This is an example of a HTML caption with link themeforest.net.

Фронтларда имгәнеп, чирләрдән интексәләр дә, сугыш ветераннары колхозны, авыл тормышын үсеш юлына бастыру өчен күп тырыштылар.

Кулсыз, яисә аяксыз калган кешеләрнең янталашып печән чабуын, утын әзерләвен һәм башка авыр эшләрне башкаруын күргәндә йөрәк әрнесә дә, аларга һәрвакыт олы хөрмәт белән карадык. Авырлыкларга бирешмичә, алар уңай тормыш үрнәкләре күрсәтеп, бер дигән балалар үстерделәр.

Мәктәпләрдә, төрле бәйрәмнәрдә алар һәрвакыт кадерле кунаклар булдылар. Яшь буынны тәрбияләүгә, халыктагы динне саклауга һәм үстерүгә дә алар көч куйдылар.

Сугыш ветераннары элгәредән берләшеп, киңәшеп, ярдәмләшеп яшәделәр. Авылдагы сугыш һәм хезмәт ветераннары оешмасын Гали улы Миргабиҗан ага Әмиров 20 ел буена җитәкләде.Ул сугыш инвалиды.

1942 елда авыл хуҗалыгы техникумының 2 курсыннан аны Ульяновск хәрби пехота училищесына укырга озаталар. Аларны кыска вакытта әзерләп Курск Дугасында барган сугышка җибәрәләр. Алар часте 72 нче гвардия дивизиясе составында сугышка керә. Миргабиҗан ага авыр яралана, госпитальдә дәвалана. Терелгәч, Балтик буе фронтында автоматчылар взводының командиры буларак, тагын сугышка керә. Белорусиянең Витебск шәһәрен азат иткәндә тагын яралана. Кохма шәһәрендәге госпитальдә дәвалана.

Кытайны японнардан азат итү өчен барган сугышларда танк командиры буларак катнаша. Күрсәткән батырлыклары өчен 1 нче дәрәҗә Бөек Ватан сугышы ордены, "За отвагу", "За победу над Германией", "За победу над Японией" һәм Жуков медальләре белән бүләкләнә.

1947 елда Миргабиҗан Әмиров демобилизацияләнә һәм техникумда укуын дәвам итә. Аны тәмамлагач, озак еллар авылларда җитәкче булып эшли. Мәсәлән, Бозбаш авылында колхоз рәисе, Сосна, Подгорный Дол һәм Иске Ярмәк авылларында агроном булып эшли.

Пенсиягә чыккач Иске Ярмәк авылындагы сугыш һәм хезмәт ветераннары оешмасының рәисе итеп сайлана. Бу оешма районда иң актив һәм нәтиҗәле эшләүче коллектив булып санала. Самар өлкәсе инвалидлар җәмгыяте тарафыннан аңа "Почётный член Всероссийского общества инвалидов" дигән исем һәм диплом бирелә. Ул сугыш ветераннарының һәм инвалидларның хокукларын яклауга һәм төрле яклап аларга ярдәм итүгә күп көч куя. Иске Ярмәктә ветераннар җәмгыяте бердәм булып, аралашып һәм ярдәмләшеп яшиләр.

Миргабиҗан ага Әмиров үз гомеренә һәркайда тыйнак, ачык йөзле, киң күңелле шәхес булып танылды. Ул һәрвакыт колхоз эшләрендә һәм авыл тормышында актив кайнашып, халык арасында хөрмәт казанды.

Иске Ярмәк авылыннан 686 кеше сугышка киткән, шуларның 316 сы сугыш кырларында һәлак булалар. Исән калганнарының да инде барысы да диярлек бакыйлыкка күчтеләр. Әйтергә кирәк, сугышта ничек батырлыклар күрсәтсәләр, алар сугыштан соңгы җимереклекне, бөлгенлекне җиңүдә дә батыр хезмәт үрнәкләре күрсәттеләр. Миргабиҗан ага Әмиров - шуларның актив бер вәкиле. Ул матур яшәде, уңышлы эшләде. Халык белән эшләве авыр булса да, һәркемнең күңеленә юл таба, эшкә күндерә белде. Дорфа кыланмады, беркемне дә рәнҗетмәде. Халыкка да, түрәләргә дә ярый белде.

