This is an example of a HTML caption with link themeforest.net.
Аллаһы Тәгалә безләрне Коръәни-Кәримдә әти-әнидәй тәрбияли
 
Йөкләмәс
 
"Аллаһы Субханәкә вә Тәгалә беркемгә дә көче җитмәслекне йөкләмәс".
"Бәкарә" сүрәсенең 286 нчы аяте.
 
Алыштырып була
 
"Берәү гөнаһыларыннан тәүбә кылып, изге гамәлләр кыла башласа,
Мин аның элекке гөнаһыларын савапка алыштырам".
"Фуркан" сүрәсенең 70 нче аяте.
 
Арттырыр
 
"Сәдака биргән кешеләрнең малларын арттырыр".
"Бәкарә" сүрәсенең 276 нчы аяте.
 
Рәнҗетеп бирмәгез
 
"Әй, мөэминнәр, кешеләргә күрсәтер өчен генә сәдака-мал бирмәгез.
Игелек ихлас күңелдән, сиздермичә генә эшләнсә яхшы.
Киресен кылганнар савап урынына гөнаһ җыяр".
"Бәкарә" сүрәсенең 264 нче аяте.
 
Сорасалар әйт
 
"Алар сәдакага нәрсә бирергә кирәклеге турында сорарлар.
Син әйт: "Яхшы малдан биреләсе өлеш -
ата-анага,
кардәшләргә,
ятимнәргә,
ярлыларга,
сәфәрдәгеләргә бирелгән кебек".
"Бәкарә" сүрәсенең 215 нче аяте.
 
Галимнәргә бирергә
 
"Сәдака үзләрен Аллаһы Тәгалә юлына багышлаганнарга бирелергә тиеш.
Чөнки алар Җир йөзе буйлап йөри алмый. Галимнәрнең мал артыннан чабарга вакыты тар.
Ләкин алар ярдәмне үзләре сорап алмый. Акыллы бай моны үзе сизеп, аңлап, галимнәргә ярдәм итәргә тиеш.
Бу саваплы эш".
"Бәкарә" сүрәсенең 273 нче аяте.
 
Мәгълүматны төрле дини чыганаклардан
Шамил Баһаутдин туплады.

Хәбәрләр

Иске Мастяк җире рухымны канатландыра

Туган җиреңә кайту – зур бәхет ул. Ә инде анда сине әти-әниең, туганнарың, якын дусларың, күршеләрең көтеп торса, ул – аерым бер куаныч. Ул чакта минем дә күңелем иң ләззәтле ноктасында була. Аллаһыма шөкер, биредә җаныма тынычлык, сабырлык, алдагы көннәргә җитәрлек көч-куәт алырлык кешеләрем дә бар, туган җир җылысын да тоеп яшим. Мине сагынып яшәүләрен күргәч, аларга кирәклегемне аңлыйм. Вакытым ничек кенә тар булмасын, өч йортта яшәүче иң якын туганнарымны күрмичә китмим.

Октябрьнең 1-дә - олылар көне

Көзләр җитү кешеләр хәтеренә муллык белән кереп калган. Кырларда игеннәр урып, сугылган. Яшелчәләр җыелган. Җиләк-җимешләр кышкыга әзерләнгән. Нәкъ менә октябрьнең берендә олылар көне итеп бәйрәм уздыру үзенә бер тирән мәгънәгә ия. Муллык һәм акыллылык бәйрәме.

Самар мөселманнарының акыллы энциклопедиясе

Бу китапны без күптәннән көткән идек. Самарның китап нәшрияты 200 битле “Самар төбәгенең мәсҗидләре” исемле төсле, ялтыравыклы кәгазьдә басылган бик күркәм җыентык бастырды. Өлкәбезнең төрле шәһәрләрендә һәм авылларында калкып чыккан Аллаһы Тәгаләнең йортлары Иделнең уртасында галәм киңлегенә мөселман нуры сирпеп, азан моңнарын яңгыратып, Пәйгамбәребез Мүхәммәд салләллаһу галәйһи вә сәлләм васыятен үтәп, Раббыбызга тугрылыгын исбатлап, адәм балаларына туры юл күрсәтүдә гаҗәеп олуг хезмәт башкаралар.

“Шушындый директор белән горурланырга була”

Самарның “Яктылык” мәктәбендә Белем көненә багышланган тантана узды. Бу көнне әйтерсең лә кояш та, шатланып, нурларын кызганмыйча сипте. Җылы, аяз иртәдә мәктәп йортына укучылар, укытучылар, ата-аналар җыелды. Менә үсеп җиткән, карашларында бераз җитдилек барлыкка килгән унберенче сыйныф укучылары тезелеп басты. Озын буйлы, төз гәүдәле егетләргә, зифа, нәзакәтле, чибәр кызларга сокланмыйча мөмкин түгел иде.

1 из 142