This is an example of a HTML caption with link themeforest.net.

Апрель ае һәр елны кешеләр күңелендә күтәреренкелек рухын өсти. Бу ел фасылы алмашу белән дә бәйләнгән. Карлы-буранлы, җилле-давыллы чорлардан соң, апрель керүгә көн бермә-бер озая. Кояш яктыртып кына алмый, җылыта да башлый.
Быелгы апрель - ул әле Бөек Җиңүнең 70 еллыгына әзерләнү белән дә халык күңелендә күтәренке рух тудыра.


Самар өлкә мөфтияте,Самар Җәмигъ мәсҗиденең мөтәвәлияте, ветераннар Шурасы рәисе Таһир ага Мамышев мәхәлләгә кергән ветераннарны җыеп мәдрәсә ашханәсендә чәй табыны оештырдылар.
"Татар халкы гомер-гомергә кунак җыя, кунак сыйлый. Безнең табын - ул динебез Ислам таләпләре буенча оештырыла, шуңа да үзенә бер тәрбия учагына әйләнә", диде ветераннар Шурасы рәисе Гөбәйдулла углы Таһир ага Мамышев.
Таһир ага Мамышев туксанга якынлашып килә. Ул башкаларның күңелен күрергә яратылган.Нияте изгелектә. Милләтебезне саклап калу. Динебез Исламны һәр гаиләдә яшәү рәвешендә кулланырга. Менә шундый олуг максатлар белән яши ул. Милләтебезнең Ак бабайларын йөрәк түреннән кайнап чыккан ихлас сүзләре белән Самар Җәмигъ мәсҗиденең мәзине Мидхәт углы Илнур Сабиров котлады, рәхмәтләрен әйтте. "Сәлам" гәҗитәсенең җаваплы сәркатибе Шамил Баһаутдин хөрмәтле кунакларыбызга гәҗитә турында мәгълүмат бирде.
Басманы балалар һәм оныкларны тәрбияләүдә куллану ысулларын мисалга китерде.
Табынга түбәндәге бабайларыбыз чакырылган иде:

Гөбәйдулла углы Таһир Мамышев.
Хафиз углы Харис Гиниятуллин.
Гаффар углы Әмир Яппаров.
Сафа углы Салих Яруллин.
Зәкәрия углы Гомәр Шәкүров.
Зәйнулла углы Хәйдәрҗан Галимов.
Шәйнур углы Шамил Габдуллин.
Габбас углы Әхмәтсәгыйр Газизов.
Фатых углы Мингариф Замалетдинов.
Хөснулла углы Хөббулла Хаматов.
Гыйлман углы Минәхмәт Шәмшетдинов.
Хатыйп углы Мулланур Шәяхмәтов.
Әбүгали углы Минзаки Әбүгалиев.
Нурислам Дәүләтов
Гыйлман углы Рәфыйк Ризванов.
Таһир углы Котдус Рәфыйков.
Зәки углы Әгтәс Закиров.
Сабир углы Шакир Хәбибуллин.
Әбдрәшит углы Муса Акмаев.

Чәй табыны Коръән укып, изге теләкләр теләп түгәрәкләнде. "Киләчәктә намаз сафларын ишәйтергә яңадан-яңа картларыбыз
мәсҗидләребезгә килә торган булсалар иде", диде Таһир ага Мамышев.

Шамил Баһаутдин.

Хәбәрләр

10 апреля состоится годовое общее отчетно-выборное собрание СОТО «Туган тел»

10 апреля в 11.00 в актовом зале ГКУСО «Дом дружбы народов» (г.Самара, ул.Воронежская, 9) состоится годовое общее отчетно-выборное собрание Самарского областного татарского общества «Туган тел».

“Халыкка дәрсе гыйбрәттер - театр, Күңелдә йоклаган дәртне уятыр...”

Театр – милләтебезнең иң яраткан сәнгать төре. Күренекле драматург Туфан Миңнуллин да: “Театрны, татар кебек, яраткан халык юк”, - дип дөрес бәя биргән. Хәтта бөек урыс язучысы В.Г. Белинский да: “Татарлар бик теләп театрга йөриләр һәм аны бик яраталар икән”, - дип язып калдырган. Татар халкын театрдан башка күз алдына китерү мөмкин түгелдер. Ә театрның дәвамчылары, аны яшәтүчеләр – ул, әлбәттә, тамашачылар.

Юрий Седов: “Замана зәхмәтеннән прививка ясатучылар саны бик аз”

Иске Мәчәләй авылына атнасына ике тапкыр безнең табибыбыз Юрий Валентинович Седов килеп йөри. Аның белән аралашканда, ул: ”Замана зәхмәтеннән прививка ясатучылар саны бик аз“, - ди. Халыкта сүлпәнлек һәм битарафлык күзәтелә.

Татарстанның фән һәм мәгариф министры Илсур Һадиуллин: “Татар кешесе үзенең кыйбласын сакларга тиеш”

“Татар телен саклап калу өчен аны яратырга һәм телгә карата яхшы мөнәсәбәт булдырырга кирәк. Беренчедән, татарча сөйләшүдән куркырга кирәк түгел. Русча ялгыш сөйлибез икән, кушымчаларны дөрес әйтмибез икән, суфикслар төшеп каламы, башкасымы — моннан куркырга да, оялырга да кирәк түгел.

1 из 212