This is an example of a HTML caption with link themeforest.net.

Нигмәтулла углы Дамир бабайга сиксән яшь. Ул авылыбызның күрке. Аның белән горурланып яшибез.Ничек горурланмыйсың. Һәр көнне биш вакыт намазга чакырып азан әйтә.
Азан авазлары һәммәбезне рухландыра. Җаннарыбызга тынычлык, күңелләребезгә сафлык, яшәү дәрте өсти.
Сиксән яшьлек мәзин Дамир абыйга каян килә соң шундый дәрт-дәрман?
Авылдашларыбыз бу хәлне үзләренчә аңлаталар.
Дамир бабайны диңгез һавасы шулай йөртә диләр. Әйе, ул биш ел буена Кара диңгез флотында намуслы хезмәт итә. Ә диңгез ул - көчле салкын җилләр, давыл, котырган дулкыннар, штормнар дигән сүз. Флотта хезмәт итеп исән калганнарны салават күперен кичкән кешеләр белән чагыштырып була.Корабта хезмәт иткәннәр тыныч җирнең кадерен беләләр. Корабта бертуктаусыз чайкый. Шуңа да егылмас өчен егеләр ботларын ерып йөриләр. Шул гадәт җиргә төшкәч тә саклана әле. Бу чын ирләр йөреше!
Гаскәр хезмәтен исән - имин тәмамлап туган авылына кайткач матрос Дамир белемен дә камилләштерә, авыл советы рәисе булып та эшли, күмәк хуҗалыкның бригадир вазыйфаларын да намуслы башкара.
Дамир аганың егет чагындагы активлыгы картайгач та саклана. Ул барчабызга да яхшы күчергез. Аның тормыш шигаре(девизы):"Хәрәкәттә - бәрәкат".
Дамир бабайның әтисе ватаныбыз өчен башын куйган ир.Смоленск өчен барган сугышларда һәлак була.Әнисе Шәмсихәят дүрт баланы кеше итә.Тәква балалар тәрбияли алган, чөнки Шәмсихәят әбинең кулында иң көчле корал - ул динебез Ислам булган.
Бүген аның углы сиксән яшьлек Дамир бер генә уй белән яши:"Милләтебезгә бердәмлек кирәк. Бергә - бергә мәчетләребезгә йөреп, гомеребезне хезмәткә һәм динебез Исламга багышлап лаеклы алмаш үстерсәк иде", ди бабабыз. Дамир бабай хәләл җефете Наилә апа белән Равил, Ринат, Фатыйманы үстерделәр.Инде оныклары үсеп киләләр. Аллага шөкер, динле һәм денле нәсел авылыбызны бизи, милләтебез татарны дәвамлы итә, динебез Исламны көчәйтә.
Шамил Мамышев.
Мәчәләй авылы.

Хәбәрләр

Бу китап һәр өйдә булырга тиеш!

Мин Иске Ярмәк авылының матур табигате, аның тирән тарихы һәм анда туып үскән сәләтле авылдашларыбыз белән үз гомеремә горурланып яшәдем һәм яшим. Биредә төрле җирләрдән килгән халык тупланып, күмәкләшеп яшәгәннәр. Алар төрле заманнардагы авырлыкларны җиңеп, җирдә көне-төне хезмәт итеп көн күргәннәр. Һәр гаиләдә кимендә 4-5 әр бала үстергәннәр. Безнең гаиләбездә туып үскән җиде баланың барысы да әти-әнидән һәм әби-бабаларыбыздан төпле тәрбия алып, тормыш юлына бастык. Һәрберебез югары белем алдык һәм төрле һөнәр ияләре булып, үз тормышыбызны алып барабыз.

Капитализм революционеры

“Прогресс-В” компанияләре группасының оешуына августта 30 ел тула. Шул уңайдан гәҗитәбезнең җаваплы сәркатибе Шамил Баһаутдин оешманың президенты Вазыйх Мөхәммәтшин белән әңгәмә корды. Минем сезнең белән эшләү дәвере 30 елга якын. Без милли хәрәкәткә килеп кергәндә, сез инде аның фундаментын салган идегез. Һәм безгә, килеп кереп, таянырга, тотынырга нигез бар иде. Менә сез җитәкләгән “Прогресс-В” компанияләре группасының нигез ташы җәмгыятьтә яңа формация оешу чорына туры килде. Чәчәк аткан социализм, менә-менә коммунизм баскычына басарга торган Ватан, кинәт кенә, 180 градуска борылып, капитализм юлына чыгып басты. Һәм ул 180 градуска борылганда, сез дә, шикләнмичә, борылдыгыз. Нинди көчләргә ышандыгыз? Ялгышмаганыгызга ышаныч кайдан килеп чыкты?

“Динебез Ислам адәм баласына рухи сихәтлек кенә түгел, физик сәламәтлек тә өсти”

Самар шәһәрендә генә түгел, ә өлкә күләмендә дә “Яктылык” мәктәбе – танылганнар исемлегендә. Урта мәктәпләрдә имтиханнар артта калды. Алар мәктәпләр өчен зур сынау булып тора. Быелгы имтиханнарда “Яктылык”ның укучысы Рәфис кызы Гүзәл Хәйбуллова алтын медальгә лаек булды.

Балалар елдан-ел динебез Исламга күбрәк тартылалар

Самарның Җәмигъ мәсҗиде йортында урнашкан “Нур” мәдрәсәсендә өлкә Диния нәзарәте һәм Җәмигъ мәсҗиде тарафыннан ел саен җәен балалар өчен дини укулар оештырыла. Менә быел да 4 июньнән алып 14 июньгә кадәр биредә 7 – 14 яшьлек йөзгә якын малайлар һәм кызлар дини белем алдылар. Алар арасында татар, казах, әзәри (әзәрбайҗан), үзбәк, таҗик балалары бар иде. Иртәдән төшкә кадәр мөгаллимнәр - Наил Мостафин, Дилмурат Нәбиев, Ринат Ногманов, Нәфисә Сөләйманова, Галия Аслан балаларга гарәп графикасын һәм динебез Ислам нигезләрен өйрәттеләр.

3 из 142