динебез Ислам гына арындыра ала.
 
Иршад хәзрәт Хәбибрахманов белән әңгәмәне
Шамил Баһаутдин алып барды.
 

Хәбәрләр

Иске Мастяк җире рухымны канатландыра

Туган җиреңә кайту – зур бәхет ул. Ә инде анда сине әти-әниең, туганнарың, якын дусларың, күршеләрең көтеп торса, ул – аерым бер куаныч. Ул чакта минем дә күңелем иң ләззәтле ноктасында була. Аллаһыма шөкер, биредә җаныма тынычлык, сабырлык, алдагы көннәргә җитәрлек көч-куәт алырлык кешеләрем дә бар, туган җир җылысын да тоеп яшим. Мине сагынып яшәүләрен күргәч, аларга кирәклегемне аңлыйм. Вакытым ничек кенә тар булмасын, өч йортта яшәүче иң якын туганнарымны күрмичә китмим.

Октябрьнең 1-дә - олылар көне

Көзләр җитү кешеләр хәтеренә муллык белән кереп калган. Кырларда игеннәр урып, сугылган. Яшелчәләр җыелган. Җиләк-җимешләр кышкыга әзерләнгән. Нәкъ менә октябрьнең берендә олылар көне итеп бәйрәм уздыру үзенә бер тирән мәгънәгә ия. Муллык һәм акыллылык бәйрәме.

Самар мөселманнарының акыллы энциклопедиясе

Бу китапны без күптәннән көткән идек. Самарның китап нәшрияты 200 битле “Самар төбәгенең мәсҗидләре” исемле төсле, ялтыравыклы кәгазьдә басылган бик күркәм җыентык бастырды. Өлкәбезнең төрле шәһәрләрендә һәм авылларында калкып чыккан Аллаһы Тәгаләнең йортлары Иделнең уртасында галәм киңлегенә мөселман нуры сирпеп, азан моңнарын яңгыратып, Пәйгамбәребез Мүхәммәд салләллаһу галәйһи вә сәлләм васыятен үтәп, Раббыбызга тугрылыгын исбатлап, адәм балаларына туры юл күрсәтүдә гаҗәеп олуг хезмәт башкаралар.

“Шушындый директор белән горурланырга була”

Самарның “Яктылык” мәктәбендә Белем көненә багышланган тантана узды. Бу көнне әйтерсең лә кояш та, шатланып, нурларын кызганмыйча сипте. Җылы, аяз иртәдә мәктәп йортына укучылар, укытучылар, ата-аналар җыелды. Менә үсеп җиткән, карашларында бераз җитдилек барлыкка килгән унберенче сыйныф укучылары тезелеп басты. Озын буйлы, төз гәүдәле егетләргә, зифа, нәзакәтле, чибәр кызларга сокланмыйча мөмкин түгел иде.

1 из 142