This is an example of a HTML caption with link themeforest.net.
Аклыкка илтсен тырышлык
 
Пәйгамбәребез (с.г.в.) үләр алдыннан үзенең сәхабаларына әйткән:
"Җәннәттә минем белән очрашуны теләгән кешеләр,
кулларын вә телләрен гөнаһ эшләүдән тыйсыннар.
Күбрәк салаватлар әйтсеннәр", дигән.
 
Мәүлид ае башында Галигә Казаннан Илйас Халиков
җитәкчелегендә "Мөнбәр" ансамбле килде.
"Аклыкка илтсен" исемле театральләшкән тамашада
моңлы мөнәҗәтләр яңгырады.
Тантананы төбәгебезнең мөхтәсибе Илнур Гайнетдинов
дога укып башлап җибәрде.
Коръән хафиз Абдулваһид "Мәүлид" догасын укыды.
Малае белән кызы матур итеп догалар укыдылар.
Артистлар Марат Баязитов, Зөлфирә Дәүләтшина, Илназ Сибгатуллин
халыкның бәгыренә төшәрлек иттереп уйнадылар. Алар шул әсәрдә яшәделәр.
Халыкны тетрәндерделәр.
Илйас Халиков Мәүлид, Ураза, Корбан бәйрәмнәренә багышлап
мөнәҗәтләр әйтте.
Рәсүлебезне олылап шигъри вәгазь сөйләде.
Тамашаны карарга чит авыллардан да килгәннәр иде.
"Мөнбәр" төркеменә мөкиббән булдым.
Китабымны, чиккән кулъяулыгымны һәм бавырсак бүләк иттем.
Җомга намазыннан соң Мөдәррис кунакларны
Похвистневоның яңа мәсҗиденә алып китте.Равил Мостафин чалган корбан
ашына алып барды.
Халыкның күңелен күргән өчен Мөдәрискә чиксез рәхмәтләребез.
Шундый олпат ирләребез булганда, Галинең даны югалмас, Аллаһы теләсә.
Мөдәрис белән Равил Мостафин әле Отрадный шәһәрендә мәсҗид салып яталар.
Отрадный мөселманнары елап-елап рәхмәтләр әйтәләр.
"Мөнбәр" ансамблен Галигә Мөҗәһит углы Мөдәрис Латыйпов чакырды.
 
Саимә Морзаханова.
 
Гали авылы.

Хәбәрләр

Иске Мастяк җире рухымны канатландыра

Туган җиреңә кайту – зур бәхет ул. Ә инде анда сине әти-әниең, туганнарың, якын дусларың, күршеләрең көтеп торса, ул – аерым бер куаныч. Ул чакта минем дә күңелем иң ләззәтле ноктасында була. Аллаһыма шөкер, биредә җаныма тынычлык, сабырлык, алдагы көннәргә җитәрлек көч-куәт алырлык кешеләрем дә бар, туган җир җылысын да тоеп яшим. Мине сагынып яшәүләрен күргәч, аларга кирәклегемне аңлыйм. Вакытым ничек кенә тар булмасын, өч йортта яшәүче иң якын туганнарымны күрмичә китмим.

Октябрьнең 1-дә - олылар көне

Көзләр җитү кешеләр хәтеренә муллык белән кереп калган. Кырларда игеннәр урып, сугылган. Яшелчәләр җыелган. Җиләк-җимешләр кышкыга әзерләнгән. Нәкъ менә октябрьнең берендә олылар көне итеп бәйрәм уздыру үзенә бер тирән мәгънәгә ия. Муллык һәм акыллылык бәйрәме.

Самар мөселманнарының акыллы энциклопедиясе

Бу китапны без күптәннән көткән идек. Самарның китап нәшрияты 200 битле “Самар төбәгенең мәсҗидләре” исемле төсле, ялтыравыклы кәгазьдә басылган бик күркәм җыентык бастырды. Өлкәбезнең төрле шәһәрләрендә һәм авылларында калкып чыккан Аллаһы Тәгаләнең йортлары Иделнең уртасында галәм киңлегенә мөселман нуры сирпеп, азан моңнарын яңгыратып, Пәйгамбәребез Мүхәммәд салләллаһу галәйһи вә сәлләм васыятен үтәп, Раббыбызга тугрылыгын исбатлап, адәм балаларына туры юл күрсәтүдә гаҗәеп олуг хезмәт башкаралар.

“Шушындый директор белән горурланырга була”

Самарның “Яктылык” мәктәбендә Белем көненә багышланган тантана узды. Бу көнне әйтерсең лә кояш та, шатланып, нурларын кызганмыйча сипте. Җылы, аяз иртәдә мәктәп йортына укучылар, укытучылар, ата-аналар җыелды. Менә үсеп җиткән, карашларында бераз җитдилек барлыкка килгән унберенче сыйныф укучылары тезелеп басты. Озын буйлы, төз гәүдәле егетләргә, зифа, нәзакәтле, чибәр кызларга сокланмыйча мөмкин түгел иде.

1 из 142