Кызганыч ки, Иске Ярмәктәге сугышта катнашкан ветераннар арасыннан ул хәзер авылда берүзе исән калды. Коточкыч канлы сугышларны үз күзләре белән күргән, үз йөрәге аша үткәргән ул бердән-бер тере шаһит. Киләчәк тормышында аңа исәнлек, җан тынычлыгы, балаларының игелеген, оныкларының куанычын тоеп яшәргә насыйп булуын телибез.

Фәрид Шириязданов.

 

Хәбәрләр

Будущее Российской Федерации – в наших руках

В Самарской Соборной мечети прошел ежегодный открытый форум мусульманской молодежи «Здоровое поколение – будущее России». Организаторами данного форума выступило Региональное Духовное управления мусульман Самарской области. В мероприятии приняли участие около 300 человек, а также организаторами были приглашены почетные гости: представитель общественной организации поддержки президентских инициатив в области здоровьясбережения нации «Общее дело» Данил Козлов,

Һәр эштә һәрвакытта башлап йөрүче Таһир

Рәсәй президенты указы буенча, 2018 ел «Волонтёрлар елы” дип игълан ителде. Бу шундыйларның елы, кемнең күңел киңлеге, ихтыяр көче һәм миһербанлыгы Рәсәй иленең төп көчен тәшкил итә!" - диде үзенең бер чыгышында Президентыбыз Владимир Путин. Бу уңайдан Иске Ярмәк авылында эшләп килүче халыкка социаль хезмәт күрсәтү оешмасының эшчәнлеген билгеләп үтәсе килә. Хәзерге көндә ул реабилитация үзәге дип атала. Анда халыкка медицина ярдәме күрсәтелә һәм башка күп ярдәм чаралары оештырыла. Монда пособияләр юллау, өй һәм йорт эшләрендә булышу, ярдәмгә мохтаҗ кешеләргә башка төрле ярдәм итү дә керә. Авылдагы күп кеше эш белән тәэмин ителгән.

В Коране запрещено вино

Во имя Аллаха Милостивого, Милосердного. Вся хвала и благодарность Аллаху, мир и благословение Его Посланнику. Мы благодарим Вас за оказанное доверие. Мы взываем к Аллаху Всемогущему осветить наши сердца для истины и даровать нам благословение в этом мире и в Судный День. Аминь. Очень странно слышать и читать об «имаме», который утверждает, что вино не запрещено в исламе. Запрет на вино и алкогольные напитки в исламе является одним из хорошо известных постановлений Шариата (исламского права), в чем сходятся все мусульмане, не говоря уже об ученых.

Милләтебез күркәмлеген һәм динебез сафлыгын сакларга һәм башкаларга да күрсәтергә кирәк

Самар өлкәсенең көньягында урнашкан Нефтегорск шәһәрнең тарихы 1960 елдан башлана. Бу районда 32 меңләп халык исәпләнсә, шулар арасында 700гә якын татарлар яшиләр, ягъни алар саны 2 процентка якын дип исәпләнә. 28 гыйнвар көнне биредәге татар иҗтимагый оешмасы үзенең 20 еллык юбилеен билгеләп үтте. Бәйрәмдә Самар өлкәсе Диния Нәзарәте рәисе мөфти Талип хәзрәт Яруллин, Самар өлкәсе татарларының милли-мәдәни мөхтәрияте рәисе Әнвәр Горланов, Самар өлкәсендәге татарларның "Туган тел" җәмгыяте директоры Фәрхәт Мәхмүтов, "Ялкынлы яшьлек ансамбле җитәкчесе Илгиз Кәлүчев, Яңа Куйбышев шәһәренең "Туган тел" татар җәмгыятенең җитәкчесе Ринат Газизов та катнаштылар.

4 из 134