This is an example of a HTML caption with link themeforest.net.

"Бердәмлек"

"Туган тел" исемле Самар өлкә татар җәмгыяте үзенең эшчәнлегендә мәктәп һәм гәҗитә ачуны беренче планга куеп яшәде. Җәмгыятьнең җитәкчесе Фатых углы Рәшит Абдуллов бу юнәлештә зур көч куйды.
1989 елны Самар Сабан туенда татар телендә гәҗитә кирәклеге турында мөрәҗәгатьнамә кабул ителде һәм имзалар җыелды.
Һәр эштә җиң сызганып эшләүчеләр була. "Бердәмлек" гәҗитәсен ачуда армый-талмый көчләрен сарыф итүчеләр - Фатых углы Рәшит Абдуллов, Бөтендөнья татар конгрессының Башкарма комитеты әгъзасы Хәйрулла углы Равил Яһүдин, Мансур Ямалетдинов. Ул елларда Самар өлкә башкарма комитетын Александр углы Виктор Тархов җитәкләде. Җитәкче буларак, акыллы шәхес буларак Виктор Александрович татарларга карата гаҗәеп яхшы мөнәсәбәт күрсәтте. 

Рәфкат Әһлиуллин

Мин беркайчан онытмыйм ничек ул Рәшит Абдулловны һәм мине кабул иткәнен. Сүз, әлбәттә, татар гәҗитәсен ачу турында барды. Җәйге эссе көн иде. Рәшит тә, мин дә кыска җиңле күлмәкләрдән, түбәтәйләрдән. Ул вакытта Ак Йортта түбәтәйдән йөрүчеләр юк иде. Хәзер дә юк. Шунда Тархов сорау бирде: "Ни өчен чуашка да, мукшыга да, башкортка да гәҗитә кирәкми, ә татарларга гәҗитә, радио, телевидение кирәк", ди. Шунда мин болай дип җавап тоткан идем: "Татарлар гомер-гомергә  дәүләт тоткан милләт. Алтын Урда, Болгар дәүләте, Казан ханлыгы. Чуаш, мукшы,башкорт гомердә дә дәүләтле булмаганнар. Безнең канда дәүләтчелек тойгысы ага.Кечкенә генә булса да дәүләт белән җитәклисе килә", дидем. Виктор Александрович шуннан соң: "Егетләр, мин сезне аңладым. Самарда татар гәҗитәсе булачак", диде. Һәм ул сүзендә торды да.

  1990 елдан башлап бүгенге көнгә кадәр "Бердәмлек" гәҗитәсенең мөхәррире булып Нәбиулла углы Рәфкат Әһлиуллин хезмәт итә. Казан университетын тәмамлаган тәҗрибәле журналист  чирек гасыр буена армый-талмый телебезне саклауда көч куя. 

2015 елның апрелендә "Бердәмлек"кә 25 яшь тулды. Гәҗитәдә эшләп киткән һәм бүген эшләүчеләрне котлыйбыз!

Хәбәрләр

Самарда Ураза бәйрәме истә калырлык узды

Быелгы Ураза ае чын мәгънәсендә мөселманнар өчен олы имтихан ае булды. Ходай Тәгалә адәм баласына Үзенең чиксез көчен күрсәтеп, безләрне тирән уйланырга мәҗбүр итте. Тыныч саба җилләре иркәләгән көннәрне зил-зиләләр кубып, чиләкләп яңгырлар яуды. 35 - 38 градус эсселекләр хәлләребезне алып тәмуг әсәрләрен хәтерләтеп җибәрде. Бу изге айда Самар Җәмигъ мәсҗиде мөселманнар өчен тагын да якынрак изге бер ноктага әверелде. Һәр көнне гыйбадәтханәнең аш-су залында зур-зур табыннар, ифтар мәҗлесләре уздырылды. Ватаныбыз Русиядә икътисади кризис барганы да онытылып китте. Мул табыннарда, якыннарын, туган-тумачаларын чакырып, халык вәгазь тыңлады. Аралашты. Туганлык хисләрен яңарттылар.

Адам Лентон: “Сәяхәт иткәндә татар теле бик кирәк!”

Азатлык радиосы теләп һәм яратып татар телен өйрәнүчеләр белән таныштыруын дәвам итә. Бүген без ерак Британиядә туган, хәзер Франциягә магистратурага керүче Адам Лентон белән әңгәмә кордык. Татар теле белән кызыксыну чыннан да төрле милләт вәкилләрендә күзәтелә. Еш кына алар татар теле яки Татарстан белән бәйләнеше бөтенләй булмаган хәлдә Тукай телен үзләштерә. Мәсәлән, Токиодан Юто Хишияма яки Дагыстаннан Саадулла Әхмәтгаджиев. Шул ук вакытта араларында Казанга рус телен өйрәнергә дип килеп, татар телен өйрәнеп китүче Робин Истон кебекләр дә бар. Лондон тирәләрендә туган, милләте инглиз булган Адам Лентон да Казанга рус телен өйрәнергә килде. Монда ул татар теленә гашыйк булды, аны кызыксынып өйрәнә башлады. Хәзер Парижда укырга җыенса да, андагы татар теле курсларына йөрергә тели. Азатлык радиосы Адам белән элемтәгә кереп, аның татар теле турында фикерләрен тупларга, Тукай телен ни өчен өйрәнүен белергә һәм татарларда нәрсәне кызык дип табуын ачыкларга тырышты.

"Нинди генә авырлыклар күрсәгез дә, зарланмагыз..."

Самарда "Ялкынлы яшьлек" исемле җыр, бию, шигърият ансамбленең чыгышларын карап, берничә буын татар тәрбияләнде. Бу иҗат коллективы үзенә бер мәдәни сәнгать мәйданчыгын хәтерләтә. Төрле жанр бер үзенчәлеге булса, икенчесе - шәхесләр парады! Йолдызлар да сокланырлык.

"Хөрмәт төбе-хезмәт" бәйгесе

Бәйгедә 4-10 яшьтәге балалар, башлангыч сыйныф укытучылары, тәрбиячеләр катнаша ала.

126 из 142