This is an example of a HTML caption with link themeforest.net.

                                                                 Самар шәһәр мохтарияте такымы Губернатор командасын җиңде!

Әле яңа гына Самар шәһәренең татар милли-мәдәни мохтарияте  асраган футбол такымы милли үзәкләр арасында иң көчле дип танылган иде.
Озак та үтмәде, Самар дуслык йорты тагын бер бәйге оештырды.  Бу юлы милли үзәкләр үзләренең волейбол такымнарын ярышка чыгардылар. Бу юлы яңа команда күренде. Ул - Губернатор командасы.
Егетләр озыннар. Тазалар. Көчлеләр.
Ярышны ике төркемгә бүлделәр.Соңыннан төркемнең җиңүчеләре көч сынашты.
Беренче төркемдә түбәндәге командалар уйнадылар:
Губернатор командасы;
"Крылья Советов";
Татар мохтарияте такымы.
 
Икенче төркемдә уйнадылар:
Манас -Ата(кыргызлар такымы);
Чудо-Тим;
Атлы казаклар такымы.


 
Икенче төркемдә атлы казаклар такымы көндәшләрен зур өстенлек белән җиңделәр.
Беренче төркемдә татар мохтарият командасы Губернатор командасын 15:11 исәбе белән отты,
ә "Крылья Советов"ны15:10 исәбе белән җиңде.
Саннарның ерак булмавы такымнарның көч вә куәт ягыннан бер-берсеннән калышмавы турында
сөйли.

 
Иң җаваплы уен ,әлбәттә, ул татар мохтаряте такымының атлы казаклар белән уйнавы булды..
Ике яктагы җанатарлар да гөжләп торды.Уен дәвамында саннар бер-берсенә терәлеп бардылар.
2:2, 4:4, 5:5, 8:5, 10:9, 11:11, 13:13, 14:14. Болар барчасы да татар мохтариятенең такымы нинди авыр көрәш алып барганын күрсәтә.
Соңгы тупны казаклар кертте. Һәм алар җиңүче итеп танылдылар .

Самар татар мохтарияте такымы икенче урынны алды.


  

Такымда Марат Гәлиев үзенең хәрәкәтчәнлеге, тизлеге, төгәллеге белән аерылып торды.
"Уенның икенче яртысында Маратны икенче уенчы белән алмаштыруы да тренерның ялгышлыгы булды",
диде мохтарият рәисе Рифкат Хуҗин.
"Икенче урын да бик яхшы.Губернатор командасын җиңүе генә дә ни тора", дип өстәп куйды Рифкат Хуҗин.


Шамил Баһаутдин.

Хәбәрләр

Йөрәкләрдә утлы кисәү пыскып яна

Халисә апам ике улын югалтты. Рамиле 47 яшендә күзләрен мәңгелеккә йомды. Икенче улы - Нәфисе, 40 яшендә абыйсының елы үткән генә иде, шикәр чиреннән вафат булды. Ана йөрәгенә ничек түзәргә? "Чи тирегә ут капмый", диләр. Каба икән шул. Һәм сүнми ул. Ана белән бергә яшәп, ана күзләрен йомгач кына сүнә ул ут. Сиксәнне тутырып килүче олы апам Халидәгә ничек түзәргә? Алты баласының өчесен җирләде. Төпчек малае Рәис 29 яшендә биш яшьлек кызын калдырып бер мизгелдә якты дөнйаны калдырып китте. Олы кызы Саҗидә яман шештән өч ай өчендә вафат булды. Бердән-бер малае Рәсүл ятим калды.

Ялкаулык белән сабырлыкны бутамагыз!

Сабырлык - мөселманның коралы, ләкин шулай да сабырлык­ны дөнья тормышыбызда белеп кулланырга кирәк. Хәлебездән килеп тә, берәр эш белән мәшгульбулмасак, ялкаулык басар. Ярлы­лыкка риза булсак, Аллаһы Тәгалә болай язган дип, ярлылыкка баш июнең сабырлыкка катнашы юк. Сабырлык өч төрле була. Бәла-каза һәм һәлакәтләргә карата булган сабырлык. Бәла-каза һәм һәлакәтлек кешенең ма­лына, җанына һәм баласына төшсә, кешенең аларны тук­татырга көче һәм белеме җитмәсә, ул моңа риза булып сабыр итәр.

Һөнәрле булыгыз һәм әти-әниләрегез белән киңәшеп эшләгез

Балачагында акча тотарга өйрәнмәгән кеше, олыгайгач та акча тота белмәс, дөньяда гүзәл көн кичерә алмас, бәлки, бар байлыгын исраф итеп, бәхетсез булып калыр. Шуның өчен атагыз тарафыннан бирел­гән акчаларны тота белергә өйрәнегез. Сак булыгыз, "бу - аз акча гына" дия күрмәгез, чөнки бүген сезнең кирәкләрегез дә бирелгән акча кебек аздыр. Кайбер балалар булыр ки: аталарының малларына ыша­нып, һичбер кәсеп вә эш юлына кермәсләр, бәлки ялкаулыкка гадәтләнерләр. Ахырда бер көн килер, акчалары да бетәр. Те­реклек итәр өчен кулда һөнәр дә булмас. Шуның өчен ата ма­лына ышанып тормыйча, бәлки никадәр бай баласы булсагыз да булыгыз, үзегезне кеше баласы санап, һөнәр өйрәнергә тыры­шыгыз!

Гали Сабан туе - 2015

Бүген бездә Сабан туе, беркем читтә калалмый. Уеннарда көч сынашып, Һәркем сәләтен барлый. Чәчүләр тәмам, Аллага шөкер, Тамак тук, өс-баш бөтен. Динебез көчле, авылыбыз төзек, Бүген бездә Сабан туе!

126 из 139