This is an example of a HTML caption with link themeforest.net.

                                                                         "Туган тел"

"Туган тел" исемле Самар өлкә татар җәмгыяте үзенең эшчәнлеген 1989 елны башлап җибәрде.
Җәмгыятьнең беренче җитәкчесе - Шамил Әхмәров.
Шамил әфәндедән соң җитәкчелек Фатых углы Рәшид Абдуловка тапшырылды. Рәшид әфәнде чорында Самарда
Мәйданнарга Сабан туйлары кайтты.
Мәдәният Сарайларында Нәүрүз, Сөмбелә бәйрәмнәре уздырыла башлады.
"Татар балалары җырлый" фестивале киң колач алды.
"Бердәмлек" гәҗитәсе чыга башлады (мөхәррире - Рәфкат Әһлиуллин).
Өлкә радиосында "Иделкәем-илкәем" радиосы эшләде(алып баручылары-Шамил Баһаутдин һәм Наилә Сабирҗанова).
Ун ел буена "Радио-7" үзенең тапшыруларын унбер телдә алып барды(директоры - Шамил Баһаутдин, башлап җибәргәндә - Әминә Шәмсетдинова).
Атнасына 14 сәгать дәвамында "Ак бәхет" исемле радио эшләп торды (алып баручылары - Шамил Баһаутдин һәм Наилә Сабирҗанова).
"Туган тел" җәмгыятенең дәрәҗәсен Әнвәр Бульхин һәм Вазыйх Мөхәммәтшин үстерделәр.
Рәшид Абдулов чорында салына башлаган "Яктылык" мәктәбен төзеп бетерделәр.
Мәктәпнең беренче директоры - Харидә Дашкина.
Икенче директоры - Дания Әбдрәхимова. Бүгенге көндә - мәктәп мөдире булып Радик Газизов эшли.
2010 елны кыска срокта җәмгыятьне Фәхретдин Канюкаев җитәкләп

Хәзерге вакытта "Туган тел" җәмгыятен икътисади фәннәр докторы, профессор, банкир Ильяс Шәкүров җитәкли.

Хәбәрләр

Һөнәрле булыгыз һәм әти-әниләрегез белән киңәшеп эшләгез

Балачагында акча тотарга өйрәнмәгән кеше, олыгайгач та акча тота белмәс, дөньяда гүзәл көн кичерә алмас, бәлки, бар байлыгын исраф итеп, бәхетсез булып калыр. Шуның өчен атагыз тарафыннан бирел­гән акчаларны тота белергә өйрәнегез. Сак булыгыз, "бу - аз акча гына" дия күрмәгез, чөнки бүген сезнең кирәкләрегез дә бирелгән акча кебек аздыр. Кайбер балалар булыр ки: аталарының малларына ыша­нып, һичбер кәсеп вә эш юлына кермәсләр, бәлки ялкаулыкка гадәтләнерләр. Ахырда бер көн килер, акчалары да бетәр. Те­реклек итәр өчен кулда һөнәр дә булмас. Шуның өчен ата ма­лына ышанып тормыйча, бәлки никадәр бай баласы булсагыз да булыгыз, үзегезне кеше баласы санап, һөнәр өйрәнергә тыры­шыгыз!

Гали Сабан туе - 2015

Бүген бездә Сабан туе, беркем читтә калалмый. Уеннарда көч сынашып, Һәркем сәләтен барлый. Чәчүләр тәмам, Аллага шөкер, Тамак тук, өс-баш бөтен. Динебез көчле, авылыбыз төзек, Бүген бездә Сабан туе!

Казанда "Түбәтәй" фастфуд челтәре ачыла

14 июнь Казанда рәсми рәвештә “Түбәтәй” милли ризыклар челтәре ачыла. Узган атна ахырында “Черек күл” паркында аны сынау рәвешендә ике көн эшләтеп, халыкка күрсәтеп алдылар. Бу якшәмбе Казанда "Түбәтәй" милли фастфуд кафесы ачыла. Әлегә ул Казан үзәк тимер юл вокзалы каршысындагы киоск форматында мәйданда булачак. Ачылу тантанасы көндезге икедә башлана. Аны “Шикәрные” төркеме егетләре Ислам Вәлиев белән Туран Гатауллин алып барачак, шулай ук Action Man Crew исемле брейкерлар төркеме дә чыгыш ясаячак. Ачылу тантанасында уеннар, бәйгеләр һәм музыкаль интерактивлар каралган.

“Нур” мәдрәсәсендә 90 бала Ислам динен үзләштерә

Самарның Җәмигъ мәсҗиде йортында урнашкан “Нур” мәдрәсәсендә ел саен җәен балалар өчен дини укулар оештырыла. Менә быел да беренче июньнән алып унҗидесенә кадәр биредә 6 - 16 яшьлек 90 малай һәм кыз белем ала. Алар арасында татар, урыс, башкорт, әзәрбайҗан, үзбәк, таҗик балалары бар.

126 из 139